2 तिमुथियुस 4:8 - बृज भासा

⁸ आगे आयवे बारे समै में मेरे काजै बू धर्म कौ मुकुट रखौए, जाय पिरभू जो धर्मीए और न्याईए मोय न्याय के दिना पैहराबैगौ। और बू बाय मोईऐ नांय पर उन सबनकूं पैहराबैगौ जो पिरेम के संग वाके पिरगट हैबे कौ इन्‍तजार कर रये हैं।

2 तिमुथियुस 4:8 Iomraidhean Croise

मत्‍ती 24:36

“बा दिना और बा समै के बारे में कोई नांय जान्त, ना तौ सुरग दूत और ना बेटा। पर केबल पिता ही जानतें।

मत्‍ती 7:22

बा दिनां भौत से लोग कहिंगे कै, ‘है पिरभू मैंनें तेरे नाम ते भविस्‍यबानी नांय करी, का दुस्‍ट आतमान कूं नांय निकारौ और का तेरे नाम ते भौत से अचम्भे के काम नांय करे?’

लूका 10:12

मैं तुमते कैहतूं, कै परमेस्‍वर के न्याय के दिना बा नगर की दसा सदौम नगर तेऊ जादा बुरी होगी।

रोमियों 2:5

पर तुम अपने जा हठ और कबऊ पछताबौ ना करबे बारे मन की बजैह ते, वाके क्रोध कूं अपने काजै बा दिना काजै इकठ्‌ठौ कर रयौ है, जब परमेस्‍वर कौ सच्‍चौ न्याय पिरकट होबैगौ।

रोमियों 8:23

केवल जि सृस्‍टी अई नांय, पर हमऊ जिनें आतमा का पहलौ फल मिला है, अपने भीतर कराहते रहे है। चौंकि हमें वाके द्वारा पूरी तरैह अपनांये जाबे कौ इंतजार है कै हमारी देह मुक्‍ती है जाबेगी।

1 कुरिन्थियों 2:9

जैसौ पबित्र सास्त्र में लिखौ है, “जो ग्‍यान कबऊ काऊ ने नांय देखौ, और कानन नें नांय सुनी, और न कोई आदमी कल्पना कर पायौ, जो परमेस्‍वर नें अपने पिरेम करबे बारेन काजै तईयार करीं हैं।”

1 कुरिन्थियों 3:13

तौ हरेक आदमी कौ काम अलग अलग दिखाई देबेगौ, चौंकि न्याय कौ दिन आग के संग पिरगट होगौ और वाकी आग हरेक आदमी के काम कूं परखेगी कै वाके काम कैसे हैं।

1 कुरिन्थियों 9:25

हर एक पहलबान हर बात में अपने आप पै काबू करतै। बू जि सब नासबान मुकट कूं पायबे काजै करतै। पर हम तौ बा मुकुट काजै करतूं जो मुरझाबत नांय।

2 कुरिन्थियों 5:2

जामारै जब तक हम जा डेरा में हैं हम कराहते रैहतें और अपने सुरगीय डेरे में रैहबे की बड़ी इच्छा रखतै।

फिलिप्पियों 3:11

जाते मैं काऊ रीती ते मरे भयेन में ते जी उठवे के पद तक पौंहचूं।

कुलुस्सियों 1:5

और जि बा आसा की बजैह ते भयौए जो तुमारे काजै सुरग में रखी भयी है और जा आसा के बारे में तुमने पैहले तेई सुभ समाचार के सच्‍चे वचन के जरिये सुन लियौ है।

1 थिस्सलुनिकियों 1:10

और वाके बेटा ईसू की सुरग पैते आयवे की बाट जोह रहे हैं, जाकूं परमेस्‍वर नें मरे भयेन में ते जिलायौ हतो और बुई हमें आयवे बारे परमेस्‍वर के प्रकोप ते बचा सकै।

1 थिस्सलुनिकियों 5:4

हे भईयाओ, तुमतौ अन्धकार में नांय हत, कै बू दिना तुम पै चुपके ते चोर की तरैह अचानक आ परै।

2 थिस्सलुनिकियों 2:8

तब व्‍यबस्था कूं ना मानबे बारौ पिरकट होगो और बाय पिरभू ईसू अपने मौंह की फूंक ते और अपने आगमन की चकाचौंध ते नास कर देगौ।

1 तिमुथियुस 6:19

ऐसौ करबे ते आबे बारे समै काजै ऐसौ धन इकठ्‌ठौ करिगें जो आबे बारे समै में एक अच्छी पक्‍की नींव ठहरे। तब जायकै बू बा सच्‍चे जीबनें जीबे योग्‍य हुंगे।

2 तिमुथियुस 1:10

पर अब हमारे उद्धारकरता ईसू मसीह के पिरगट हैबे के द्वारा हम पै प्रकासित भयौ है। जानें मौत पै पूरी तरह तै बिजय पायी और जीबन और अमरता कूं बा सुभ समाचार के द्वारा प्रकास मान कर दियौ।

2 तिमुथियुस 1:12

जामारैं मैं य्हांपै इन दुखन नें सह रयौऊं, पर मैं जाते लज्‍जित नांऊ। चौंकि मोय पतौ है कै मैंनें कौन पै भरोसौ करौए और मोय निस्चय है कै बू मेरी धरोहर की आखरी दिना तक रखबारी करवे में सामर्थी है।

2 तिमुथियुस 1:18

आखरी दिना में पिरभू बापै दया करे और जो सेबा बानें इफिसुस में करी है, बिन्‍नेऊं तू अच्‍छी तरैह ते जानें।

2 तिमुथियुस 2:5

अगर कोई पहलबान काऊ अखाड़े में नियम के अनुसार नां लड़ै, तौ बाय जीत कौ उपहार नां मिल सकैगौ।

2 तिमुथियुस 4:1

मसीह ईसू जो अपने राज्‍य में पिरगट होगौ और जीन्देन कौ और मरे भयेन कौ न्याय करैगौ। बाय और परमेस्‍वर कूं गबाह मानकैं, मैं तौकूं जि आग्‍या दै रयौऊं।

तीतुस 2:13

और बा धन्य दिना की बाट जोहते रहमें जब हमारी आसा पूरी होगी, और हमारे महान परमेस्‍वर और उद्धारकरता ईसू मसीह की महिमा पिरगट होगी।

इब्रानियों 12:11

जा समै डाँट दयी जातैं, बा समै डाँट अच्‍छी नां लगै। पर हमें बाते दुख होतै, पर जो डाँट सहते सहते पक्‍के है गये हैं, बे आगें चलकै नेकी और सान्ती कौ प्रतिफल पांगे।

इब्रानियों 9:28

बाई तरैह मसीह भौतन के पापन कूं हटाबे काजै एकई बार बलिदान भयौ है। बू दूसरी बार, पापन के काजै नांय, बल्कि जो वाकी बाट जोह रये हैं, बिनके काजै उद्धार लाबे कूं पिरकट होगौ।

याकूब 1:12

धन्य है बू आदमी जो परखबे के समैं में अड़ौ रैहबै चौंकि बू खरौ निकर कें जीबन कौ मुकुट पाबैगौ, जाय दैबे कौ पिरभू नें अपने पिरेम करबे बारेन ते बादौ करौऐ।

1 पतरस 1:4

जामारैं अब तुम लोगन काजै सुरग में बू बिरासत रखी है, जो न तौ कबऊ सड़ैगी, और न कबऊ खोबैगी और कबऊ ना नास हैबैगी।

1 पतरस 5:4

जब बू पिरधान चराबे बारौ आबैगौ तब तुमें महिमा कौ मुकुट दैबैगौ वाकी चमक कबऊ नां जाबैगी।

प्रकासित बाक्य 1:7

देखौ, बू बादरन पै आबे बारौ है, हरेक आँख बाय आते भये देखेगी और बेऊ जिन्‍ने बाय मारौ हतो, बेऊ बाय देखिंगे और धरती के सगरे कुल वाके कारन छाती पीटिंगे। ऐसौई हैबै।

प्रकासित बाक्य 19:11

फिर मैं नें सुरग कूं खुलौ भयौ देखौ, और देखौ एक सफेद घोड़ा है, और बापै एक सबारै, जो भरोसेमन्द और सच्‍चौ कहौ जाबै और बू धर्म के संग न्याय और युद्ध करैं।

प्रकासित बाक्य 2:10

जो दुख तोय झेलने हैं बे तौ झेलनेई हैं पर बिनते तू डरपियो मत। चौंकि सैतान तुम मैं ते कछुन्‍नें जेल खाने में डारैगौ और बे परखे जांगे और दस दिनां तक कलेस उठांगे। चाहे तुमें मौत आ जाबे तौऊ भरोसे योग्‍य रहिओं तौ मैं तुमें जीबन कौ मुकुट दुंगो।

प्रकासित बाक्य 22:20

जो इन बातन की गबाही दैबै, बू जि कैहबै, “हाँ, मैं भौत जल्दी आयबे बारौऊं।” ऐसौई हैबै। हे पिरभू ईसू आ।

प्रकासित बाक्य 4:10

बे चौबीसऊ बुजुर्ग वाके पाँमन में गिरकें जो युगानुयुग जीबित है वाके सामने उपासना करें और अपनों मुकुट सिंहासन के सामने डार देमें और कहमें,

प्रकासित बाक्य 4:4

बा राजगद्‍दी के चारौ ओर गोलाई में चौबीस राजगद्‍दी हतीं और बिनपे चौबीस अगुवे सफेद कपड़ा पैहने भये बैठे हते। और बिनके सिरन पै सौने के मुकुट हते।