2 पतरस 3:2 - बृज भासा

² तुम पबित्र परमेस्‍वर की बात बताबे बारेन की पैहले ते कही भई बातन कूं और पिरभू और अपने उद्धार करबे बारे की दई भई बा आग्‍या कूं याद करौ जो भेजे भये चेलान के द्वारा दई गयीं हती।

2 पतरस 3:2 Iomraidhean Croise

लूका 1:70

जैसौ कै बानें परमेस्‍वर की ओर ते बातें बताबे बारे पबित्र लोगन के द्वारा पैहले समैं तेई कही हतीं।

लूका 24:27

तब ईसू नें मूसा ते लैकै और दूसरे परमेस्‍वर की ओर ते बातन्‍नें बतायबे बारेन तक पूरे पबित्र सास्त्र में ते अपने बारे में जो बात लिखी हती बिनकौ अर्थ समझायौ।

लूका 24:44

ईसू नें बिनते कही, जब मैं तुमारे संग रैहतो हतो तब मैंनें तुमते कही हती, “जो कछू मूसा नियमन में और परमेस्‍वर की ओर ते बात बतायबे बारेन की किताबन में और भजन की किताब में मेरे बारे में लिखौ है, बू सब पूरौ होनों जरूरिए।”

प्रेरितन के काम 10:43

सब परमेस्‍वर की बात बतायबे बारे जि गबाही दयी कै, जो ईसू पै भरोसौ करैगौ, बू वाके नाम ते सब पापन ते छमा पाबतुए।”

प्रेरितन के काम 28:23

तब यहुदिन ने वाके काजै एक दिन ठहरायौ, ज्हांपै बू रुको हतो म्हांपै भौत ते लोग इकठ्‌ठे हे गये। बानें मूसा की व्‍यबस्था और परमेस्‍वर की ओर ते बात बतायबे बारेन की किताबन मेंते समझायबे की कोसिस करबे लगौ, बानें परमेस्‍वर के राज की और अपनी गबाही दयी ईसू मसीह के बारे में समझायौ सबेरे ते सन्झा तक जाईमें लगो रहो।

प्रेरितन के काम 3:18

पर परमेस्‍वर नें अपनी ओर ते बात बतायबे बारेन के द्वारा पैहलेई कैहलबायौ हतो कै, मसीह कूं ताड़ना भोगनी परैगी। बानें बू जाई तरैह ते पूरौ करौ है।

प्रेरितन के काम 3:21

“मसीह कूं तब तक सुरग में रैहनौ होगौ जब तक सब बात पैहले जैसी नांय है जांय। जाके बारे में परमेस्‍वर नें अपनी ओर ते बात बतायबे बारे पबित्र लोगन के द्वारा पैहले समैं तेई बताय दयी हती।

गलातियों 6:2

जा तरैह ते एक दूसरे की दुख के समै में सहायता करौ, जाके द्वारा तुम मसीह की व्‍यबस्थाऐ पूरी करौगे।

इफिसियों 2:20

तुम लोगन कूं एक ऐसे घर के रूप में बनांयौ गयौ है जो भेजे भये चेलान की और परमेस्‍वर की बात बताबे बारेन की नींव पै खड़ौ है और वाके कौने कौ पत्‍थर खुद ईसू मसीह है।

इफिसियों 3:5

जि रहस्‍य पिछली पीढ़ी के आदमिन कूं नांय बतायो गयौ पर आतमा के जरिये वाके पबित्र भेजे भये चेलान कूं और परमेस्‍वर की बात बताबे बारेन कूं समझायौ गयौ है।

1 तिमुथियुस 6:14

तू पिरभू ईसू मसीह के आयवे बारे दिन तक इन आग्‍यान नें मानकै निसकलंक और निरदोस बनों रह।

2 पतरस 2:21

जाते तौ जि अच्‍छौ होतौ के बे धारमिकता के रस्ता कूं जानई नां पाते, जो पबित्र आग्‍या बिनें मिली हती बाते मौंह मोड़ लैमें।

2 पतरस 3:15

अगर पिरभू अपनी सहन सीलता की बजैह ते देर करतै तौ जाय अपनों उद्धार समझौ। जो हमारे प्यारे भईया पौलुस नें परमेस्‍वर ते मिले ग्‍यान ते तुमारे काजै लिखौ हतौ।

2 पतरस 3:16

बैसैंई बानें अपनी सब चिठ्‌ठीन में जा बात कौ जिकर करौय, कितनीं बात तौ एसीऐं, जो हमारे समझबे काजै भौत मुस्‍किलें और नासमझ और भरोसे में अस्थिर लोग बिनके अर्थ कौ मतलब गलत बतामें और ऐसौई दूसरे सास्त्रन के संग करें ऐसौ करकें बे अपने पामन पै खुद कुलहाड़ी मार रये हैं।

1 यूहन्‍ना 4:6

पर हम परमेस्‍वर के हैं और जो परमेस्‍वर कूं जानें, बू हमारी सुनें और जो परमेस्‍वर कूं नांय जानें, बे हमारी सुनबोई नांय चाहमें, जा तरैह ते हम सत्‍य की आतमा और भटकाबे बारी आतमा की पहचान कर सकें।

यहूदा 1:17

पर हे प्यारे भईयाओ, तुम बिन बातन कूं याद रखौ, जो हमारे पिरभू ईसू मसीह के भेजे भये चेलान नें पैहलेंई कही हतीं।

प्रकासित बाक्य 19:10

और मैं नमस्‍कार करबे काजै वाके पामन में गिर परौ। बू मोते बोलौ, “देख, ऐसौ मत कर, मैं तौ तेरे और तेरे भईयन के संग परमेस्‍वर कौ सेबक हूं। जिनपै ईसू नें गबाही दई बा सन्देस की जिम्मेदारी हती। परमेस्‍वर की अराधना कर चौंकि ईसू नें जई बात की गबाही दई है कै बिनमें एक परमेस्‍वर की बात बताबे बारे की आतमा हतैए।”