2 पतरस 2:1 - बृज भासा

¹ इसरायली लोगन में भौत से परमेस्‍वर के बारे में झूंठी बात बताबे बारे दिखाई दिंगे, बे तुमते भरमाबे बारी झूंठी बेमतलब की बात करिंगे और सांचे परमेस्‍वर कूं मानबे ते मने करिंगे, जाने बिनकूं मोल लैके छुड़ायौ है। और जाई तरैह ते बे अपने नास कौ कारन खुद बनिंगे।

2 पतरस 2:1 Iomraidhean Croise

मत्‍ती 10:33

और जो कोई मोय लोगन के सामने अपनांयबे ते मनैं कर देगौ, मैंऊ वाकूं सुरग में पिता के सामने अपनाबे ते मनैं कर दुंगो।

मत्‍ती 24:11

भौतसे परमेस्‍वर के बारे में झूंठी बात बतायबे बारे खडे है जांगे। और भौतन कूं बहकांगे।

मत्‍ती 24:24

चौंकि झूंठे मसीह और परमेस्‍वर के बारे में झूंठी बात बतायबे बारे खडे होगें,और ऐसे-ऐसे चिन्‍न और चमत्‍कार जामारै दिखायेंगे कै है सकै जो चुने भयेऐं, बे भैहक जांमे।

मत्‍ती 24:5

चौंकि भौतेरे मेरे नाम ते आयकै कहिंगे कै, ‘मैंई मसीह हूं’ और बे भौतन कूं बहकांगे।

मत्‍ती 7:15

“परमेस्‍वर के बारे में झूंठी बात बतायबे बारे जो परमेस्‍वर की ओर ते नांय तुम बिनते सावधान रहियों, जो तुमारे जौरै भेड़ के भेस में आबतै असल में बे फाड़बे बारे भेड़ियाएं।

मरकुस 13:22

चौंकि बा समै झूंठे मसीह और परमेस्‍वर के बारे में झूंठी बात बतायबे बारे लोग दिखाई दिंगे और बे कछू ऐसे निसान और अद्‍भुत काम दिखायेंगे। सायद बे परमेस्‍वर के चुने भयेन कूं गुमराह करवे की कोसिस करिंगे।

लूका 12:9

पर जो लोगन के सामने मोय मानबै ते मनैं करैगौ तौ मैंऊ परमेस्‍वर के सुरग दूतन के सामने वाकौ इनकार कर दुंगो।

लूका 21:8

ईसू नें कही, “चौकन्‍ने रहियों तुमें कोई भैहका ना लै चौंकि भौत ते लोग मेरौ नाम लैके आबेंगे और कहिंगे कै ‘मैं मसीह हूं’ और जेऊ कहिंगे कै ‘बू समै जौरें आ गयौ है’ पर तुम बिनकी बातन में मत आ जईयों।

लूका 6:26

हाय है तुम लोगन पै, जब सब आदमी तुमें भलौ कहें, चौंकि बिनके पुरखा परमेस्‍वर के बारे में झूंठी बात बताबे बारेन के संगऊ एसौई करौ करते हते।

रोमियों 16:18

चौंकि ये लोग हमारे पिरभू मसीह की नांय, पर खुद के पेट की सेबा करते हैं, और अपनी खुसामद भरी चिकनी चुपड़ी बातन ते भोले भाले मन के लोगन कूं बहका देतै।

1 कुरिन्थियों 11:19

पर तुमारे बीच में फूट पड़बौ जरूरिए, जो लोग खरे है बे सामने आ जामें।

1 कुरिन्थियों 6:20

चौंकि तुम लोग तौ दाम लैकें मोल लै लये गयेऔ। जामारै तुमें अपने सरीर के द्वारा परमेस्‍वर की महिमा करनी सईऐ।

1 कुरिन्थियों 7:23

चौंकि परमेसवर ने तुमें कीमत दैकें मोल खरीद लयौए, जामारै तुम आदमिन के दास मत बनों।

गलातियों 2:4

जि सब बिन झूंठे भईयन की बजैह ते भयौ है, जो हम में चोरी ते घुस आये हते, जो आजादी हमें मसीह ईसू ते मिली है वाकौ भेद लैके हमें दास बनावें।

गलातियों 3:13

मसीह हमारे काजै दोसी बनो। जाते बानें हमे मोल लैकै नियम के साप ते छुड़ायो चौंकि लिखौ है, “के जो कोई काठ पै लटकाऔ जाबे बू सापित है।”

गलातियों 4:17

नियम कूं मानवे बारे लोग तुम पै जादा ध्‍यान देकर अपनों बनानों चाहतै, पर बिनकौ इरादौ अच्‍छौ नांय, बे सिर्फ जेई चाहतै कै बे तुमें मोते अलग कर दैवे जाते कै तुम बिनयीं के बने रैहबै।

गलातियों 5:20

मूरती पूजा, जादू टौना, बैर भाव, लड़ाई झगडे़, ईरसा, क्रोध,स्‍बार्थीपन, मत-भेद, दलबन्दी

इफिसियों 1:7

और ईसू के खून ते हमें छुटकारौ और अपराध ते छमा मिली है, जि हमारे परमेस्‍वर की अपार किरपा के अनुसार मिलौ है।

इफिसियों 4:14

जाते हम आगे कूं बालक ना रैहबै जो आदमिन की ठग बिध्‍या, चतुराई, बहकाबे बारी योजनान, बिनके उपदेस और झांसेन ते बहकाये ना जावें।

फिलिप्पियों 3:19

बिनकौ नांस हैबौ तौ जरुरी है चौंकि बिन्नें अपने खाबे कूंईं परमेस्‍वर बना लियौ है और ऐसी बातन पै घमन्‍ड करैं जिन बातन पै सरम आनी चहिंयें और धरती की बातन पै मन लगाय भये है।

कुलुस्सियों 2:18

कोई मनुस्‍य तुमारे जौरें दीनता कौ दिखाबौ करकें, और दूतन की पूजा कराकैं, बा प्रतिफल ते वंचित ना कर दैबै जो तुमें मिलवे बारौ है। ऐसौ आदमी हमेसा बिन दिव्‍य दरसनन के बारे में झूंठ बोलतौ रैहबै पर जे सबरी फालतू की बात हैं अपने स्‍बार्थ के काजै अपने आप कूं में फूले रैहमें।

कुलुस्सियों 2:8

इन बातन कौ ध्‍यान रखियों कै कोई तुमें बेतुके बिबादन की बहस करबे ते मूर्ख ना बना दैवे। जि बात सुनवे में भौत समझदारी की लगें पर जे बात आदमिन की रीति-रिबाजन ते और संसार की सिछा ते आमें, ना कै मसीह की सिछा ते आमें।

1 तिमुथियुस 5:8

अगर कोई अपने घराने की और अपने परिबार की देखभाल नां करै, बानें अपनों भरोसौ खो दियौ है और बू बिनतेऊ बुरौ है जो परमेस्‍वर पै भरोसौ नां करें।

2 तिमुथियुस 4:3

चौंकि ऐसो समै आबैगौ कै लोग सही सिछा कूं सहन नांय कर सकिंगे। पर बे अपने काजै ऐसे भौत से सिछक इकठ्‌ठे कर लिंगे जो ऐसी सिछा दिंगे। जो बे लोग सुनबो पसंद करतें।

तीतुस 1:11

ऐसे लोगन कौ मौंह बन्द कर देनों चहिऐ चौंकि बे नीच कमाई काजै गलत बातन नें सिखाकै भरोसौ करबे बारे भईयन के घर के घरन नें बिगाड़ दैमें।

तीतुस 3:10

फूट डारिबे बारे कूं चेतावनी दै, कै बू ऐसौ नां करै। बाय एक बार चेतावनी दै, और बू ना मानें तौ दूसरी बार चेतावनी दै, फिरऊ ना मानें तौ बाते अलग है जा।

इब्रानियों 10:29

अब बिचार करौ कै, बू आदमी कितने जादा कड़े दन्‍ड के योग्‍य ठहरैगौ, जानें परमेस्‍वर के पुत्र कौ तिरस्‍कार करौ है, और बाचा के बा लहू कौ जाके द्वारा बू पबित्र करौ गयौ हतो, एक अपबित्र चीज मानों और अनुग्रह की आतमा कौ अपमान करौ।

1 पतरस 1:8

तुमनें बाय कबऊ नांय देखौ फिरऊ तुम बाते पिरेम करतें। और तुम बिना देखे बापै भरोसौ करके खुस हैमें जो महिमा ते भरौ भयौऐ जाकौ बरनन नांय करौ जाय सकै।

2 पतरस 2:3

बे लालच की बजैह ते झूंठी बनाबटी बातन ते धन कमाईंगे। बिनकी सजा तौ परमेस्‍वर भौत पैहले तैई तैय कर चुकौए, बिनकौ नास बिनै नास करबे काजै तैयार बैठौए।

1 यूहन्‍ना 2:26

मैंनें जि बात तुम लोगन कूं, बिन लोगन ते साबधान करबे कूं लिखीं है, जो तुमकूं भरोसे ते भटकाबो चाहमें।

1 यूहन्‍ना 4:1

हे प्यारे भईयाओ! हरेक आतमा कौ भरोसौ मत करौ, पर आतमा कूं पैहचानों कै बू परमेस्‍वर की ओर ते हते कै नांय, चौंकि संसार में भौत से परमेस्‍वर के बारे में झूंठी बात बतायबे बारे है गये हैं।

यहूदा 1:18

बिन्‍नें कही हती कै, “अंत समै में ऐसे लोग होंगे, जो परमेस्‍वर के पबित्र लोगन की हसी उड़ाय करिंगे और अपनी बुरी इच्‍छान के पीछै चले करिंगे।”

यहूदा 1:4

चौंकि कछू आदमी तुम लोगन के बीच में चुपचाप घुस आये हैं। इन लोगन की सजा के बारे में भौत समै पैहलेईं पबित्र सास्त्र में लिखौ भयौ है। जे लोग परमेस्‍वर ते दूर हैं और इन्‍नें परमेस्‍वर के अनुग्रह कूं भोग-बिलास कौ एक बहानों बनां डारौ है, और जे हमारे एकमात्र स्‍वामी पिरभू ईसू मसीह कूं नांय मानें।

प्रकासित बाक्य 13:14

बू धरती के लोगन कूं भरमांतो चौंकि बापै पैहले डराबने पसु के अधिकार ते बू चमत्‍कार के काम करतौ। और दूसरे बा डराबने पसु नें धरती के लोगन ते आदर पायबे काजै, तलबार ते लगे भये घाव बादऊ बू डराबनों पसु जीबित हतो, वाकी मूरती बनबाबे की कही।

प्रकासित बाक्य 2:13

मैं जानूं झांपै तू रैहबै म्हांपै सैतान की राजगद्‍दी है। और म्हांई पै तू मेरे नाम मेंऊ टिकौ भयौए और तू हमेसा काजै भरोसेमंद रहो और तू बिन दिनन मेंऊ भरोसे ते पीछे नांय हटो और ना मेरौ नाम को इनकार करो बा समै पै मेरौ भरोसेमन्द गबाह अन्तिपास बा जगह पै मारौ गयौ ज्हांपै सैतानऊ रैहबै।

प्रकासित बाक्य 2:9

मैं तुमारी कलेस और गरीबी कूं जानूं। तुम हकीकत में धनी हतो। मैं बिनकी निन्दा कूंअऊं जानूं, जो अपने आप कूं यहुदी कहमें पर बे हत नांय, बे सैतान की सभा हैं।

प्रकासित बाक्य 3:8

मैं तेरे कामन कूं जानूं। देख, मैंनें तेरे सामने एक द्वार खोलोए, जाय कोई बन्द नांय कर सकै। तेरी सामर्थ थोड़ी सी कम तौ हते पर फिरऊ तैनें मेरे वचन को पालन करौए और मेरे नाम कौ इन्कार नांय करो।

प्रकासित बाक्य 5:9

और जब बे नए गीत गायबे लगे, “तू जा किताबे लैबे के लायक और मौहर के खोलबे के लायक है, तू मारौ भयौ और तैनें अपनों खून बहायकैं परमेस्‍वर के काजै हरेक कुल, हरेक भासा और हरेक जाती मैं ते लोगन कूं मोल लै लियौ है।

प्रकासित बाक्य 6:10

बिनकी आंतमाऐं जोर-जोर की अबाज ते कैह रयीं हतीं, “हे पबित्र और सच्‍चे पिरभू, तू हमें इन धरती के लोगन ते और हमारौ खून बहायबे बारेन ते हमारौ न्याय कब करैगौ?”