2 तिमुथियुस 2:15 - बृज भासा

¹⁵ अपने आप कूं परमेस्‍वर कौ मानबे बारौ बना, और ऐसे अच्‍छे काम करबे की खूब कोसिस कर, जाते तोय लज्‍जित न होनौ परै, और सत्‍य के वचन कूं सही तरैह ते सच सच सिखा।

2 तिमुथियुस 2:15 Iomraidhean Croise

मत्‍ती 13:52

ईसू ने बिनते कही, “हरेक सास्त्रन कूं सिखाबे बारे जो सुरग के राज में चेला बन चुके हैं। बे बा घर के मालिक के समान है, जो अपने खजाने में ते नई और पुरानी चीजन्‍नें निकारतै।”

मरकुस 4:33

ईसू लोगन नें जा तरैह के भौत ते दृस्टान्‍त सुनाबतो, बू बिनकी समझ के अनुसार वचन सुनाबत हतो।

लूका 12:42

पिरभू नें कही, “बू भरोसेमंद और बुद्धिमान भंडारी को है? जाकौ स्‍वामी बाय नौकर-चाकरन पै मुखिया ठहराबै कै बू बिन्‍नें समै पै खानों और पानी देय?

प्रेरितन के काम 2:22

“इसरायली भईयाओ, मेरी बात ध्‍यान ते सुनौ, तुम जा बात ते खुदई जानतौ कै परमेस्‍वर ने ईसू नासरी के द्वारा तुम लोगन के बीच में कितने महान काम, चमत्‍कार और चिन्ह दिखाये हैं। जाते जि सिध्द भयोऐ कै ईसू परमेस्‍वर की ओर ते तुम लोगन के जौरे भेजौ गयौ हतो।

प्रेरितन के काम 20:27

चौंकि मैं परमेस्‍वर की सबरी इच्‍छा कूं तुमें बतायबे ते नांय हिचकिचायौ।

रोमियों 14:18

जो इन बातन के द्वारा मसीह की सेबा करतै, बे परमेस्‍वर के प्यारे है और लोग बाय सम्मान देते हैं।

रोमियों 16:10

मसीह में खरे और सच्‍चे अपुल्‍लोस कूं नमस्‍कार। अरिस्तुबुलुस के परिबार कूं नमस्‍कार।

रोमियों 6:13

अपने सरीर के अंगन कूं अधर्म की सेबा के काजै पाप के हबाले ना करो, पर मरे भयेन में ते जी उठबे बारेन के समान परमेस्‍वर के हबाले कर दो। और अपने सरीर के अंगन कूं धारमिकता की सेबा के साधन बनबे काजै परमेस्‍वर के हबाले कर दो।

1 कुरिन्थियों 2:6

हम ग्‍यानी लोगन के बीच में बुद्धी की बातें बतातैं, पर जि जा संसार और संसार के हाकिमन कौ ग्‍यान नांय जो कछु समै बाद नांस है जातै।

2 कुरिन्थियों 10:18

चौंकि जो अपनी बड़ाई खुद करतै बू नांय, पर जाकी बड़ाई पिरभू करतै बेई अपनांयौ जाबतुऐ।

2 कुरिन्थियों 3:6

बानें हमे नई बाचा कै सेबक बनबे योग्‍य ठहरायौए। जि कोई लिखी भई व्‍यबस्था नांय, पर पबित्र आतमा की बाचा है। चौंकि लिखी भई व्‍यबस्था तौ मौत लातै, जबकि पबित्र आतमा जीबन देतै।

2 कुरिन्थियों 4:2

पर हमनें लज्‍जा के छिपे भये कामन कूं त्‍याग दयौए। ना तौ हम चुतराई ते चलतै और ना परमेस्‍वर के वचन में मिलाबट करतै। पर हरेक आदमी पै सच्‍चाई कूं पिरगट करके परमेस्‍वर के सामने आदमी के समझ में अपनी भलाई बैठातै।

2 कुरिन्थियों 5:9

जामारै हम चांहे जा देह में रहें या नांय रहें हमारी तौ जेई इच्‍छाए कै हम पिरभू कूं भाते रैहबें।

गलातियों 1:10

का मैं मनुस्यन की किरपा पानों चाहूं या अपने परमेस्‍वर की? का मैं मनुस्यन कूं खुस करनों चाहूं? यदि मैं मनुस्यन कूं खुस करनों चाहूं या मैं वाकी कोसिस कर रयौऊं तौ मैं मसीह कौ दास नांय होतो।

इफिसियों 1:13

तुम लोगनेंऊं तौ सच्‍चाई कौ वचन जो उद्धार कौ सुभ समाचार है, बाये सुनिकै मसीह पै भरोसौ करो और परमेस्‍वर नें तुमें पबित्र आतमा की मौहर लगायकै लोगन कूं जि बतायौ है कै तुम वाके है गयेऔ, पबित्र आतमा कौ बादा परमेस्‍वर नें पैहले तेई करौ है।

1 थिस्सलुनिकियों 2:4

पर परमेस्‍वर नें हमें योग्‍य समझकें सुभ समाचार सुनाबे कौ काम सौंपौ है। जामारैं हम लोगन कूं नांय, पर मन कूं जांचबे बारे परमेस्‍वर कूं खुस करबे काजै सिछा दैमें

1 थिस्सलुनिकियों 5:14

हे भईयाओ, हम तुमें समझाबते कै जो आलसी लोग है बिनकूं समझाऔ। और डरपोकन कूं हिम्मत देऊ और कमजोर कूं सम्हारो, सबन के संग सहन सीलता दिखाओ।

1 तिमुथियुस 4:6

अगर तू भईयन कूं इन बातन कौ ध्यान करातो रैहबेगौ तौ ईसू मसीह को अच्‍छौ सेबक बनो रैहबेगौ,ऐसौ करबे ते जि पतौ चलैगौ कै तेरौ पालन पोसन बा भरोसे और सिछा ते भयौ है जिननैं तू मानतौ आयौ है।

इब्रानियों 4:11

जामारैं आओ हम बा आराम में पिरबेस करबे की पूरी-पूरी कोसिस करें, जाते कोई बिन लोगन की तरैह आग्‍या ना मानते भये बाते वंचित ना हैबै।

याकूब 1:12

धन्य है बू आदमी जो परखबे के समैं में अड़ौ रैहबै चौंकि बू खरौ निकर कें जीबन कौ मुकुट पाबैगौ, जाय दैबे कौ पिरभू नें अपने पिरेम करबे बारेन ते बादौ करौऐ।

याकूब 1:18

परमेस्‍वर नें अपनी इच्‍छा ते हमें सत्‍य के वचन ते पैदा करौ है, ताकि हम वाकी बनाई भई चीजन में पैहलौठे ठेहरैं।

2 पतरस 1:10

हे भईयाओ, तुम जा काम के काजै बुलाये और चुने भयेऔ, बाय पूरौ करबे के जतन में लगे रहौ, अगर तुम ऐसौ करिंगे तौ तुम कबऊ भरोसे ते नां डगमगाएंगे।

2 पतरस 1:15

जामारैं मैं सब तरैह ते जि जतन करूंगो कै मेरे मरबे के बाद तुम इन बातन कूं हमेसा याद कर सकौ।

2 पतरस 3:14

जामारैं हे मेरे प्यारे मित्रों, जब तुम इन बातन की आसा देख रयेऔ तौ तुम जि जतन करौ कै सान्‍ती ते पिरभू की नजर में दोस रहित बेकसूर ठहरौ।