2 तिमुथियुस 1:7 - बृज भासा

⁷ परमेस्‍वर नें हमें डर की नांय पर सामर्थ, पिरेम और संयम की आतमा दई है।

2 तिमुथियुस 1:7 Iomraidhean Croise

लूका 10:19

देखौ, मैंनें तुमें सांप और बिच्छुन कूं कुचलबे कौ और सैतान की सबरी सक्‍तीन पैऊ अधिकार दयौ है जाते कै बू तुमारी कैसीऊ हानि ना कर सकै।

लूका 15:17

“जब वाके होस ठिकाने आये तौ बू बोलौ, ‘मेरे बाप के जौरें कितने मजदूरऊएं जिनपै खायबे के बादऊ बचौ रैहते और मैं य्हां भूखों मर रयौऊं।

लूका 24:49

और देखौ जा पबित्र आतमा देबे कौ बादा मेरे पिता नें करौ है, मैं बाकूं तुमारे ऊपर उतारूंगो। पर जब तक तुम सुरग ते सामर्थ ना पाय लेओ, तब तक जा सहर में ही ठहरे रहना।”

लूका 8:35

और लोग जो कछू भयौ बाय देखबे कूं ईसू के जौरें आये और जि देखकै बे डरप गये कै जा आदमी में तै दुस्‍ट आतमाएं निकरीं हती, बू आदमी ईसू के पामन के जौरें पूरे कपड़ा पैहने भए सही दिमाग ते बैठौ हतो।

यूहन्‍ना 14:27

मैं तुमारे काजै अपनी सान्‍ती छोड़ रयौऊं, मैं तुमें खुद अपनी सान्‍ती दै रयौऊं। पर मैं तुमें जैसे जगत के लोग देतै बैसे नांय दै रयौ। तुमारौ मन ब्याकुल नांय होय और बाते मत डरपियों।

प्रेरितन के काम 1:8

पर जब पबित्र आतमा तुम पै आबेगौ, तब तुम सामर्थ पाऔगे और सबरे येरूसलेम, सामरिया, यहुदिया और धरती कै छोर तक तुम मेरे गबाह ठहरौगे।”

प्रेरितन के काम 10:38

परमेस्‍वर ने ईसू नासरी कौ पबित्र आतमा की सामर्थ ते अभिसेक करौ, और बू चारों ओर भलाई करतौ रयौ, जिनकूं दुस्‍ट आतमान ने सतायौ हतो उनकूं बू ठीक करतौ हतो चौंकि परमेस्‍वर वाके संग हतो।

प्रेरितन के काम 20:24

पर मेरे काजै मेरे पिरान की कोई कीमत नांय। मैं तौ बस बा दौड़ धूप और बा सेबा कूं पूरौ करबौ चाहतूं। जाय मोय पिरभू ईसू ने सोंपौए कै, परमेस्‍वर की किरपा के समाचार की गबाही दूं।

प्रेरितन के काम 21:13

जापै पौलुस ने उनते कही, “तुम जि का कर रयेऔ, रोय रोयकै मेरौ दिल चौं तोर रयेऔ? मैं तौ पिरभू ईसू के नाम के काजै येरूसलेम में बांधे जायबे काजैई नांय, पर मैं तौ मरबे तक तईयारऊं।”

प्रेरितन के काम 26:11

मैं यहुदिन के पिराथना घरन में उन अत्‍याचार करतो, और ईसू के बिरोध में बोलबे काजै उनपै दबाब बनाबतो, उनते मोय इतनी गुस्सा हती और उन्‍नें सतायबे काजै दूसरे नगरन तक गयौ।

प्रेरितन के काम 26:25

पौलुस ने कही, “हे महानभाब फेस्तुस, मैं पागल पन में नांय बोल रयो, पर पूरे होस में बोल रयौऊं, जे बात बिलकुल सच्‍ची हैं।

प्रेरितन के काम 6:8

स्तिफनुस एक ऐसौ आदमी हतो जो परमेस्‍वर की किरपा और सामर्थ में भरकै बडे़-बडे़ अदभुत काम और चिन्‍न दिखाबतौ।

प्रेरितन के काम 9:22

पर साऊल सामर्थ में बढ़त गयौ और दमिस्‍क में रैहबे बारे यहुदियन कूं जि सबूत दै दैकें, ईसू ही मसीह हे,लोगन कौ म्हों बन्द करतो रहौ।

रोमियों 5:5

जि आसा हमें निरास नांय होन देत चौंकि पबित्र आतमा के द्वारा, जो हमें दयौ गयौ है, परमेस्‍वर कौ पिरेम हमारे हिरदयन में उँडेल दयौ गयौ है।

रोमियों 8:15

चौंकि बू आतमा जो तुमें मिलौ है, बू तुमें फिर ते दास बनाबे या डराबे के काजै नांय, पर बू आतमा जो तुमनें पायौ है तुमें परमेस्‍वर की सन्‍तान बनातै। जाते हम पुकारकै कैहतै, “हे अब्बा, हे पिता!”

1 कुरिन्थियों 2:4

और मेरे वचन, और मेरे पिरचार में ग्‍यान की लुभायबे बारी बात नांय। पर पबित्र आतमा और सामर्थ कौ सबूत हतो।

गलातियों 5:22

पर पबित्र आतमा का फल पिरेम, आनन्द, सान्‍ती, धीरज, दयालुता, भलाई, भरोसौ

कुलुस्सियों 1:8

और जो पिरेम पबित्र आतमा नें तुमारे हिरदय में रखौ है, वाके बारे में बानें हमकूं बतायौ है।

इब्रानियों 2:15

और गुलामी में जीबन बिताबे बारे लोगन कूं मौत के भय ते मुक्‍त कर दैबे।

1 पतरस 1:22

अब देखौ तुमनें अपने आप कूं भाई चारे के सच्‍चे पिरेम कूं दिखाबे काजै अपनी आतमा कूं पबित्र कर लियौऐ तौ पबित्र मन ते एक दूसरे ते बिना कपट के पिरेम करबे कौ मन बनांय लेओ।

1 यूहन्‍ना 4:18

पिरेम में डर नांय होबै, पर सिद्ध पिरेम डर कूं खतम कर दैबै चौंकि डर कौ सम्बन्ध दन्‍ड ते हैवै और जो डर करै वु पिरेम में सिध्द नांय।