2 तिमुथियुस 1:10 - बृज भासा

¹⁰ पर अब हमारे उद्धारकरता ईसू मसीह के पिरगट हैबे के द्वारा हम पै प्रकासित भयौ है। जानें मौत पै पूरी तरह तै बिजय पायी और जीबन और अमरता कूं बा सुभ समाचार के द्वारा प्रकास मान कर दियौ।

2 तिमुथियुस 1:10 Iomraidhean Croise

लूका 11:36

अगर तुमारौ सबरौ सरीर उजीते ते भरौए और सरीर में कोई अंग अंधेरे में नांय है तौ बू पूरी तरैह ते चमकेगौ,जैसे कोई दीया अपनी किरनन ते चमक रयौ होय।”

लूका 13:7

जापै बानें माली ते कही, ‘अब देख मैं तीन साल ते अंजीर के जा पेड़ पै फल ढूँढ़त आय रयौऊं पर मोय जापे एकऊ फल नांय मिलौ, सो जाय काट डार। जि धरतीये बेकार में चौं घेरे परौऐ?’

लूका 2:11

आज दाऊद के नगर में तुमारे काजै एक उद्धारकरता पैदा भयौए और जेई मसीह पिरभू है।

यूहन्‍ना 1:9

बू सच्‍चौ उजीतौ हतो और सब आदमिन के अंधेरे कूं दूर करतो हतो और बू दुनियां की नजर में आयबे बारौ हतो।

यूहन्‍ना 14:6

ईसू नें बाते कही कै, “मैं रस्ता, सच्‍चाई और जीबन हूं। बिना मेरे कोई पिता के जौरें नांय पौहच सकत।

यूहन्‍ना 20:31

जो बात जा किताब में लिखे हैं, बे जा बजैह ते लिखीऐं कै तुम भरोसौ करौ ईसू ही परमेस्‍वर कौ बेटा मसीह है। तुम बापै भरोसौ करौ और वाके नाम ते जीबन पाऔ।

यूहन्‍ना 4:42

तब बे बा औरत ते कैहबे लगे, “कै तेरे कैहबे तेई भरोसौ नांय करत, पर अब तौ हम जान गये हैं कै जेई बास्तव में संसार कौ उद्धार करबे बारौ है।”

यूहन्‍ना 5:40

फिरऊ तुम कबऊ नांय खतम हैबे बारौ जीबन पायबे काजै मेरे जौरें आबौई नांय चाहत।

प्रेरितन के काम 13:23

“और परमेस्‍वर ने अपने बादा और इच्‍छा ते दाऊद के घराने में ते एक उद्धार करबे बारौ जाकौ नाम ईसूए बू भेजौ।

प्रेरितन के काम 5:31

और बाई परमेस्‍वर ने बू राजा और हमारौ उद्धारकरता ठहरायके अपने सीदे हात माऊं बैठारौ है। जाते सबरे इसरायल के लोग अपने पापन ते मन फिरामें और छमा पाय सकें।

रोमियों 16:26

पर जाय अनन्‍त परमेस्‍वर के आदेस ते परमेस्‍वर की ओर ते बात बताबे बारेन की किताब के द्वारा अब हमें और देस देस के लोगन पै पिरकट करके बता दयौ गयौ है जाते भरोसा ते आग्‍या मानबे बारे है जाबें।

रोमियों 2:7

जो लोग भलाई के काम करते भये महिमा, आदर और अमरता की खोज में रैहतै, परमेस्‍वर बिनें कबऊ नांय खतम हैबे बारौ जीबन दैबेगौ।

रोमियों 3:31

तौ का, हम भरोसे के आधार पै व्‍यबस्था कूं बेकार ठहरा रये हैं? बिलकुल नांय। पर हम तौ व्‍यबस्था कूं और जादा सक्‍तीसाली बना रये हैं।

रोमियों 6:6

चौंकि हम जि जानते हैं कै हमारौ पुरानौ स्‍वभाब ईसू के संगई क्रूस पै चढ़ा दयौ गयौ हतो ताकि पाप ते भरे हमारे सरीर नांस है जाबें। और हम आगे के काजै पाप के दास न बने रहें।

1 कुरिन्थियों 15:26

सबते आखरी बैरी, जो नांस करौ जाबैगौ, बू मौत है।

1 कुरिन्थियों 4:5

जामारै समै ते पैहले काऊ बात कौ न्याय मत करौ। पिरभू के आबे कौ इन्‍तजार करौ बेई अन्धेरे में छिपी भई बातन्‍ने उजीते में पिरगट करैगौ, और सबके मन की बातन कूं पिरगट करैगौ। तब परमेस्‍वर की ओर ते सबकी बढ़ाई होगी।

2 कुरिन्थियों 5:4

जा सरीर में रैहते भये हम बोझ ते दबे कराहते रैहतै, जाकौ मतलब जि नांय कै हम जाय उतार लैबे पर और पहन लैबे, ताकि जा मरनहार कूं जीबन निगल लैबे।

गलातियों 5:4

और अगर तुम व्‍यबस्थाए मानबे के द्वारा धरमी के रूप में परमेस्‍वर कूं खुस करबौ चाहतौ, जाकौ मतलब जि है तुमनें मसीह ते अपने आप कूं दूर कर लियौ है और मसीह की किरपा ते बन्चित है गये हो।

इफिसियों 1:18

मैं जऊ बात के काजै पिराथना करतूं कै बू तुमारे मन की आँखन नें खोल दैबे कै तुम जान जाऔ कै वाकी बुलाहट की आसा का है? और परमेस्‍वर के पबित्र लोगन में वाकी बिरासत की महिमा कौ धन कितनों जादा है।

इफिसियों 1:9

चौंकि बानें अपने भले उद्देस्य के अनुसार अपने भेद को हम पै पिरगट करो और जि भेद बुई है जाये परमेस्‍वर नें मसीह में पूरौ करबे काजै पैहले तेई तय कर लयो हतो।

2 थिस्सलुनिकियों 2:8

तब व्‍यबस्था कूं ना मानबे बारौ पिरकट होगो और बाय पिरभू ईसू अपने मौंह की फूंक ते और अपने आगमन की चकाचौंध ते नास कर देगौ।

2 तिमुथियुस 1:1

पौलुस की ओर ते जि चिठ्‌ठी। जो परमेस्‍वर की इच्‍छा ते ईसू मसीह कौ भेजौ भयौ चेला है, जाये परमेस्‍वर नें बा जीबन को पिरचार करबे कूं भेजौ है, जा जीबन के बारे में परमेस्‍वर ने ईसू मसीह में बादा करौ है।

2 तिमुथियुस 1:8

जामारैं तू हमारे पिरभू और मेरी गबाही ते लज्‍जित मत हैबै। मैं जो ईसू मसीह के पीछे चलवे की बजैह ते जेल में हूं, पर परमेस्‍वर की सामर्थ के अनुसार सुभ समाचार के काजै मेरे संग दुख उठा।

2 तिमुथियुस 4:1

मसीह ईसू जो अपने राज्‍य में पिरगट होगौ और जीन्देन कौ और मरे भयेन कौ न्याय करैगौ। बाय और परमेस्‍वर कूं गबाह मानकैं, मैं तौकूं जि आग्‍या दै रयौऊं।

2 तिमुथियुस 4:8

आगे आयवे बारे समै में मेरे काजै बू धर्म कौ मुकुट रखौए, जाय पिरभू जो धर्मीए और न्याईए मोय न्याय के दिना पैहराबैगौ। और बू बाय मोईऐ नांय पर उन सबनकूं पैहराबैगौ जो पिरेम के संग वाके पिरगट हैबे कौ इन्‍तजार कर रये हैं।

तीतुस 2:11

चौंकि परमेस्‍वर कौ अनुग्रह सब लोगन के उद्धार काजै पिरगट भयौ है।

तीतुस 2:13

और बा धन्य दिना की बाट जोहते रहमें जब हमारी आसा पूरी होगी, और हमारे महान परमेस्‍वर और उद्धारकरता ईसू मसीह की महिमा पिरगट होगी।

तीतुस 3:4

पर जब उद्धारकरता परमेस्‍वर की किरपा और लोगन पै वाकौ पिरेम पिरगट भयौ

इब्रानियों 10:32

सुरुआत के बिन दिनन कूं याद करौ जब तुमनें ज्‍योति पाई हती, और तुरन्‍त वाके बाद जब तुम कस्‍टन कौ सामना करते भये कठोर संघर्स में मजबूती के संग डटे रये हते।

2 पतरस 1:1

जि चिठ्‌ठी ईसू मसीह के भेजे भये चेला मुझ, सिमौन पतरस की ओर ते बिन लोगन काजैंऐ, जिनें हमारे परमेस्‍वर और हमारे उद्धारकरता मसीह ईसू की धारमिकता के द्वारा हमारौ सौ भौत कीमती भरोसौ पायौए।

2 पतरस 1:11

पिरभू और हमारे उद्धारकरता ईसू मसीह के कबऊ नां खतम हैबे बारे राज में आदर के संग घुस पांगे।

2 पतरस 1:3

चौंकि हमारे जीबन के काजै और परमेस्‍वर की सेबा के काजै बानें हमें अपनी सामर्थ ते बू सब कछू दयौए जाकी हमे जरूरतै। चौंकि हम जानें कै बानें हमे अपनी धारमिकता और महिमा की बजैह ते बुलायोए।

2 पतरस 2:20

अगर तुम पिरभू और उद्धारकरता मसीह ईसू कूं जानबे के बाद और सांसारिक बन्धन में ते निकरबे के बाद फिर ते बाइ में फंसकें हार गये हैं तौ बिनकी जि हालत पैहले तेऊ बुरी होगी।

2 पतरस 3:18

हमारे उद्धार करबे बारे हमारे पिरभू ईसू मसीह की किरपा और ग्‍यान में बड़ते जाऔ। अब हमेसा हमेसा वाकी महिमा होती रहै। ऐसौई होबे।

2 पतरस 3:2

तुम पबित्र परमेस्‍वर की बात बताबे बारेन की पैहले ते कही भई बातन कूं और पिरभू और अपने उद्धार करबे बारे की दई भई बा आग्‍या कूं याद करौ जो भेजे भये चेलान के द्वारा दई गयीं हती।

1 यूहन्‍ना 1:2

बू जीबन पिरगट भयौ और हमनें बाकूँ देखौ और वाकी गबाही देते भये तुमारे सामईं जि घोसना करें, कै कबऊ नांय खतम हैबे बारौ जीबन जो परमेस्‍वर पिता के संग हतो हम पै पिरगट भयौ है।

1 यूहन्‍ना 4:14

परमेस्‍वर पिता नें अपने बेटा कूं संसार के उद्धारकरता के रूप में भेजौ। बाय हमनें देखौ है और हम वाकी गबाही देमें।

प्रकासित बाक्य 18:1

जाके बाद मैंनें एक और सुरग दूत सुरग ते उतरते भये देखौ, बाय महान अधिकार मिलौ भयौ हतो और वाके आयबे ते सबरी धरती चमक उठी।

प्रकासित बाक्य 2:7

“जाके कान हौंय बू सुन लेय के कलिसियान ते आतमा का कैह रयौ है। “जो जय पाबैगौ बाय मैं बा जीबन के पेड़ में ते जो परमेस्‍वर के बगीचा में लगायौ है वाकौ फल खाबे के काजै दुंगो।”

प्रकासित बाक्य 20:14

जाके बाद मौत और पाताल कूं आग की झील में झोंक दियौ जाबैगौ। जि आग की झील दूसरी मौत होगी।

प्रकासित बाक्य 22:14

धन्य बे हैं, जो अपने कपड़ा धोय लैमें, चौंकि बिन्‍नें जीबन के पेड़ के जौरें जायबे कौ अधिकार मिलैगौ, और बे फाटकन मेंते हैकें नगर में घुसिंगे।

प्रकासित बाक्य 22:17

और पबित्र आतमा और दुलहन कहमें, “आ।” और सुनबे बारैऊ कहमें “आ।” और जो पियासौ होय, बू आबै और जो कोई चाहे बू जीबन कौ जल सेंत मेंत लेय।