2 पतरस 2:2 - बृज भासा

² और भौत से लोग बिनकी तरैह लुचपन में पर जांगे जा बजे ते सच्‍चाई कौ रस्ता बदनाम हैबैगौ।

2 पतरस 2:2 Iomraidhean Croise

मत्‍ती 22:16

बिन्‍नें ईसू के जौरै हेरोदियन के गुट के कछू लोगन के संग, अपने चेलान कूं बाते जि सबाल पूछबे भेजौ, “हे गुरू, हम जि जानतें कै तू सच्‍चाई ते परमेस्‍वर के रस्ता की सिछा देतैं और तू सच बोलतै। तोय काऊ की परबाह नांय। तू काऊ के म्हों देखकै बात नांय करतई।

मत्‍ती 24:24

चौंकि झूंठे मसीह और परमेस्‍वर के बारे में झूंठी बात बतायबे बारे खडे होगें,और ऐसे-ऐसे चिन्‍न और चमत्‍कार जामारै दिखायेंगे कै है सकै जो चुने भयेऐं, बे भैहक जांमे।

मत्‍ती 7:14

पर सकरे दरबाजे कौ रस्ता जीबन की ओर लै जाबतै बापे थोरेई लोग जाय रये हैं।

मरकुस 12:14

और बिन्‍नें आयकै बाते कही, “हे गुरू! हम जानतै कै तू सच्‍चौ है, और लोग का कहेंगे तू जऊ बात की परबाह नांय करत चौंकि तू आदमिन कौ मौंह देखिके बात नांय करै, पर सच्‍चाई के संग परमेस्‍वर को रस्ता बतातै जामारै हम तोते पूछबो चाहतै। व्‍यबस्था के अनुसार का हमें समराठ कूं कर देनौ चहिऐं कै नांय हम दैबे या नांय दैबे?”

मरकुस 13:22

चौंकि बा समै झूंठे मसीह और परमेस्‍वर के बारे में झूंठी बात बतायबे बारे लोग दिखाई दिंगे और बे कछू ऐसे निसान और अद्‍भुत काम दिखायेंगे। सायद बे परमेस्‍वर के चुने भयेन कूं गुमराह करवे की कोसिस करिंगे।

यूहन्‍ना 14:6

ईसू नें बाते कही कै, “मैं रस्ता, सच्‍चाई और जीबन हूं। बिना मेरे कोई पिता के जौरें नांय पौहच सकत।

प्रेरितन के काम 13:10

“हे सारे कपट और चतुराई ते भरे भये, सैतान की सन्‍तान, तू सब तरैह की धारमिकता कौ बैरी है। का तू पिरभू कै सीधे रस्ता कूं टेड़ो करबौ नांय छोड़ेगौ?

प्रेरितन के काम 14:2

पर भरोसौ न करबे बारे यहुदिन ने गैर यहुदिन कूं भरोसौ करबे बारे भईयन के प्रति भड़कायकै उनके मन में बैर पैदा कर दयौ।

प्रेरितन के काम 16:17

बू पौलुस और हमारे पीछे आयकै चिल्‍लाबे लगी कै, “जे आदमी परम पिरधान परमेस्‍वर के सेबक हैं, जो उद्धार कौ सुभ समाचार सुनाबतें।”

प्रेरितन के काम 18:26

बू यहुदी पिराथना घर में बिना काऊ डर के बोलबे लगौ। जब प्रिसकिल्‍ला और अक्‍बिला ने बाय बोलत भये सुनौ तौ बे बाय एकान्‍त में लै जायकें, गहराई के संग परमेस्‍वर के रस्ता कौ अर्थ समझाऔ।

प्रेरितन के काम 19:9

पर कछू लोग तौ बड़े हटीले हते और मानबे काजै तईयारई नांय और लोगन के सामने जा सीख के बारे में बुरी भली बात कैहते, जामारै बू अपने चेलान कूं मापै छोड़ के खुद तुरन्‍नुस की पाठसाला में रोजाना बिचार बिमर्स करबे लगौ।

प्रेरितन के काम 22:4

मैने उनकूं जो ईसू की सिछा कौ मानने और वाके पीछे चलबे बारेन कूं इतनौ सतायौ कै, बे मर गये। मैने आदमी और औरतन कूं जबरन खेंच के जेल में डार दयौ।

प्रेरितन के काम 24:14

पर मैं तेरे सामने जा बात कूं मांनतू कै, मैं अपने पुरखन के परमेस्‍वर की अराधना अपने ईसू के रस्ता के अनुसार करतूं, और जाय जे गलत बतातै, चौंकि जाके बारे में व्‍यबस्था बतातै और परमेस्‍वर की ओर ते बात बताबे बारेन की किताब में लिखौ है और मैं बाई पै भरोसौ करूं।

रोमियों 2:24

चौंकि पबित्र सास्त्र में लिखौ भयौ है कै, “तुमारी बजैह ते गैर यहुदिन के बीच में परमेस्‍वर के नाम कौ अपमान होतै।”

1 तिमुथियुस 5:14

जाके मारे मैं चाहूं कै जबान बिधबाएं ब्याह करें, मां बनें और अपने घर बार कूं संमारे जाते काऊ बिरोधीऐ बिनपै दोस लगाबे कौ मौकौ नां मिले,

तीतुस 2:5

बे संयमी, पबित्र, भली, घर कौ काम काज करबे बारी, और अपने पती के अधीन रैहबे बारी होंय, जाते लोग परमेस्‍वर के वचन की निन्दा ना कर सकें।

तीतुस 2:8

और बामें ऐसी खराई पाई जावें कै कोई बाय बुरौ ना कैह सकै। जाते तेरे बिरोधी लज्जित होंय, चौंकि बिनके जौरें हमारे बिरोध में बुरौ कैहबे काजै कछु नांय होगौ।

1 पतरस 2:12

गैर मसीह लोगन मेंऊ तुमारौ चाल-चलन अच्‍छौ होय। जामारैं बे तुमें जिन जिन बातन में सरीर की इच्‍छा कूं मारबे काजै तुमारी आतमा जूझती हती। बे भले कामन ने देखकैं पिरभू के आयबे के दिनन में परमेस्‍वर की महिमा करें।

2 पतरस 2:12

पर जे लोग तौ नासमझ जानबर की तरैह हैं। बू सिकार हैबे और मारे जाबे काजै पैदा भये हैं। बे बिन बातन की निन्दा करें जिनें बे नांय समझें। बे पसुन की तरैह नांस है जांगे।

2 पतरस 2:15

जे लोग सीधे रस्ता ते भटककै बओर के बेटा बिलाम के रस्ता पै चलबे लगे हैं, बिलाम, जाकूं अधर्म की कमाई पियारी हती।

2 पतरस 2:18

बे बेकार की घमन्‍ड भरी बातनतें और लुचपन ते बिन लोगन कूं सरीर की अभिलासा में फसा लैमें जो भटके भयेन मेते निकर रये हैं।

2 पतरस 2:21

जाते तौ जि अच्‍छौ होतौ के बे धारमिकता के रस्ता कूं जानई नां पाते, जो पबित्र आग्‍या बिनें मिली हती बाते मौंह मोड़ लैमें।

2 पतरस 2:7

पर बानें लूत कूं बचा लियौ हतो जो एक धरमी आदमी हतो और बू उदन्‍डी लोगन के बरताब ते दुखी रैहतो हतौ।

यहूदा 1:10

पर जे लोग बिन बातन की निन्दा करें, जिनें जि समझ नांय। जे बेसमझ जानबर की तरैह ते, जिन बातन कूं सुभाब तेई जानें, बे बिनईं के द्वारा नास है जामें।

यहूदा 1:15

सब लोगन कौ न्याय करैगौ। लोगन नें जितने बुरे काम करे हैं, बिनके काजै और जिन्‍नें परमेस्‍वर के बिरोध में बुरे वचन बोले हैं, पिरभू बिन सब बातन के काजै बिनें दोसी ठहराबैगौ।”

यहूदा 1:4

चौंकि कछू आदमी तुम लोगन के बीच में चुपचाप घुस आये हैं। इन लोगन की सजा के बारे में भौत समै पैहलेईं पबित्र सास्त्र में लिखौ भयौ है। जे लोग परमेस्‍वर ते दूर हैं और इन्‍नें परमेस्‍वर के अनुग्रह कूं भोग-बिलास कौ एक बहानों बनां डारौ है, और जे हमारे एकमात्र स्‍वामी पिरभू ईसू मसीह कूं नांय मानें।

यहूदा 1:7

जाई तरैह ते सदौम और अमोरा और वाके आस पास के नगरन नें बिन सुरग दूतन की तरैह व्‍यभिचार करौ और बे अप्राकृतिक बासनान के दास बन गये हते। बू हमें चेतावनी दैवे काजै कबऊ न बुझबे बारी आग कौ दन्‍ड पा रये हैं।

प्रकासित बाक्य 12:9

बू बड़ौ अजगर मतलब बुई पुरानौ सांपै जो इबलिस और सैतान कहौ जातौ, जौ सबरे संसार कूं भरमाबे बारौ हतो बू और वाके दूत धरती पै गिरा दिये।

प्रकासित बाक्य 13:14

बू धरती के लोगन कूं भरमांतो चौंकि बापै पैहले डराबने पसु के अधिकार ते बू चमत्‍कार के काम करतौ। और दूसरे बा डराबने पसु नें धरती के लोगन ते आदर पायबे काजै, तलबार ते लगे भये घाव बादऊ बू डराबनों पसु जीबित हतो, वाकी मूरती बनबाबे की कही।

प्रकासित बाक्य 13:8

बे सब धरती के रैहबे बारे जिनके नाम मैमना के जीबन की किताब में नांय लिखे हते। बे बा डराबने पसु की पूजा करिंगे। मैमना जो जगत की रचना के समैं ते पैहलेंई बलिदान हैबे काजै तैयार करौ हतो।