2 तिमुथियुस 2:12 - बृज भासा

¹² अगर हम धीरज के संग सहन करते रिंगे, तौ वाके संग राज्‍यऊ करिंगे। अगर हम वाकौ इन्कार करिंगे, तौ बोऊ हमारौ इन्कार करैगौ।

2 तिमुथियुस 2:12 Iomraidhean Croise

मत्‍ती 10:33

और जो कोई मोय लोगन के सामने अपनांयबे ते मनैं कर देगौ, मैंऊ वाकूं सुरग में पिता के सामने अपनाबे ते मनैं कर दुंगो।

मत्‍ती 26:35

पतरस ने फिर कही, “चांहै मोय तेरे संग मरनों परै, तौऊं मैं कबऊ तोय पैहचानबे ते मनै नांय करूंगो।” और दूसरे चेलान नेऊँ जेई बात कही।

मत्‍ती 26:75

तब पतरस कूं ईसू की कही भई बात याद आई, “मुरगा कै बांग दैबे ते पैहले तू तीन बार मोय पैहचानबे ते मनें करैगौ।” तब बू फिर बाहर निकरकै फूट-फूट के रोयौ।

मरकुस 10:33

ईसू नें बिनते कही देखौ, “हम येरूसलेम कूं जा रये हैं, मैं, ‘मनुस्‍य कौ बेटा’ बिसबास घात ते यहुदी पिरधान पुरोहितन और सास्त्रन कूं सिखाबे बारेन के हात में सौंप दियौ जाऊंगो और बे मोय मौत की सजा सुनायकै जो यहुदी नांय बिनके हातन में मारबे काजै सौंप दिंगे।

मरकुस 8:38

और जो कोई परमेस्‍वर कूं नांय मानवे बारी जा व्यभिचारी और पापी पीढ़ी में मोते और मेरी सिछा ते लजावेगौं तौ मैं, ‘मनुस्‍य कौ बेटा’ जब पबित्र सुरग दूतन के संग अपने परम पिता की महिमा में दुबारा आऊंगौ तब बाते लजाऊंगो।”

लूका 12:9

पर जो लोगन के सामने मोय मानबै ते मनैं करैगौ तौ मैंऊ परमेस्‍वर के सुरग दूतन के सामने वाकौ इनकार कर दुंगो।

लूका 22:29

और मैं तुमें बैसेई राज दै रयौ हूं जैसे मेरे पिता नें जाये मोय दयौ हतो,

लूका 22:30

ताकि तुम मेरे राज में मेरी मेज पै खाऔ पीऔ और राजगद्‍दी पै बैठकै इसरायल के बारह गोतन कौ न्याय करौ।”

लूका 9:26

जब कोई आदमी मोय और मेरे वचन कूं अपनांयबे में सरम करै तौ मैं, ‘मनुस्‍य कौ बेटा’ जब अपने परम पिता और पबित्र सुरग दूतन के संग महिमा में आऊंगौ तब मैऊं बाए अपनांयबे ते लजाऊंगो।

रोमियों 5:17

जि सच है कै मौत कौ राज एक आदम के पाप की बजैह ते एकई के द्वारा सुरू भयौ, पर जिनें परमेस्‍वर की किरपा और पाप की छमा कौ धरम रूपी वरदान भरपूर मात्रा में मिलेगौ, बे एकई मनुस्‍य ईसू मसीह के द्वारा जीबन कौ राज प्राप्‍त करेंगे।

रोमियों 8:17

अगर हम वाकी सन्‍तान हैं, तौ हम वाकी बिरासत के भागी हैं, हम मसीह के संग परमेस्‍वर की बिरासत के भागी हैं। हम हकीकत में वाके संग दुःख उठातैं, तौ हमें वाके संग महिमा मिलेगी।

फिलिप्पियों 1:28

और तुमें अपने सताबे बारेन ते बिलकुल डर नांय लगै चौंकि तुमारो डटौ रैहबौ परमेस्‍वर की ओर ते बिरोधीन के काजै नांस हैबे कौ और तुमारे काजै उद्धार को एक संकेत है।

1 तिमुथियुस 5:8

अगर कोई अपने घराने की और अपने परिबार की देखभाल नां करै, बानें अपनों भरोसौ खो दियौ है और बू बिनतेऊ बुरौ है जो परमेस्‍वर पै भरोसौ नां करें।

यहूदा 1:4

चौंकि कछू आदमी तुम लोगन के बीच में चुपचाप घुस आये हैं। इन लोगन की सजा के बारे में भौत समै पैहलेईं पबित्र सास्त्र में लिखौ भयौ है। जे लोग परमेस्‍वर ते दूर हैं और इन्‍नें परमेस्‍वर के अनुग्रह कूं भोग-बिलास कौ एक बहानों बनां डारौ है, और जे हमारे एकमात्र स्‍वामी पिरभू ईसू मसीह कूं नांय मानें।

प्रकासित बाक्य 1:6

बानें हमें एक राजबंस और अपने पिता परमेस्‍वर की सेबा करबे काजै पुरोहित बना दियौ हैं और बिनकी महिमा और पराक्रम युगानुयुग होती रैहबै। ऐसौई हैबै।

प्रकासित बाक्य 1:9

मैं यूहन्‍ना जो तुमारौ भईयाऊं, जो ईसू मसीह कौ कलेस और राज में, धीरज में तुमारौ सहभागी रहौ, परमेस्‍वर के वचन और ईसू मसीह की गबाही के कारन देस निकारौ दैकें पतमुस नाम के टापू में भेज दियौ हतो।

प्रकासित बाक्य 2:13

मैं जानूं झांपै तू रैहबै म्हांपै सैतान की राजगद्‍दी है। और म्हांई पै तू मेरे नाम मेंऊ टिकौ भयौए और तू हमेसा काजै भरोसेमंद रहो और तू बिन दिनन मेंऊ भरोसे ते पीछे नांय हटो और ना मेरौ नाम को इनकार करो बा समै पै मेरौ भरोसेमन्द गबाह अन्तिपास बा जगह पै मारौ गयौ ज्हांपै सैतानऊ रैहबै।

प्रकासित बाक्य 20:4

फिर मैंनें कछू राजगद्‍दी देखीं, जिनपै कछू आदमी बैठे हते बिनकूं न्याय करबे कौ अधिकार दियो हतो और मैनें बिन आदमिन की आतमन कूअऊं देखौ जो ईसू की गबाही और परमेस्‍वर के वचन की बजैह ते और बा डराबने पसु की मूरती की पूजा नांय करी और न वाके अंक अपने ऊपर लिखबाये जा बजैह ते बिनके सिर काट दिये हते। बे फिर जीबित है उठे और मसीह के संग हजार साल तक राज करौ।

प्रकासित बाक्य 20:6

बे धन्य हैं और पबित्र है, जो पैहले मरे भयेन मेंते जी उठबे में सामिल है रये हैं, इन आदमिन पै दूसरी मौत कौ कोई अधिकार नांय, पर बे तौ परमेस्‍वर और मसीह के पुरोहित होकर वाके संग हजार साल तक राज करिंगे।

प्रकासित बाक्य 3:10

तैनें मेरे धीरज के वचन कूं मानोंए और मैं तोय परीक्छा के बा समै में बचाय कें रखूंगो, धरती पै रैहबे बारेन के बा परखवे के काजै संसार में आबै,

प्रकासित बाक्य 3:21

“जो जय पाबैगो बाय मैं राजगद्‍दी पै बैठाऊंगो जैसे मैं बिजयी हैकें पिता के संग राजगद्‍दी पै बैठोऊं।

प्रकासित बाक्य 3:8

मैं तेरे कामन कूं जानूं। देख, मैंनें तेरे सामने एक द्वार खोलोए, जाय कोई बन्द नांय कर सकै। तेरी सामर्थ थोड़ी सी कम तौ हते पर फिरऊ तैनें मेरे वचन को पालन करौए और मेरे नाम कौ इन्कार नांय करो।

प्रकासित बाक्य 5:10

और बिन्नें हमारे परमेस्‍वर के काजै एक राज और पुरोहित कौ समाज बनांय दियो, के बे धरती पै राज करिंगे।”