2 तिमुथियुस 2:21 - बृज भासा

²¹ अगर कोई आदमी अपने आप कूं बुराई ते दूर करैगौ तौ बू खास काम के बरतन के जैसौ सुद्ध ठहरैगौ, और अपने स्‍वामी के काम आबैगौ और हरेक भले काम करबे कूं तैयार रहबैगौ।

2 तिमुथियुस 2:21 Iomraidhean Croise

प्रेरितन के काम 9:15

तब पिरभू ने हनन्याह ते कही, “तू जा। चौंकि बू तौ मेरौ चुनों भयौ आदमीऐ। बू गैर यहुदियन और उनके राजान और इसरायलीन कै बीच में मेरे नाम ते पिरचार करैगौ।

1 कुरिन्थियों 5:7

अपने बीच में ते पुराने खमीरै निकार देऊ और अपने आप कूं सुद्ध मड़ौ भयौ चून बनांय लेओ, जाते तुम बिना खमीर के है जाऔ। चौंकि हमारी फसह जो मसीह है। बू बलिदान भयौ है।

2 कुरिन्थियों 7:1

हे प्यारे भईयाओ, हमते जि प्रतिग्‍या मिली है कै, अपने सरीर और मन की सब तरैह की गंदगी कूं तियागकें, परमेस्‍वर को भय मानकें, अपनी आतमा कूं सुद्ध करौ और अपने आप कूं पूरी तरैह ते सुद्ध हैबे की कोसिस करौ।

2 कुरिन्थियों 9:8

परमेस्‍वर हर तरैह की दया तुमें भरपूरी ते दै सकतै, तब हर समै, सब कछू जो तुमारी जरूरतै पूरी होबैगी और हे एक भले काम के काजै तुमारे जौरे भौत कछू होगौ।

इफिसियों 2:10

चौंकि परमेस्‍वर नें हमें बनांयौ है, और बानें ईसू मसीह में हमारी सृस्‍टी जामारै करी है कै हम अच्‍छे काम करै, जिनै परमेस्‍वर नें पैहले तेई हमारे काजै तैयार करौ है।

1 तिमुथियुस 6:11

तू परमेस्‍वर कौ सेबक हैबे के नाते इन सब बातन ते अलग रह और धारमिकता, भक्‍ती, भरोसौ, पिरेम, धीरज, और बिनम्रता में बनों रै।

2 तिमुथियुस 2:16

पर बेकार के काम और बकबासी बातन ते बचौ रैह, चौंकि ऐसी बात लोगन कूं परमेस्‍वर ते दूर लै जाऐं।

2 तिमुथियुस 2:20

काऊ बड़े घर में सौने और चांदी केई नांय पर लकड़ीया और मट्‍टी केऊ बरतन रैहमें। कछू बरतन खास काम के काजै और कछू साधारन काम काजै रैहमें।

2 तिमुथियुस 3:17

ताकि परमेस्‍वर कौ जन सब भले काम करबे काजै निपुड़ और तईयार है जामें।

2 तिमुथियुस 4:11

बस लूका मेरे संगे। मरकुस कूं मेरे जौरें लैकै चलौ आ चौंकि सेबा के काम में बू मेरे भौत काम कौ है।

तीतुस 3:1

लोगन कूं याद करातो रैह कै बे राज्‍य करबे बारे और अधिकारिन के अधीन रैहमें और बिनकी अग्‍यान कूं मानें। और हर एक अच्‍छे काम काजै तईयार रैहमें,

तीतुस 3:14

हमारे अपने लोगन नें पूरे मन ते भले काम करते रहनों सीखनों चहिऐं, जाते बे औरन की जरूरत पूरी कर सकें और निकम्मे नांय बैठे रैहमें।

तीतुस 3:8

जि बात सई है और मैं चाहूं, कै तू इन बातन के बारे में दिरनता ते बोले कर, जाते बे लोग जो परमेस्‍वर में भरोसौ करें, बे भले कामन में लगे रैहबें। जे बात अच्‍छीऐं और लोगन के काजै लाभ की हैं।

1 पतरस 1:22

अब देखौ तुमनें अपने आप कूं भाई चारे के सच्‍चे पिरेम कूं दिखाबे काजै अपनी आतमा कूं पबित्र कर लियौऐ तौ पबित्र मन ते एक दूसरे ते बिना कपट के पिरेम करबे कौ मन बनांय लेओ।

1 पतरस 1:7

जि जा बजे ते भयौ कै तुमारौ परखौ भयौ भरोसौ आग ते ताये भये नासबान सौने तेउ जादा कीमतीऐ। ईसू मसीह के पिरकट हैबे बारे दिन में तुम लोगन कूं आदर महिमा और बड़ाई मिलैगी।

1 यूहन्‍ना 3:3

जो कोई मसीह पै आसा रखतें बाय अपने आप कूं बैसौई सुद्ध बनानों चहिऐ जैसौ मसीह सुद्ध है।