2 तिमुथियुस 2:14 - बृज भासा

¹⁴ लोगन कूं इन बातन कौ ध्‍यान दिलातौ रैह और परमेस्‍वर कूं गबाह मानकै बिनते बिनती करतौ रैह, बे भौत से सब्दन के बारे में आपस में लड़ाई झगड़ौ नां करें। चौंकि जाते कोई फायदा नां हैबै बल्कि जो इन्हें सुनं बिनके काजै ये नांस कौ कारन है सके।

2 तिमुथियुस 2:14 Iomraidhean Croise

मत्‍ती 16:26

अगर कोई आदमी सबरी दुनियांए पाय लेबै पर अपने पिरान खो दैबै तौ बाय का फायदा होगौ? आदमी अपने पिरान के बदले में का दै सकतैं?

प्रेरितन के काम 13:10

“हे सारे कपट और चतुराई ते भरे भये, सैतान की सन्‍तान, तू सब तरैह की धारमिकता कौ बैरी है। का तू पिरभू कै सीधे रस्ता कूं टेड़ो करबौ नांय छोड़ेगौ?

प्रेरितन के काम 15:24

“हमनें सुनीऐ के हमारे य्हांके लोगन हमनें जिन लोगन कूं कोई अधिकार नांय दियौ हतो, बिन्‍नें अपनी बातन ते तुम लोगन में घबराहट पैदा कर दयीऐ। और तुमारे मन कूं उलझन में डर दयौए।

रोमियों 14:1

जो भरोसे में कमजोर है, वाकौऊ स्‍वागत करो पर वाके बिचारन पै झगड़ा करबे के काजै नांय।

गलातियों 1:7

पर जा सच्‍चे सुभ समाचार कूं छोड़कै कोई दूसरौ समाचार तौ कोई है ही नांय, कछू लोग तुमें बिचलित करके ईसू मसीह के सुभ समाचारै बिगारबो चाँह रये है।

इफिसियों 4:17

जाईमारै मैं पिरभू के नाम में तुमें चेतायकै कैहतूं कै जैसे अबिसबासी लोग अपने मन कि बुरी बातन के अनुसार चलतै पर तुम अब ऐसे मत चलौ।

1 थिस्सलुनिकियों 4:1

हे भईयाओ, अब हमें तुमकूं कछु और बात बतानी हैं। पिरभू ईसू के नाम में हम तुमते पिराथना और निबेदन करतै, कै तुमनें हमते परमेस्‍वर कूं खुस करबे काजै जो सिछा पाई है और निस्चय तुम बा तरैह ते चल रये हैं, और बामें बैसेई जादा ते जादा चलते रहो।

2 थिस्सलुनिकियों 3:6

हे भईयाओ, हम तुमें पिरभू ईसू मसीह के नाम ते जि आग्‍या दैमें कै, तुम हरेक आलसी भईयन ते अलग रहौ, जो काम काज नांय करैं और बा सिछा के अनुसार नांय चलें जो बिन्‍नें हमते पाई है।

1 तिमुथियुस 1:4

और बिन मनगढ़न्त कहानी और बिन पीढ़ीन पै मन ना लगामें, जो लड़ाई झगडे़ करबामें और परमेस्‍वर की बा इच्‍छा कूं पूरौ नांय करैं जो केबल भरोसे तेई पूरी करी जा सकते हैं।

1 तिमुथियुस 1:6

कछू आदमी इन बातन कूं छोड़कै बेकार की बातन माऊं भटक गये हैं।

1 तिमुथियुस 4:8

सरीर की मेहनत ते कम फायदा होगौ पर परमेस्‍वर की भक्‍ती तौ सब बातन के काजै फायदेमन्द है, चौंकि मैं तोते कैह रयौऊं कै जा जीबन कौ और आयवे बारे जीबन में आसीसन कौ बादा जाई में हैं।

1 तिमुथियुस 5:21

परमेस्‍वर और ईसू मसीह और चुने भये सुरग दूतन कूं मौजूद जानिके मैं तोय जि चेताबनी दै रयौ हूं, कै तू अपने मनें खोल के इन बातनें माने कर और कोई काम भेद भाव के संग मत करै।

1 तिमुथियुस 6:13

मैं, सबन्नें जीबन दैबे बारे परमेस्‍वर के सामईं और ईसू मसीह कूं जानें अपने भरोसे कूं पुन्तियुस पिलातुस के सामईं दिखायौ हतो, बिन्नें गबाह मानके तोय जि आग्‍या दै रौऊं।

2 तिमुथियुस 1:6

जामारैं मैं तोय याद दिला रयौ हूं कै परमेस्‍वर कौ बू वरदान जो मेरे हात रखवे के द्वारा तोय मिलौ है बायें पकड़े रह।

2 तिमुथियुस 2:16

पर बेकार के काम और बकबासी बातन ते बचौ रैह, चौंकि ऐसी बात लोगन कूं परमेस्‍वर ते दूर लै जाऐं।

2 तिमुथियुस 2:23

पर मूर्खता और बेकार की बातन ते दूर रैह, चौंकि तू जानें कै इन बातन ते लड़ाई-झगड़े पैदा हैमें।

2 तिमुथियुस 4:1

मसीह ईसू जो अपने राज्‍य में पिरगट होगौ और जीन्देन कौ और मरे भयेन कौ न्याय करैगौ। बाय और परमेस्‍वर कूं गबाह मानकैं, मैं तौकूं जि आग्‍या दै रयौऊं।

तीतुस 3:1

लोगन कूं याद करातो रैह कै बे राज्‍य करबे बारे और अधिकारिन के अधीन रैहमें और बिनकी अग्‍यान कूं मानें। और हर एक अच्‍छे काम काजै तईयार रैहमें,

इब्रानियों 13:9

हर तरैह की अनजानी सिछान ते भटक मत जईयों। चौंकि तुम्हारे मन के काजै जि अच्‍छौ है कै, बू परमेस्‍वर की किरपा के द्वारा मजबूत बनें, ना कै खाबे-पीबे सम्बन्धी नियमन कूं मानबे ते, इन नें मानबे बारेन में ते कबऊ काऊ कौ भलौ नांय भयौ।

2 पतरस 1:13

जब तक मैं जा सरीर में हतूं तब तक तुमें याद कराकें चेतातौ रहुंगो, जाय मैं अपने काजै ठीक समझूं।