इफिसियों 2:2 - बृज भासा

² चौंकि तुम पैहलेई संसार की बुरी रस्ता पै चलत भये बिन आकास के अधिकार के हाकिम मतलब बा दुस्‍टआतमान के तरीका ते चलते हते। ये आतमाए बिन आदमिन के हृदय में काम करै जौ परमेस्‍वर के आग्‍या कूं नांय मान्‍त।

इफिसियों 2:2 Iomraidhean Croise

मत्‍ती 11:19

मैं, ‘मनुस्‍य कौ बेटा’ आयौ जो दूसरेन की तरैह ते खातौ और पीतौ और बे लोग कैहतै, ‘देखौ, जि तौ पेटू है, पियक्‍कड़ है। जाके मित्र चुंगी लैबे बारे और पापीएं।’ पर परमेस्‍वर कौ ग्‍यान तौ वाके वचनन के ऊपर चलबे बारे के कामन ते साबित करौ जाबैगौ।”

मत्‍ती 13:22

झाड़िन में गिरे भये बीज उन लोगन कूं दिखातै जो वचन कूं तौ सुनतें पर संसार की चिन्‍ता और धन-दौलत कौ लोभ-लालच वचन कूं दबा देतै और बू फल नांय लाबत।

मत्‍ती 13:38

और खेत जि संसार है अच्‍छे बीज कौ मतलब जि है सुरग के राज के लोग और जंगली बीज कौ मतलब है आदमी जो सैतान की सन्तान है।

मरकुस 4:19

पर सांसारिक चिन्‍तांए, धन कौ लालच और दूसरी चीजन कौ लालच बिनमें घुसकें वचन कूं दाब लैवे है। जाते बे फल नांय ला सके।

लूका 16:8

“जापे वाके स्‍वामी नें बेईमान मुनीम की भौत बड़ाई करी चौंकि बानें जि काम बड़ी चालाकी ते करौ। सांसारिक आदमी परमेस्‍वर के पबित्र लोगन ते व्‍यवहार में जादा चालाकै।

लूका 22:31

ईसू नें पतरस कही, “सिमौन, हे सिमौन देख जैसे एक किसान नाज कूं फटककै भूसे ते अलग करतै, बैसेई तुम सबन की परीछा लैबे की सैतान नें आग्‍या लै लयी है।

यूहन्‍ना 12:31

अब जा संसार के न्याय कौ समै आ गयौ है। जब जा संसार के राजा सैतान कूं बाहर निकार दियौ जाबैगौ।

यूहन्‍ना 13:2

सैतान साम कूं खानों खायबे के समै तक सिमौन के बेटा यहूदा इस्करियोती के मन में जि डार चुकौ हतो कै बू ईसू कूं धोखे ते पकड़बा दैबे।

यूहन्‍ना 13:27

यहूदा के टुकड़ा लेतेई सैतान बामें घुस गयौ। तब ईसू नें बाते कही, “तोय जो करनों है, बाय जल्दी कर।”

यूहन्‍ना 14:30

“मैं जादा समै तक तुमते बात नांय करुंगो, चौंकि जा जगत कौ राजा सैतान आय रयोए। पर मोपै वाकौ कोई जोर नांय चलत,

यूहन्‍ना 15:19

अगर तुम जा दुनियां कै होते, तौ लोग तुमते पिरेम करते। पर तुमतौ जा दुनियां के नांय हत, तुमें तौ मैंनें चुन लयौऐ और जाई बजैह ते जा दुनियां लोग तुमते बैर करतें।

यूहन्‍ना 16:11

और बू परमेस्‍वर के न्याय के बारे में बताबेगौ कै परमेस्‍वर जा दुनियां के सरदार सैतान कूं दन्‍ड दैबेगौ।

यूहन्‍ना 7:7

दुनियां के लोग तुमते बैर नांय कर सकत, पर मोते सब बैर करतै, चौंकि मैं बिनके खिलाप जि गबाही देतूं कै बिनके काम बुरेऐं।

यूहन्‍ना 8:23

जापै ईसू नें कही, “कै तुम नीचे केऔ और मैं ऊपर कौऊं। तुम जा जगत केऔ और मैं जा जगत कौ नांऊ।

यूहन्‍ना 8:44

तुम अपने पिता सैतान की सन्‍तानों और तुम अपने पिता की इच्‍छा पै चलबौ चाहतौ। बू तौ सुरू तेई एक हत्‍यारा हतो और बानें सच्‍चाई कौ संग कबऊ नांय दयौ चौंकि बामें सच्‍चाई हतई नांय। वाकौ तौ सुभाव झूंठ बोलबौ है चौंकि बू झूठोऐ और झूंठ कौ बापै।

प्रेरितन के काम 19:35

तब नगर के मन्त्री ने लोगन कूं सान्‍त करकें कही, “हे इफिसुस के रैहबे बारेऔ, दुनियां के सारे लोग जि जानतै कै, इफिसुस नगर महान देवी अरतिमिस और आकास ते नीचे गिरी भई मूरतीन के रखबारे हैं।

प्रेरितन के काम 5:3

जापै पतरस ने बाते कही, “हे हनन्याह, सैतान कूं तेने अपने मन में जि बात चौं डारन दयी कै, तेने पबित्र आतमा ते झूंठ बोलौ और खेत कूं बेचबे ते जो कछु धन मिलौ हतो बामें ते थोरौ सौ बचाय लियौ?

रोमियों 12:2

अब और आगे जा संसार की रीति पै मत चलो पर अपने मनन कूं नयौ करके अपने आप कूं बदल डारौ, ताकि तुमें पतौ चल जाये कै, परमेस्‍वर तुमारे काजै का चाहतै, जो उत्‍तम है, जो बाय भाता है और जो सम्पूर्न है।

1 कुरिन्थियों 5:10

मेरौ जि मतलब बिलकुल नांय के, तुम जा दुनियां के व्‍यभिचारीन, लोभीयन ते, ठगन ते और मूरती पूजबे बारेन ते कोई मतलब मत रखौ। ऐसौ करबे काजै तुमें जा संसार मैं ते निकरकें जानौ होगौ।

1 कुरिन्थियों 6:11

तुम मेंते भौतसे ऐसेई जीबन जी रये हते। पर तुम अब धोयकै पबित्र करे गयेऔ और तुमकूं परमेस्‍वर की सेबा के काजै, पिरभू ईसू मसीह के नाम ते और परमेस्‍वर की आतमा के द्वारा धरमी ठहराये हो।

2 कुरिन्थियों 4:4

जा संसार के देबता सैतान नें अबिसबासिन के मन में इतनों अन्धेरौ कर दयौ है कै, बे परमेस्‍वर के स्‍वरूप मसीह के महिमा के सुभ समाचार कौ प्रकास नांय देख पा रये हैं।

गलातियों 1:4

ईसू मसीह नें हमारे पापन के काजै अपने आप कूं दै दियौ, ताकि हमारे पिता परमेस्‍वर की इच्‍छा के अनुसार हमें जा समै, जा बुरे संसार ते छुड़ाय लेय।

इफिसियों 1:21

और मसीहए सब राज करबे बारेन पै, अधिकारिन पै और आतमिक सक्‍तीन पै और प्रभुतान के ऊपर ठहरायौ है कै बू हर एक नाम के ऊपर, जाई युग में नांय बल्कि आबै बारे युग में राज करै।

इफिसियों 2:11

तुमतौ पैहले तेई गैर यहुदी हो और जो लोग सरीर में खतना कराये भये हैं बे तुमें खतना रहित कैहतै।

इफिसियों 2:13

पैहले तुम जो परमेस्‍वर ते दूर हते, पर अब ईसू मसीह के खून के जरिये वाके जौरे है गये हैं।

इफिसियों 2:3

हम सबऊ पैहले अपने सरीर की लालसान में दिन बिताते और अपने सरीर और मन की इच्‍छान कूं पूरी करते हते। हम खुद दूसरे लोगन की तरैह ते परमेस्‍वर की गुस्सा के लायक हते।

इफिसियों 4:17

जाईमारै मैं पिरभू के नाम में तुमें चेतायकै कैहतूं कै जैसे अबिसबासी लोग अपने मन कि बुरी बातन के अनुसार चलतै पर तुम अब ऐसे मत चलौ।

इफिसियों 4:22

तौ तुम लोगन नें अपनों पैहलौ सुभाब और आचरन त्‍याग दैनों चहिऐं। जो धोकौ दैवे बारी रस्ता पै चलायकै तुमारौ नांस करतें।

इफिसियों 5:6

कोई तुमें बेकार की बातन ते धोकौ नांय दैवे चौंकि इनई कामन की बजैह ते परमेस्‍वर की गुस्सा बिन लोगन पै भड़कतै जो वाकी बातन कूं नांय मानतई।

इफिसियों 5:8

पैहले तुम अन्धेरे में हते पर अब पिरभू के चेला हैबे काजै उजीते में बुलाये गये हौ जामारै तुम उजीते की सन्‍तान के जैसे चलौ,

इफिसियों 6:12

हमारौ मल युद्ध आदमिन ते नांय पर जा संसार की अंधकार की बुरी सक्‍ती के पिरधानन ते और ऊंचे अधिकारिन ते है, और बा दुस्‍ट की बुरी आतमिक सेना ते है जो आकास में है।

कुलुस्सियों 1:21

बू एक समै हतो जब तुम अपने बुरे बिचार और बुरे कामन की वजह ते परमेस्‍वर ते भौत दूर और वाके बिरोधी हते।

2 तिमुथियुस 4:10

चौंकि देमांस ने जा संसार कूं प्यारौ जानके मोय छोड़ दियोए और थिस्सलुनीके नगर कूं चले गयौए। क्रेसकेंस गलातिया नगर कूं तथा तीतुस दलमतिया नगर कूं चले गयौ है।

याकूब 1:27

हमारे पिता परमेस्‍वर के जौरें सुद्ध और निरमल भक्‍ती तौ जि है कै अनाथ और बिधबान के दुखन में बिनकी सुधी लैमें, और अपने आप कूं संसार की बुराईन ते अलग करें।

याकूब 1:7

ऐसे आदमी कूं जि नांय सोचै कै, “मोय पिरभू ते कछू मिलैगौ।”

याकूब 4:4

अरे व्यभिचारीन और बेईमानों का तुम जि नांय जानें कै संसार ते पिरेम करबे कौ मतलब तौ परमेस्‍वर ते बैर करबौ। जो जा संसार कौ मित्र बनें बू परमेस्‍वर कौ बैरी बनें।

1 पतरस 1:14

तुम लोग आग्‍या मानबे बारे बालकन की तरैह बनकैं, बा समै की बुरी इच्‍छा के अनुसार काम मत करौ जो तुम पैहले करते हते, पैहले तुम अग्‍यानी हते।

1 पतरस 4:3

चौंकि तुम गैर यहुदिन की तरैह काम करबे और लुचपन, बुरी लालसा, व्‍यभिचार, मतबारौपन, पियक्‍कड़ और घृनित मूरती पूजा जहां तक हमनें पैहले समै बितायौ बुई भौत है।

2 पतरस 2:14

ऐसी औरत की ताक रैहमें कै जिनके संग कुकर्म करौ जा सके, जा तरैह बिनकी आंख पाप करबे ते बाज नांय आमें और बिचलित मन बारी औरतन कूं भरमाय लैमें हैं, और इनके मन पूरी तरैह ते लालच के आदी हैं। जे तौ स्राप की सन्तान हैं।

1 यूहन्‍ना 3:10

परमेस्‍वर की सन्‍तान और सैतान की सन्‍तान की पहचान जि है, कै जो धरम के काम नांय करें, बू परमेस्‍वर की सन्‍तान नांय और जो अपने भईया ते पिरेम नांय करें बेऊ वाकी सन्‍तान नांय।

1 यूहन्‍ना 3:8

जो कोई पाप करतै बू सैतान की सन्‍तान है, चौंकि सैतान सुरू ते पाप करतौ चलौ आ रयौ है, परमेस्‍वर को बेटा जाके मारे आयौ के बू सैतान के कामन्‍नें खतम कर देय।

1 यूहन्‍ना 4:4

हे प्यारे बालकौ! तुम परमेस्‍वर केहो और तुमनें मसीह के बिरोधीन पै जीत पाई है। चौंकि तुम में रैहबे बारौ परमेस्‍वर जा संसार में रहबे बारे सैतान तेऊ बड़ौ है।

1 यूहन्‍ना 5:19

हम जानतैं कै हम परमेस्‍वर के हैं पर सबरौ संसार बा सैतान के बस में है।

1 यूहन्‍ना 5:4

चौंकि परमेस्‍वर की हर सन्‍तान संसार पै बिजय पा लैबै। संसार के ऊपर जो बिजय मिलै बू हमारे भरोसे तेई मिलै।

प्रकासित बाक्य 12:9

बू बड़ौ अजगर मतलब बुई पुरानौ सांपै जो इबलिस और सैतान कहौ जातौ, जौ सबरे संसार कूं भरमाबे बारौ हतो बू और वाके दूत धरती पै गिरा दिये।

प्रकासित बाक्य 13:14

बू धरती के लोगन कूं भरमांतो चौंकि बापै पैहले डराबने पसु के अधिकार ते बू चमत्‍कार के काम करतौ। और दूसरे बा डराबने पसु नें धरती के लोगन ते आदर पायबे काजै, तलबार ते लगे भये घाव बादऊ बू डराबनों पसु जीबित हतो, वाकी मूरती बनबाबे की कही।

प्रकासित बाक्य 13:8

बे सब धरती के रैहबे बारे जिनके नाम मैमना के जीबन की किताब में नांय लिखे हते। बे बा डराबने पसु की पूजा करिंगे। मैमना जो जगत की रचना के समैं ते पैहलेंई बलिदान हैबे काजै तैयार करौ हतो।

प्रकासित बाक्य 16:17

सातबें सुरग दूत ने अपनों कटोरा हबा पै डार दियो, और पिराथना घर के सिंहासन ते एक बड़ी अबाज आई के, “सब पूरौ है चुकौ है।”

प्रकासित बाक्य 20:2

बानें अजगर कूं पकर लियौ जो सैतान इबलिस हतो, बाय पकर कें हजार साल के काजै साकर ते बांध दियौ।