2 तिमुथियुस 4:2 - बृज भासा

² परमेस्‍वर के सुभ समाचार कौ पिरचार कर और समै और असमै सिछा दैवे काजै तैयार रैह। तू लोगन कूं बिनके पापन के काजै डांट, और ध्‍यान रख ऐसौ करते समै बे उदास ना होंय जाके मारै धीरज के संग बिनें सिखा।

2 तिमुथियुस 4:2 Iomraidhean Croise

लूका 7:23

बू आदमी धन्य हैं जाय मोय अपनांयबे में कोई परेसानी नांय।”

लूका 7:4

तब यहुदी नेतन नें ईसू के जौरें पौहचकै बाते सच्‍चे मन ते बिनती करत भए कही कै सूबेदार जा लायक है कै तू वाके काजै ऐसौ करै।

लूका 9:60

तब ईसू नें बाते कही कै, “मरे भयेन कूं अपने मुरदे घाड़न दै। तू जा और परमेस्‍वर के राज कौ पिरचार कर।”

प्रेरितन के काम 13:5

सलमीस नगर में पौंहचकै बे यहुदिन के पिराथना घरन में जायकें परमेस्‍वर कौ वचन सुनांयौ और यूहन्‍नांऊ बिनके संग रैहकै सेबक के रूप में काम में मदद करबे लगौ।

प्रेरितन के काम 16:13

यहुदिन के आराम के दिनां हम जि सोचकै नगर के बाहर नदी के किनारे पै गये कै कऊं पिराथना करबे की जगैह होगी, जामारै हम मापै बैठ गये और मापै इकठ्‌ठी औरतन ते बात चीत करबे लगे।

प्रेरितन के काम 20:7

सप्‍ताह के पहले दिन जब हम रोटी तोरबे काजै इकठ्‌ठे भए, तौ पौलुस उनते बातचीत करबे लगौ। बाय अगले ही दिन जानों हतो, जामारै बू आधी रात तक बातचीत करतोई रहो।

प्रेरितन के काम 28:16

जब हम रोम पौहचे तौ पौलुस कूं जि अनुमती मिल गयी कै, बू एक पैहरेदार की देख रेख में जहां चांहे मापै रैह सकते।

रोमियों 10:15

सुभ समाचार सुनाबे बारौ तब तक सुभ समाचार कैसे सुना पाबेंगे जब तक बिनें भेजौ न गयौ हो? जैसा कै पबित्र सास्त्र में जि लिखौ भयौ है, “सुभ समाचार सुनाबे बारेन के पाँम पड़बौ कितने सुहाबने हैं।”

रोमियों 12:12

अपनी आसा में खुस रहो। बिपत्‍ति में धीरज धरौ। निरन्‍तर पिराथना करते रहो।

गलातियों 6:6

जो तुमें परमेस्‍वर के वचन की सिछा देतै, बिनके संग हर एक अच्‍छी चीज कूं बांट लैओ।

कुलुस्सियों 1:25

परमेस्‍वर नें मोय, तुमारी भलाई काजै जो आदेस दियौ है और मैं बई के अनुसार कलिसिया कौ सेबक ठहरायौ गयौ हूं जाते मैं परमेस्‍वर के वचन कौ पूरी तरैह ते पिरचार कर सकूं।

कुलुस्सियों 4:3

और हमारे काजैऊ पिराथना करै करौ, कै परमेस्‍वर हमारे काजै वचन कूं सुनाबे कौ ऐसौ रस्ता खोल दैबै जाते हम मसीह के वचन कूं खुलकै और वाकी रहस्‍यमयी बातन कूं लोगन कूं बता सकें जाके कारन मैं जेल में बन्दी हूं।

1 थिस्सलुनिकियों 1:6

तुम बड़े दुख में पबित्र आतमा की ओर ते मिले आनन्द के संग वचन कूं मानकै हमारी और हमारे पिरभू की सी चाल चलवे लगेऔ।

1 थिस्सलुनिकियों 5:14

हे भईयाओ, हम तुमें समझाबते कै जो आलसी लोग है बिनकूं समझाऔ। और डरपोकन कूं हिम्मत देऊ और कमजोर कूं सम्हारो, सबन के संग सहन सीलता दिखाओ।

1 थिस्सलुनिकियों 5:20

परमेस्‍वर की ओर ते कही बातन कूं तुच्‍छ मत जानों।

1 तिमुथियुस 4:13

जब तक मैं ना आऊं तब तक तू सास्त्र कूं पढ़कैं सुनाबे में, पिरचार करबे में और सिछा दैवे में लगौ रैह।

1 तिमुथियुस 5:20

पाप करवे बारेन कूं सबन के सामने फटकार जाते औरऊ लोग पाप करवे ते डरैं।

2 तिमुथियुस 2:21

अगर कोई आदमी अपने आप कूं बुराई ते दूर करैगौ तौ बू खास काम के बरतन के जैसौ सुद्ध ठहरैगौ, और अपने स्‍वामी के काम आबैगौ और हरेक भले काम करबे कूं तैयार रहबैगौ।

2 तिमुथियुस 2:25

बू बिरोधिन कूं नम्रता ते समझाबे बारौ होनों चहिऐं, ना जाने परमेस्‍वर बिनकूं मन फिराबे को मन दैवे जाते बेऊ सच्‍चाई कूं जानें,

2 तिमुथियुस 3:10

तैनें मेरी सिछा, चाल-चलन, मन्सा, भरोसे, सहन सीलता, धीरज, पिरेम,

तीतुस 1:13

जामारैं ऐसे लोगन कूं कड़ी चेतावनी दैतौ रैह जाते कै बे सच पै भरोसौ कर सकैं।

तीतुस 2:15

तू लोगन कूं इन बातन की सिछा पूरे अधिकार के संग दै और समझा बिन्नें हिम्मत दै और जरूरत होय तौ बिनें डाँट। कोई तोय तुच्‍छ नां जान पाबें।

इब्रानियों 13:22

हे भईयाओ, मेरी बिनती है कै तुम हिम्मत दैबे बारे मेरे जा वचन कूं अपना लेऔ। चौंकि मैंनें तुम्हें जि चिठ्‌ठी भौत संछेप में लिखी है।

प्रकासित बाक्य 3:19

“मैं जिन जिनते पिरेम करुं बिनें तारना दऊं और उलाहनों दऊं जा बजैह ते तू उत्साहित हो और अपने पापन ते मन फिरा।