2 तिमुथियुस 4:16 - बृज भासा

¹⁶ जब मोय कचैहरी में पैहली बार सफाई दैनी परी, तब काऊ नें मेरौ संग नां दियो सबन नें मोकूं छोड़ दियौ। मैं आसा करूं बिन्नें जाकौ लेखा नांय दैनों परै।

2 तिमुथियुस 4:16 Iomraidhean Croise

मरकुस 14:50

फिर वाके सब चेला बाय अकेलौ छोड़कै भाग गये।

लूका 12:11

“जब लोग तुमें पकरकै यहुदी पिराथना घर में, हाकिमों और अधिकारिन के सामने लै जायें तौ तुम चिन्‍ता मत करियों कै तुमें अपने बचाव में का बोलनों है।

यूहन्‍ना 16:32

अब बू समै आय रयौए, पर आय गयौए, जब तुम तितर-बितर है जाऔगे और तुम मेंते हरेक अपने अपने घर कूं लौट जाबैगौ और मोय अकेलौ छोड़ देओगे। पर मैं अकेलौ नांऊ चौंकि पिता मेरे संगै।

प्रेरितन के काम 22:1

“हे भईयाओ और बुजुर्गो, अब मेरी सुनौ, मोय अपनी सफाई में कछू कहनों है।”

प्रेरितन के काम 25:16

मैने बाते कही कै, रोमियन में ऐसौ चलन नांय कै काऊ आदमी कूं, जब तक दोस लगायबे बारे कौ आमनों सामने नांय करौ दियौ जाबे और बापे लगाये भये दोस बचायबे कौ बाय मौकौ नांय देय, बाय सजा के काजै सौंपो जाबे।

प्रेरितन के काम 7:60

फिर बू घुटने टेककै ऊंची अबाज ते चिल्‍लायौ, “हे पिरभू, जि पाप इन पै मत लगा।” जि कहिकें बानें अपने पिरान छोड़ दिये। साऊल वाकी हत्‍या में सहमत हतो।

1 कुरिन्थियों 13:5

बू कबऊ गलत बौहार नांय करै, बू स्वार्थी नांय, पिरेम कबऊ झुझलाबत नांय, बू बुराई कौ कोई हिसाब नांय रखे।

1 कुरिन्थियों 9:3

बे लोग जो मोय परखबो चांहते उनते मेरौ जेई केहनोंऐ।

2 कुरिन्थियों 7:11

देखौ, तुमने जो दुख परमेस्‍वर की ओर ते मिलौओ, बानें तुम में कितनों उत्साह पैदा करीए, अपने भोले पन की कितनीं बचत करीऐ, कितनौ आक्रोस और भय, कितनीं व्‍याकुलता, हमते मिलबे की बेचैनी, बाते कितनीं हिम्मत और पापी के प्रति न्याय चुकाबे की कैसी भावना पैदा कर दयी है। तुमने हरेक बात में जि दिखाय दयौ कै तुम हरेक बात में निरदोस हते।

फिलिप्पियों 1:17

और कछू लोग तौ अपने मतलब कूं निकारबे के काजै मसीह कौ पिरचार करतैं कै बे मेरे काजै जेल में और परेसानी बढा सकें।

फिलिप्पियों 1:7

जि सही है कै मैं तुम सबन काजै ऐसौई सोचूं चौंकि तुम मेरे मन में बस गये हो। तुम सब बा अनुग्रह में मेरे हिस्सेदार है जो परमेस्‍वर नें मोए दियो है, चांहे मैं जेल में हूं या चांहे आजादी के संग सुभ समाचार की सच्‍चाईऐ लोगन कूं सुनाऊ।

2 तिमुथियुस 1:15

तू जानैं कै आसिया के रैहबे बारे सबन्‍नें मोते मौंह मोड़ लियो है, जिनमें फूगिलुस और हिरमुगिनेस हैं।

2 तिमुथियुस 4:10

चौंकि देमांस ने जा संसार कूं प्यारौ जानके मोय छोड़ दियोए और थिस्सलुनीके नगर कूं चले गयौए। क्रेसकेंस गलातिया नगर कूं तथा तीतुस दलमतिया नगर कूं चले गयौ है।

2 तिमुथियुस 4:15

तू अऊ बाते खबरदार रैह चौंकि हम जो सिछा दैमें, बू वाकौ भौत बिरोध करतै।

1 पतरस 3:15

पर मसीह कूं अपनों पिरभू जानकें अपने अपने मन में पबित्र समझकें जो लोग तुमारी आसा कै आधार पै वाके बारे में तुमते जो कोई पूछे तौ बाय बताबे काजै आदर के संग हमेसा तैयार रहौ।