2 तिमुथियुस 2:9 - बृज भासा

⁹ जा सुभ समाचार काजै मैं अपराधिन की तरैह दुख उठाऊं य्हां तक कै जेल में बन्द हूं, पर परमेस्‍वर कौ वचन बन्दी नांय।

2 तिमुथियुस 2:9 Iomraidhean Croise

लूका 23:32

सिपाही ईसू के संग दो अपराधिन कूं भी वाके संग मारबे लै जा रये हते।

प्रेरितन के काम 21:33

तब सेनापती और उन सिपाइन नें पौलुस कूं बन्दी बनांय लयौ, और बाय जंजीरन में बांधबे कौ आदेस दयो। जाके बाद बानें पूछी कै, “जि कोऐ और जानें का करौए?”

प्रेरितन के काम 28:31

बू परमेस्‍वर के राज कौ सुभ समाचार पिरचार करतो और पिरभू ईसू मसीह के बारे में सिखाबतौ बू जा काम कूं बेरोक टोक और बिना डरे करतौ हतौ।

प्रेरितन के काम 9:16

मैं खुद बाय बताऊंगो कै बाय मेरे नाम की बजैह ते कितनौ दुख उठानौ परैगौ।”

इफिसियों 3:1

जामारै मैं तुम जो गैर यहुदिन है बिनकी भलाई काजै ईसू मसीह की कैद में हूं।

फिलिप्पियों 1:17

और कछू लोग तौ अपने मतलब कूं निकारबे के काजै मसीह कौ पिरचार करतैं कै बे मेरे काजै जेल में और परेसानी बढा सकें।

फिलिप्पियों 1:7

जि सही है कै मैं तुम सबन काजै ऐसौई सोचूं चौंकि तुम मेरे मन में बस गये हो। तुम सब बा अनुग्रह में मेरे हिस्सेदार है जो परमेस्‍वर नें मोए दियो है, चांहे मैं जेल में हूं या चांहे आजादी के संग सुभ समाचार की सच्‍चाईऐ लोगन कूं सुनाऊ।

कुलुस्सियों 4:18

अब मैं पौलुस खुद अपने हातन ते जा चिठ्‌ठी में नमस्‍कार लिख रयौ हूं। मैं जेल खाने में बन्द हूं और मेरे हात हतकड़िन में बंधे भये हैं। तुम पै परमेस्‍वर कौ अनुग्रह होतौ रैहबै। ऐसौई हैबै।

कुलुस्सियों 4:3

और हमारे काजैऊ पिराथना करै करौ, कै परमेस्‍वर हमारे काजै वचन कूं सुनाबे कौ ऐसौ रस्ता खोल दैबै जाते हम मसीह के वचन कूं खुलकै और वाकी रहस्‍यमयी बातन कूं लोगन कूं बता सकें जाके कारन मैं जेल में बन्दी हूं।

1 थिस्सलुनिकियों 1:8

चौंकि तुमारे य्हांते पिरभू कौ वचन केवल मकिदुनियां और अखाया देस मेंई ना सुनांयौ गयौ, पर तुम्हारो भरोसौ जो परमेस्‍वर पै है वाकी चर्चा हर जगैह फैल गयी है। जाकी बजैह ते बिनते हमें कछू कैहवे की जरूरतई नांय परी।

2 थिस्सलुनिकियों 3:1

हे भईयाओ, हम आखरी में एक और बात तुमते चाहमें कै तुम हमारे काजै पिराथना करै करौ जाते कै पिरभू कौ वचन एसैई और जगैन पैऊ जल्दी ते फैलै और महिमा पाए, जैसो तुम में फैलौ है,

2 तिमुथियुस 1:12

जामारैं मैं य्हांपै इन दुखन नें सह रयौऊं, पर मैं जाते लज्‍जित नांऊ। चौंकि मोय पतौ है कै मैंनें कौन पै भरोसौ करौए और मोय निस्चय है कै बू मेरी धरोहर की आखरी दिना तक रखबारी करवे में सामर्थी है।

2 तिमुथियुस 1:16

पिरभू उनेसिफुरुस के घर बारेन पै दया करें चौंकि बानें भौत बार मेरी हिम्मत बढ़ाईए और मेरे जेल में हैबे की बजैह ते बू लज्‍जित नांय भयौ।

2 तिमुथियुस 1:8

जामारैं तू हमारे पिरभू और मेरी गबाही ते लज्‍जित मत हैबै। मैं जो ईसू मसीह के पीछे चलवे की बजैह ते जेल में हूं, पर परमेस्‍वर की सामर्थ के अनुसार सुभ समाचार के काजै मेरे संग दुख उठा।

2 तिमुथियुस 2:3

ईसू मसीह के अच्‍छे योद्धा की तरैह मेरे संग दुख उठा।

2 तिमुथियुस 4:17

पर पिरभू ने मेरी सहायता करी और मोकूं तागत दई, जाते कै मैं सब गैर यहुदिन में पूरी तरह ते सुभ समाचार को पिरचार कर सकौ और मैं सेर के मौंह ते बच निकरौ।

1 पतरस 2:12

गैर मसीह लोगन मेंऊ तुमारौ चाल-चलन अच्‍छौ होय। जामारैं बे तुमें जिन जिन बातन में सरीर की इच्‍छा कूं मारबे काजै तुमारी आतमा जूझती हती। बे भले कामन ने देखकैं पिरभू के आयबे के दिनन में परमेस्‍वर की महिमा करें।

1 पतरस 2:14

अधिकारिन के अधीन जामारैं रहौ चौंकि उन्‍नें सब बुरे लोगन कूं दन्‍ड दैबे कौ और अच्‍छे लोगन कूं सम्मानित करबे काजै राजा के द्वारा ठहराये गये हैं।

1 पतरस 3:16

पर आदर और नरमाई के संग ऐसौ करौ और अपने मन कूं सुद्ध रखौ जाते कोई ईसू मसीह में तुमारे चाल-चलन के बारे में तुमारी बुराई करबे तेऊ सरमाबें।

1 पतरस 4:15

सावधान रहौ, के तुम हत्‍यारे, चोर, कुकर्मी हैबे और दूसरेन के कामन में रुकाबट बनबे बारे बनकें दुख न उठामें।