2 तिमुथियुस 3:2 - बृज भासा

² चौंकि आदमी स्‍वार्थी, लालची, डींग मारबे बारौ,घमन्‍डी, निन्दा करबे बारौ, मां-बाप की आग्‍या ना मानबे बारे, निरदयी, अपबित्र,

2 तिमुथियुस 3:2 Iomraidhean Croise

मत्‍ती 15:6

ऐसौ कैहके बू अपने मा-बाप की इज्‍जत नांय करत और तुम अपनी रीति-रिबाजन की बजैह ते परमेस्‍वर कौ वचन टाल देतौ।

लूका 12:15

और ईसू नें बिनते कही, “चौकस रहो और हरेक तरैह के लोभ ते अपने आप कूं बचाय के रखो। चौंकि जीबन में धन दौलतई सब कछू नांय होबै।”

लूका 16:14

जब लोभी फरीसीयन नें ईसू की जि बात सुनी तब बिन्‍नें वाकौ भौत मजाक उड़ायौ।

लूका 6:35

बरन अपने दुसमनन ते पिरेम रखो और भलाई करौ और बापस पाबे की आस ना रखत भये उधार देउ, तौ तुम्हारे काजै बड़ौ फल होगौ और तुम परम पिरधान के सन्‍तान ठहरौगे, चौंकि जो परमेस्‍वर कौ धन्यबाद नांय करत और बिनके काजैऊ कृपालु है।

प्रेरितन के काम 5:36

कछू समै पैहले अपने आपकूं बड़ौ कैहत भयौ, थियूदास उजागर भयौ हतो। और कोई चार सौ लोग वाके पीछेऊ है गये हते, पर जब बू मार डारौ तौ बाय मानबे बारे सबके सब तितर-बितर है गये। और नतीजा कछू नांय निकरौ।

रोमियों 11:18

तौ तोय बिन डालिन के आगे, जो तोड़ कर फेंक दी गयी, घमन्‍ड नांय करबौ चाहिऐं। अगर तू घमन्‍ड करतै तौ याद रख जि तू नांय जो जड़न कूं पाल रयौ हैं, पर जि तौ बू जड़ई है जो तोय पाल रयी है।

2 कुरिन्थियों 5:15

और बू सबन के काजै मरौ ताकि जो लोग जीबित है, बे अपने काजै नांय जीबें, बल्कि वाके काजै जीबें जो बिनके काजै मर गयौ और फिर जीबित करौ गयौ।

फिलिप्पियों 2:21

चौंकि सब लोग अपने ही फायदा की चिन्ता करें ना की ईसू मसीह की।

कुलुस्सियों 3:5

जामारैं तुम अपने सरीर की बुरी इच्‍छान कूं मार डारौ जो धरती पै हैं, जैसे व्‍यभिचार, असुद्धता, दुसकामना, बुरी लालसा, और लोभ कूं जो मूरती पूजा के बराबर है।

2 थिस्सलुनिकियों 2:4

जो बिरोध करै और अपने आपकूं सबसे बड़ौ बताबै और य्हाँ तक कि बू परमेस्‍वर और जो पूज्‍य कहलामें बिनकौ बिरोध करैगौ और बड़े पिराथना घर में बैठकै अपने आप कूं परमेस्‍वर बताबैगौ।

1 तिमुथियुस 1:20

बिनमें तेई हुमिनयुस और सिकन्दरऊ हैं, जिनकूं मैंनें सैतान कूं सौंप दियो है जाते बू सिछा पा लैमें कै परमेस्‍वर की बुराई नांय करनी चहिऐं।

1 तिमुथियुस 1:9

जि जानकै कै व्‍यबस्था धरमी आदमी के काजै नांय पर बिन आदमिन के काजै है जो धरम कूं नांय मानें, कोई की बातन नें नांय मानें, परमेस्‍वर कूं नांय मानें, पाप करें, अपबित्र आदमी हैं, और मईया बापन कूं मारबे बारे हत्‍यारे हैं।

1 तिमुथियुस 3:3

बू दारू बाज ना होय, मारपीट करबे बारौ ना होय, पर बू एक सज्‍जन और सान्‍ती ते रहबे बारौ आदमी होय और बाय धन को लालच बिलकुल नांय होंनों चहिऐं।

1 तिमुथियुस 6:10

चौंकि पईसन कौ लोभ सब तरह की बुराइयन की जड़ है। कछू लोग पईसन के चक्‍कर में फसकै भरोसे ते भटक गये और खुद कूं अलग अलग तरैह के दुखन ते छलनी कर लियौ है।

1 तिमुथियुस 6:4

तौ ऐसौ आदमी अभिमानी और घमन्डी है, पर बू कछू नांय जानै। वाकी बुद्धी भ्रस्‍ट है गई है और बाय हर बात पै बहस करबे की बीमारी है। वाके मौंह ते जलन अपमान, दोस की बात और बुरे बुरे बहम निकरैं।

2 तिमुथियुस 3:4

धोकेबाज, ढीट, घमन्‍ड में फूले भये और परमेस्‍वर कूं ना मानबे बारे और भोग-बिलास केई चाहबे बारे हुंगे।

याकूब 2:8

तौऊ तुम अगर अपने परौसी ते पिरेम कर रये है तौ परमेस्‍वर की राज व्‍यबस्था कूं पूरौ कर रये हैं, कै “तू अपने परौसी ते अपने समान पिरेम कर।” तौ तुम सही कर रयेऔ।

याकूब 4:16

पर तुमतौ अपनी दुस्‍टता पै घमन्‍ड करै जा तरैह कौ घमन्‍ड बुरौए।

याकूब 4:6

परमेस्‍वर ने हम पै भौत बड़ी किरपा करीऐं, सास्त्र में लिखी भईए कै, “परमेस्‍वर घमन्‍डी कौ बिरोध करतै और दीन लोगन पै किरपा करै।”

1 पतरस 5:5

हे जबानों जाई तरैह ते, तुमऊं कलिसिया के अगुवन की अधीनता कूं मानौ और नरमाई ते एक दूसरे की सेबा करते रैहौ चौंकि “परमेस्‍वर घमन्‍डीन कौ बिरोध करै और नरमाई बारेन पै दया करै।”

2 पतरस 2:10

परमेस्‍वर बिसेस तौर ते बिन लोगन कूं दन्‍ड दैबेगौ, जो सरीर की इच्‍छा कूं पूरी करबे काजै पाप ते भरी भई इच्‍छा ते जीबन कूं असुद्ध करें और इतने डीठ और घमन्‍डी है, कै बे सुरग की सक्‍ती और सामर्थ की बुराई करबे तेऊ नांय डरपैं।

2 पतरस 2:12

पर जे लोग तौ नासमझ जानबर की तरैह हैं। बू सिकार हैबे और मारे जाबे काजै पैदा भये हैं। बे बिन बातन की निन्दा करें जिनें बे नांय समझें। बे पसुन की तरैह नांस है जांगे।

2 पतरस 2:18

बे बेकार की घमन्‍ड भरी बातनतें और लुचपन ते बिन लोगन कूं सरीर की अभिलासा में फसा लैमें जो भटके भयेन मेते निकर रये हैं।

2 पतरस 2:3

बे लालच की बजैह ते झूंठी बनाबटी बातन ते धन कमाईंगे। बिनकी सजा तौ परमेस्‍वर भौत पैहले तैई तैय कर चुकौए, बिनकौ नास बिनै नास करबे काजै तैयार बैठौए।

यहूदा 1:16

जे बे लोग हैं, जो भुनभुनाते रैहमें और दूसरेन में खोट निकारते रैहमें। जे अपनी इच्‍छान के अनुसार चलबे बारे हैं और अपने मौंह ते घमन्‍ड की बात बोलें और अपने लाभ के काजै दूसरेन की खुसामद करें।

प्रकासित बाक्य 13:1

मैंनें एक डराबनों पसु समुन्दर मेंते निकरते भये देखौ, जाके दस सींग और सात सिर हते, बिनपै दस राज मुकुट हते। बा पसु के हरेक सिर पै परमेस्‍वर की बुराई करबे बारेन के नाम लिखे भये हते।

प्रकासित बाक्य 16:11

बिन्‍नें अपने दरद और फोड़न की बजैह ते सुरग के परमेस्‍वर की निन्दा करी पर अपने कामन ते मन नांय फिरायौ।

प्रकासित बाक्य 16:21

और आकास ते लोगन पै मन मन भर के बड़े-बड़े ओरे गिरे। जामारैं जि बिपत्‍ती भौत भारी हती लोगन नें ओरेन की बजैह ते परमेस्‍वर को अपमान करौ।

प्रकासित बाक्य 16:9

और लोग भयंकर गरमी ते झुलसबे लगे, बिन्‍नें मुसीबतन पै अधिकार रखबे बारे परमेस्‍वर के नाम कौ अपमान करौ। पर बिन्‍नें मन नांय फिरायौ और ना परमेस्‍वर की महिमा करनी चाही।