2 तिमुथियुस 2:24 - बृज भासा

²⁴ पिरभू के सेबक कूं लड़ाई-झगडो करबे बारौ नांय होनौ चहिऐ, पर बू सबन के संग मिलनसार, सहनसील और अच्‍छी सिछा दैवे बारौ होंनो चहिऐं।

2 तिमुथियुस 2:24 Iomraidhean Croise

मत्‍ती 12:19

ना तौ बू लड़ेगौ ना बू ऊदम मचाबैगौ। और गलियों में ना कोई वाकी अबाज सुनैगौ।

यूहन्‍ना 6:52

फिर यहुदी आपस में बहस करके कैहबे लगे, “कै जि हमें अपनों सरीर कैसे खायबे दै सकतै?”

प्रेरितन के काम 15:2

पौलुस और बरनबास बिनकी जा बात ते सहमत नांय हते, जा बजैह ते बिनके बीच में बाद-बिबाद पैदा है गयौ। जा बात के समाधान काजै पौलुस और बरनबास और वाके कछू संगीन कूं भेजे भये चेलान और कलिसिया के अगुवन जौरे येरूसलेम भेजबे कौ निस्चय करौ गयौ।

प्रेरितन के काम 23:9

तब बड़ौ हल्‍ला मचौ और भौत ते सास्त्रन कूं सिखाबे बारे फरीसी ठाड़े भये और जि कैहकै लड़बे लगे कै, “हमे जा आदमी में कोई बुराई नांय मिली, अगर कोई सुरग दूत या आतमा बाते बोलिऐ तौ जाते काऐ?”

प्रेरितन के काम 7:26

दूसरे दिना जब बिनमें ते दो इसरायली लोग आपस में लड़ रहे हते, तब बू बिनके जौरे गयौ, और बू जि कैहके बिनमें मेल करबे काजै समझायौ, ‘हे जबानों, तुमतौ भईया भईयाओ। एक दूसरे पै चौं अन्याय कर रयेऔ?’

2 कुरिन्थियों 10:1

मैं, पौलुस, खुद मसीह की सी दयालुता और दीनता ते तुम लोगन ते निबेदन करतूं। कछू लोग कैहतै, जब मैं तुम लोगन के संग हतो तौ नम्रता रखतूं, पर जब मैं तुमते दूर हूं तौ तुमारे प्रति कठोरता दिखातूं।

2 कुरिन्थियों 10:4

चौंकि हमारी लड़ाई के हतियार संसार में इस्तमाल करे जाबे बारे हतियार नांय, पर सांसारिक बातन के गढ़ो कूं तोर डारबे और झूंठे तर्क बितर्क कूं खतम करबे काजै परमेस्‍वर के द्वारा सामर्थी हैं।

2 कुरिन्थियों 6:4

पर हम तौ परमेस्‍वर के सेबक के रूप में हम अपने आप कूं हर तरैह ते लोगन में अच्‍छौ साबित करत रैहतें। बड़े धीरज के संग सब कछू सहत भये, परेसानी और मुसीबतन के बीच में, कठनाई के में,

गलातियों 5:22

पर पबित्र आतमा का फल पिरेम, आनन्द, सान्‍ती, धीरज, दयालुता, भलाई, भरोसौ

इफिसियों 4:2

मतलब सबरी दीनता और कोमलता के संग धीरज धरकै पिरेम ते एक दूसरे की सह लेऔ,

फिलिप्पियों 2:14

तुम सबरे काम बिना लड़ाई झगड़े और बिना कुडकुडाये करे करौ।

फिलिप्पियों 2:3

खुद कौ मतलब निकारबे काजै बुरी इच्‍छा ते कछू मत करौ, बल्कि अपने आप कूं छोटो करके एक दूसरे कूं अपने ते अच्‍छौ समझौ

कुलुस्सियों 3:13

अगर कोई काऊ पै दोस लगावे कौ कारन पावें तौ एक दूसरे की सह लेऔ और एक दूसरे की गलतीन नें छमा करौ, जैसे कै पिरभू नें हमारे सबरे अपराध छमा करे हैं बैसेई तुमऊं सबन के अपराधन नें छमा करै करौ।

1 थिस्सलुनिकियों 2:7

हम मसीह के भेजे भये चेला हैबे की वजह ते तुम पै अधिकार जता सकैं, पर अपने बालकन कौ लालन-पालन करबे बारी माँ की तरैह ते हमनें तुम्हारे बीच में रैहके कोमल व्‍यवहार करौ है।

1 तिमुथियुस 6:11

तू परमेस्‍वर कौ सेबक हैबे के नाते इन सब बातन ते अलग रह और धारमिकता, भक्‍ती, भरोसौ, पिरेम, धीरज, और बिनम्रता में बनों रै।

तीतुस 1:1

जि चिठ्‌ठी पौलुस की ओर ते है, जो परमेस्‍वर कौ दास और ईसू मसीह कौ भेजौ भयौ चेला है, ताकि बू परमेस्‍वर के चुने भये लोगन कूं भरोसे बढ़ाबे और सच्‍ची भक्‍ती कौ ग्‍यान दैबे काजै तीतुस कूं भेज रौय,

तीतुस 1:7

चौंकि कलिसिया के पिरधान कूं परमेस्‍वर कौ भन्‍डारी हैबे की बजैह ते बिना दोस बारौ होनों चहिऐ। बू घमन्‍डी, जल्दी गुस्सा करबे बारौ, पीवे बारौ, झगड़ौ करबे बारौ और नीच कमाई कौ लोभ करबे बारौ नांय होनों चहिऐ।

तीतुस 1:9

और बाकूं बा भरोसे योग्‍य वचन में मजबूत बनों रहनों चहिऐं, जाकी सिछा बाकूं दई गयी है। जाते बू लोगन कूं खरी सिछा ते उपदेस दै सकै और जो जा सिछा कौ बिरोध करै बिनकौ मौंह बन्द कर सकै और बिन्नैं बिनकी गलती कौ एहसास दिबा सकै।

तीतुस 3:2

काऊ की निन्दा नां करें और झगड़ालू नां हों, पर सहनसील हों और लोगन के संग कोमलता कौ व्‍यवहार करें।

याकूब 1:1

परमेस्‍वर और पिरभू ईसू मसीह के दास मुझ, याकूब की ओर ते इसरायल के बारैह गोतन कूं जो तितर-बितर हैके रैह रये हैं बिनकूं नमस्‍कार लिख रयौऊं।

याकूब 3:17

सुरग ते आयबे बारौ ग्‍यान तौ पबित्र, सान्तीपूरन, सहनसील, और मिलनसारऊ है बू करुना ते भरौ भयौ है और अच्‍छे कामन की फसल पैदा करै। बामें पछपात और कपट ना होऐ।

याकूब 4:2

तुम लालसा करैं और तुमें नांय मिलत, जामारैं तुम हत्‍या और डाह करतौ। जब तुम कछू पाय नां सकै, तौ तुम लड़ें और झगड़े। तुमें जामारैं नांय मिलत कै तुम बाय परमेस्‍वर ते नांय मागत।

1 पतरस 3:8

इन बातन कौ मतलब है कै तुम सबके सब एक मत हैकें किरपा और भाई चारे की पिरीत, करुना करबे बारे और नरम बनों।

यहूदा 1:3

हे प्यारे भईयाओ, हम जा उद्धार में बराबर के सहभागी हैं। मैं वाके बारे में तुमें लिखबे की कोसिस कर रयौ हतो, पर अब मैंनें जि जरूरी समझौ कै, जा चिठ्‌ठी के द्वारा तुम लोगन ते जि बिनती करूं कै तुम लोग बा भरोसे में बने रैहबे काजै संघर्स करौ, जो सदा काजै परमेस्‍वर के पबित्र लोगन कूं सौंपौ गयौ है।