2 तिमुथियुस 1:3 - बृज भासा

³ मैं परमेस्‍वर की सेबा अपने पुरखन की तरैह ते सुद्ध मन ते करूं, और परमेस्‍वर कौ धन्यबाद देते भये मैं अपनी पिराथनान में तोय दिन रात याद करतौ रहूं।

2 तिमुथियुस 1:3 Iomraidhean Croise

लूका 2:37

अब बू चौरासी साल की है गयी हती। बू दिन और रात बर्त रखती और बानें कबऊ बड़े पिराथना घर जायबौ और उपासना करबौ नांय छोड़ो।

प्रेरितन के काम 22:3

“मैं यहुदी हूं और मेरौ जन्म किलकिया के तरतुस नगर में भयौ हतो, पर मेरौ पालन पोसन य्हांपै जा नगर में भयौए। गमलिएल कै पामन में बैठकै मोय बाप-दादन की व्‍यबस्था की अच्‍छी तरैह ते सिखाई गयीए। परमेस्‍वर के काजै बैसी अई धुन लगी भईए, जैसे आज तुम सबन में हतिए।

प्रेरितन के काम 23:1

पौलुस ने यहुदी महा सभा कै माऊं टक टकी लगायकै देखौ और कही, “हे मेरे भईयाओ, मैने आज तक परमेस्‍वर के सामने पूरी तरैह ते, सच्‍चे बिबेक ते जीबन बितायौ है।”

प्रेरितन के काम 24:14

पर मैं तेरे सामने जा बात कूं मांनतू कै, मैं अपने पुरखन के परमेस्‍वर की अराधना अपने ईसू के रस्ता के अनुसार करतूं, और जाय जे गलत बतातै, चौंकि जाके बारे में व्‍यबस्था बतातै और परमेस्‍वर की ओर ते बात बताबे बारेन की किताब में लिखौ है और मैं बाई पै भरोसौ करूं।

प्रेरितन के काम 24:16

जामारै मैं आदमी और परमेस्‍वर के सामने अपनी आतमा कूं सुद्ध बिबेक कूं निरदोस रखबे की कोसिस करतूं।

प्रेरितन के काम 26:4

“जे सबरे यहुदी जा बात ते जानते के मैने बचपन ते जबानी तक अपने देस के लोगन के बीच और येरूसलेम मेंऊं कैसौ जीबन जीयौऐ।

प्रेरितन के काम 27:23

चौंकि बीती रात जा परमेस्‍वर कौ उपासक और वाकी सेबा करतूं वाके सुरग दूत ने मेरे जौरे आयकें कही,

रोमियों 9:1

मसीह में मैं सच कैह रयौऊं। मैं झूंठ नांय कैह रयौ और मेरौ बिबेक जो पबित्र आतमा के द्वारा मेरे संग मेरी गबाही देतै,

2 कुरिन्थियों 1:12

हम जा बात कूं घमन्ड के संग सच्‍चे मन ते कैह सकते कै, हमनें जा दुनियां के संग और खास करकें तुमारे संग परमेस्‍वर की किरपा के अनुसार ही बौहार करौए। हमनें सीधे और सच्‍चे मन के संग बौहार करौए, जो हमे परमेस्‍वर ते मिलतिए, जा दुनियां की बुध्दी ते नांय।

गलातियों 1:14

मैं यहुदी रीतिन में अपने सब संग केन ते जो मेरे संग बा समै हते, बिनते भौत आगे बढ़ गयौ हतो, और अपने पुरखन रीतिन के काजै भौत उत्साहित हतो।

इफिसियों 1:16

जा मारै मैंनें तुमारे काजै परमेस्‍वर को धन्यबाद करबौ नांय छोड़ो और अपनी पिराथना में हमेसा तुमें याद करतौ रैहतूं।

1 थिस्सलुनिकियों 3:10

हम रात और दिन भौतई पिराथना करते रहतै कै हम तुमें देखें और तुमारे भरोसे की कमीऐं पूरी करें।

1 तिमुथियुस 1:19

भरोसौ और भलौ बिबेक रख, चौंकि कछू ऐसेऊ लोग है जिन्‍नें भलौ बिबेक नांय रखो जामारैं बे भरोसे ते भटक गये हैं।

1 तिमुथियुस 1:5

मेरे सिखाबे कौ मतलब तौ जि है कै सब भरोसे करवे बारे पिरेम ते भर जामें, जो भले मन और अच्छी आतमा और कपट रहित भरोसे ते पैदा हैमें।

1 तिमुथियुस 5:5

बे औरत जो हकीकत में बिधबाएं हैं जिनकौ कोई नांय, बे परमेस्‍वर पै आसा रखें और रात-दिन पिराथना में लगी रैहमें और परमेस्‍वर ते मदत मांगें।

2 तिमुथियुस 1:5

मोय तेरे बा निसकपट भरोसे की याद आवें है, जो भरोसौ पैहले तेरी नानी लोइस और तेरी मा यूनिके मेंऊं हतो, और मोय निस्चय भयौ है कि बू अब तोमेंऊ हतै,

2 तिमुथियुस 3:15

और बचपन ते पबित्र सास्त्र तेरौ जानों भयौ है जो तोय ईसू मसीह पै भरोसौ करबे ते उद्धार काजै तोय सनझदार बनांय सके।

इब्रानियों 13:8

ईसू मसीह कल, आज और युगानुयुग तक एक जैसौ है।