2 तिमुथियुस 1:1 - बृज भासा

¹ पौलुस की ओर ते जि चिठ्‌ठी। जो परमेस्‍वर की इच्‍छा ते ईसू मसीह कौ भेजौ भयौ चेला है, जाये परमेस्‍वर नें बा जीबन को पिरचार करबे कूं भेजौ है, जा जीबन के बारे में परमेस्‍वर ने ईसू मसीह में बादा करौ है।

2 तिमुथियुस 1:1 Iomraidhean Croise

यूहन्‍ना 10:28

मैं उनैं कबऊ नांय खतम हैबे बारौ जीबन देतूं, बिनकौ कबऊ नांस नांय होगौ। और नां कोई मेरे हात ते बिनें छीन पाबैगौ।

यूहन्‍ना 17:3

बाय कबऊ नांय खतम हैबे बारौ जीबन तौ जिऐ कै बे तोय एकमात्र सच्‍चे परमेस्‍वर कूं और ईसू मसीह कूं जानलें जाकूं तेने भेजौए बाय,

यूहन्‍ना 5:24

“मैं तुमते सही सच कैह रयौऊं कै, जो मेरौ वचन सुनकें मेरे भेजबे बारे पै भरोसौ करतै, कबऊ नांय खतम हैबे बारौ जीबन वाकौ है। बापै दन्‍ड की आग्‍या नांय होबेगी, पर बू मौत कूं जीतकै जीबन में पिरबेस कर चुकौ है।

यूहन्‍ना 6:40

और मेरे पिता की जेई इच्‍छाए कै जो कोई पुत्र कूं देखेगौ बापै भरोसौ करैगौ, बू कबऊ नांय खतम हैबे बारौ जीबन पाबैगौ और आखरी दिन में मैं बाय जीबित करुंगो।”

यूहन्‍ना 6:54

जो मेरौ सरीर खातै और खून पीवतै, कबऊ नांय खतम हैबे बारौ जीबन वाकौऐ और आखरी दिन में मैं बाय फिर जीबित करूंगो।

रोमियों 1:1

मैं,पौलुस जि चिठ्‌ठी, रोम की कलिसिया काजै लिख रयौऊं। मैं ईसू मसीह कौ सेबक, परमेस्‍वर के द्वारा भेजौ भयौ चेला चुनों गयौऊं, और सुभ समाचार पिरचार काजै बुलायौ गयौऊं।

रोमियों 5:21

ताकि जैसे मौत के द्वारा पाप ने राज करौ है ठीक बैसे ही हमारे पिरभू ईसू मसीह के द्वारा कबऊ नांय खतम हैबे बारे जीबन कूं लाबे के काजै परमेस्‍वर की किरपा धारमिकता के द्वारा राज करे।

रोमियों 6:23

चौंकि पाप की मजदूरी तौ बस मौतई है जबकि हमारे पिरभू ईसू मसीह में कबऊ नांय खतम हैबे बारौ जीबन, परमेस्‍वर का सेंत मेंत कौ वरदान है।

1 कुरिन्थियों 1:1

परमेस्‍वर की इच्‍छा के अनुसार ईसू मसीह कौ भेजौ भयौ चेला बनबे काजै चुनों गयौ, मैं,पौलुस और बिसबासी भईया सोस्थिनेस, जि चिठ्‌ठी कुरिन्थुस सहर में स्थित परमेस्‍वर की कलिसिया के लोगन कूं लिख रये हैं। जो ईसू मसीह में पबित्र करे गये हैं और जो पबित्र हैबे काजै बुलाये गये है और बिन सब लोगन के काजैऊ लिख रयौऊं जो हर जगैह हमारे पिरभू ईसू मसीह कौ नाम पुकारते रैहते।

2 कुरिन्थियों 1:1

मैं, पौलुस, परमेस्‍वर की इच्‍छा के अनुसार ईसू मसीह कौ भेजौ भयौ चेला, और भईया तिमुथी जि चिठ्‌ठी कुरिन्थियुस सहर की कलिसिया कूं और अखाया नगर में रैहबे बारे सब परमेस्‍वर के पबित्र लोगन के काजै लिख रये हैं।

2 कुरिन्थियों 1:20

चौंकि परमेस्‍वर ने जो सब प्रतिग्‍या करीऐ, बू ईसू में “हाँ” में पाई जातै। जामारै बाई के द्वारा हम परमेस्‍वर की महिमा के काजै “ऐसौई होबे” कैहतै।

गलातियों 3:26

चौंकि तुमने जो मसीह ईसू पै भरोसे करौ है बाई बजैह ते तुम परमेस्‍वर की सन्‍तान हो।

गलातियों 3:28

अब ना यहुदी रये हो, ना कोई यूनानी है, ना कोई दास है, ना कोई स्‍वतन्त्र है, ना कोई आदमीये, ना कोई औरते, चौंकि तुम सब मसीह ईसू में एक है गये हो।

इफिसियों 3:6

बू रहस्‍य जि है कै सुभ समाचार के जरिये यहुदी और गैर यहुदी एकई वसीयत के अधिकारी हैके, एकई सरीर के अंग है, और ईसू मसीह के बारे में जो बाचा करी गयी हती बामें सामिल है गये हो।

1 तिमुथियुस 6:19

ऐसौ करबे ते आबे बारे समै काजै ऐसौ धन इकठ्‌ठौ करिगें जो आबे बारे समै में एक अच्छी पक्‍की नींव ठहरे। तब जायकै बू बा सच्‍चे जीबनें जीबे योग्‍य हुंगे।

2 तिमुथियुस 1:10

पर अब हमारे उद्धारकरता ईसू मसीह के पिरगट हैबे के द्वारा हम पै प्रकासित भयौ है। जानें मौत पै पूरी तरह तै बिजय पायी और जीबन और अमरता कूं बा सुभ समाचार के द्वारा प्रकास मान कर दियौ।

2 तिमुथियुस 1:13

जो खरी बात तैनें मोते सुनीए बा भरोसे और पिरेम के संग जो मसीह ईसू में हैं अपनों आदर्स बनांये रख

2 तिमुथियुस 1:9

जानें हमारौ उद्धार करौ है, और परमेस्‍वर के पबित्र लोग हैबे काजै बुलायौ है, और जि हमारे कामन के अनुसार नांय पर वाकी मनसा और वाके अनुग्रह के अनुसार है जो ईसू मसीह में सुरुआती समै ते हम पै भयौ है।

2 तिमुथियुस 2:1

हे मेरे बेटा तिमुथियुस, तू बा किरपा ते, जौ ईसू मसीह में तोपै भई है ताकतबर है जा,

2 तिमुथियुस 2:10

मैं चुने भये लोगन के काजै सब कछू सहन करूं। कै बेऊ बा उद्धार कूं जो मसीह ईसू में है, कबऊ नां खतम हैबे बारी महिमा के संग पायें।

2 तिमुथियुस 2:3

ईसू मसीह के अच्‍छे योद्धा की तरैह मेरे संग दुख उठा।

2 तिमुथियुस 3:15

और बचपन ते पबित्र सास्त्र तेरौ जानों भयौ है जो तोय ईसू मसीह पै भरोसौ करबे ते उद्धार काजै तोय सनझदार बनांय सके।

तीतुस 1:2

और कबऊ नांय खतम हैबे बारे जीबन की आसाऐ, जाकी प्रतिग्‍या सत्‍यबादी परमेस्‍वर नें अनादि काल ते करी हती।

तीतुस 1:4

जा चिठ्‌ठीऐ मैं तीतुस काजै लिख रयौ हूं। जो भरोसे में सहभागी मेरौ सच्‍चौ बेटा है। तोय परमेस्‍वर पिता और हमारे उद्धारकरता ईसू मसीह की ओर ते अनुग्रह और सान्‍ती मिलती रैहबै।

इब्रानियों 9:15

जाई बजैह ते मसीह एक नयी बाचा कौ बिचौलिया बना जाते जिनें बुलायौ गयौ है, बे बिरासत कौ अनन्‍त आसीरबाद पा सकें जाकी परमेस्‍वर नें प्रतिग्‍या करी हती। अब देखौ, पैहली बाचा के अधीन में करे गए पापन ते बिनें छुड़ाबे काजै फिरौती के रूप में बू अपने पिरान दे चुकौ है।

1 यूहन्‍ना 2:25

मसीह नें खुद हमते कबऊ नांय खतम हैबे बारे जीबन कूं दैवे की प्रतिग्‍या करी है।