2 तिमुथियुस 3:5 - बृज भासा

⁵ बे परमेस्‍वर की भक्‍ती को भेस तौ धरिंगे पर वाकी सक्‍तीऐ नां मानिंगे। ऐसे लोगन ते तू दूर रहियों।

2 तिमुथियुस 3:5 Iomraidhean Croise

मत्‍ती 7:15

“परमेस्‍वर के बारे में झूंठी बात बतायबे बारे जो परमेस्‍वर की ओर ते नांय तुम बिनते सावधान रहियों, जो तुमारे जौरै भेड़ के भेस में आबतै असल में बे फाड़बे बारे भेड़ियाएं।

इफिसियों 4:14

जाते हम आगे कूं बालक ना रैहबै जो आदमिन की ठग बिध्‍या, चतुराई, बहकाबे बारी योजनान, बिनके उपदेस और झांसेन ते बहकाये ना जावें।

2 थिस्सलुनिकियों 3:14

जा चिठ्‌ठी के द्वारा हमारी दई गयी आग्‍या पै अगर कोई ना चलै, तौ बा आदमी पै नजर रखौ ओर बाते कोई बास्तौ मत रखौ, जाते बाय लज्‍जा आवे।

2 थिस्सलुनिकियों 3:6

हे भईयाओ, हम तुमें पिरभू ईसू मसीह के नाम ते जि आग्‍या दैमें कै, तुम हरेक आलसी भईयन ते अलग रहौ, जो काम काज नांय करैं और बा सिछा के अनुसार नांय चलें जो बिन्‍नें हमते पाई है।

1 तिमुथियुस 4:7

पर असुद्ध और पुरानी कहानिन ते दूर रैह जिनमें परमेस्‍वर नांय, पर अपने आप कूं परमेस्‍वर की भक्‍ति में लगा।

1 तिमुथियुस 4:8

सरीर की मेहनत ते कम फायदा होगौ पर परमेस्‍वर की भक्‍ती तौ सब बातन के काजै फायदेमन्द है, चौंकि मैं तोते कैह रयौऊं कै जा जीबन कौ और आयवे बारे जीबन में आसीसन कौ बादा जाई में हैं।

1 तिमुथियुस 5:8

अगर कोई अपने घराने की और अपने परिबार की देखभाल नां करै, बानें अपनों भरोसौ खो दियौ है और बू बिनतेऊ बुरौ है जो परमेस्‍वर पै भरोसौ नां करें।

1 तिमुथियुस 6:5

बिन लोगन में बेमतलब के रगड़े झगड़े पैदा होमें, जिनकी बुद्धी भ्रस्‍ट है गईऐ और बे सच्‍चाई ते भटक गये है। और बे सोचें कै परमेस्‍वर की सेबा कमाई कौ रस्ता है।

2 तिमुथियुस 2:16

पर बेकार के काम और बकबासी बातन ते बचौ रैह, चौंकि ऐसी बात लोगन कूं परमेस्‍वर ते दूर लै जाऐं।

2 तिमुथियुस 2:23

पर मूर्खता और बेकार की बातन ते दूर रैह, चौंकि तू जानें कै इन बातन ते लड़ाई-झगड़े पैदा हैमें।

तीतुस 1:16

और बे परमेस्‍वर कूं जानबे कौ दाबा तौ करैं पर बे अपने कामन के जरिये वाकौ इन्कार करैं। चौंकि बे घृनित और आग्‍या ना मानबे बारे हैं। और बे काऊ अच्‍छे काम के लायक नांय।

तीतुस 3:10

फूट डारिबे बारे कूं चेतावनी दै, कै बू ऐसौ नां करै। बाय एक बार चेतावनी दै, और बू ना मानें तौ दूसरी बार चेतावनी दै, फिरऊ ना मानें तौ बाते अलग है जा।