2 पतरस 1:3 - बृज भासा

³ चौंकि हमारे जीबन के काजै और परमेस्‍वर की सेबा के काजै बानें हमें अपनी सामर्थ ते बू सब कछू दयौए जाकी हमे जरूरतै। चौंकि हम जानें कै बानें हमे अपनी धारमिकता और महिमा की बजैह ते बुलायोए।

2 पतरस 1:3 Iomraidhean Croise

मत्‍ती 28:18

तब ईसू ने बिनके जौरै आयकें कही, “मोय सुरग और धरती कौ सबरौ अधिकार मिलौ है।

रोमियों 8:32

बानें अपने बेटे तक कूं बचाकै नांय रखौ, पर बानें हम सबके पापन काजै मरने कूं सौंप दयौ। बू भला, हमें वाके संग और सब कछू चौं नांय देबेगौ?

रोमियों 9:24

मतलब हम जिनें बानें ना केवल यहुदियन में ते बुलायौ पर गैर यहुदिन में तेऊ बुलायौ है,

1 कुरिन्थियों 1:9

परमेस्‍वर भरोसे योग्‍य है, बाई नें तुम लोगन कूं अपने बेटा हमारे पिरभू ईसू मसीह की संगती काजै बुलायौ है।

2 कुरिन्थियों 12:9

पर पिरभू नें मोते कही है कै, “तेरे काजै मेरी किरपा भौत है, चौंकि कमजोरिन मेंई मेरी सामर्थ सबते जादा होतै।” जामारै मैं अपनी कमजोरी पै खुसी के संग घमन्‍ड करतूं, ताकि मसीह की सामर्थ मोमें बनी रैहबै।

इफिसियों 4:1

मैं पौलुस, जो पिरभू के सुभ समाचार सुनाबे की बजैह ते जेल में बन्दी हूं, तुमते बिनती करतूं कै जा बुलाहट ते तुम बुलाये गये हों बाई तरैह ते अपनों चाल-चलन रखौ।

इफिसियों 4:4

चौंकि एकई सरीर है, और एकई आतमाए, एकई आसा है, जाके काजै तुम लोगन कूं परमेस्‍वर नैं बुलायौ है।

फिलिप्पियों 3:8

जाई मारे मैं पिरभू ईसू मसीहे जानबो सबसे अच्‍छौ फायदा समझूं और ग्‍यान के बारे में कहौ तौ सब बातन्नें काऊ काम की नांय समझूं, जाते मैं ईसू मसीहे पाय लऊं।

फिलिप्पियों 4:8

जामारैं हे मेरे भईयाओ, जो जो बात सच्‍चीयें, जो बात आदर कीयें, जो बात सही है, जो बात पबित्र है, जो बात सुनिबे में अच्छी हैं, जो बात मन कूं अच्छी लगें, जिन बातन में अच्छे गुन हैं और जिन बातनते भौत बड़ाई हैबै बिन बातन पैई ध्यान लगाऔ।

कुलुस्सियों 1:16

और बई में सुरग और धरती की सबरी चीजन की सृस्‍टी भयी है, चाहे बू सुरग की हों, चाहे देखी हों, चाहे अनदेखी हों, चाहे राज्‍य की हों, चाहे सिंहासन की हों, चाहे बू पिरधान की हों, चाहे अधिकार की हों, जि सबरी चीज बाई के जरिये और वाके काजै बनाई गयीं हैं।

1 थिस्सलुनिकियों 2:12

और हम तुम में ते हर एक कूं हिम्मत और सान्‍ती देते और समझामें हते कै तुमारौ चाल-चलन परमेस्‍वर के लायक है जाय जो तुमें अपने राज्‍य और महिमा के काजै बुलाबै।

1 थिस्सलुनिकियों 4:7

चौंकि परमेस्‍वर ने हमकूं असुद्ध जीबन जीबे काजै नांय, पर हमें सुद्ध जीबन जीबे काजै बुलायौ है।

2 थिस्सलुनिकियों 2:14

परमेस्‍वर नें हमारे सुभ समाचार पिरचार के द्वारा तुमकूं बुलायौ है जाते कै तुम हमारे पिरभू ईसू मसीह की महिमा कूं लै सकौ।

1 तिमुथियुस 4:8

सरीर की मेहनत ते कम फायदा होगौ पर परमेस्‍वर की भक्‍ती तौ सब बातन के काजै फायदेमन्द है, चौंकि मैं तोते कैह रयौऊं कै जा जीबन कौ और आयवे बारे जीबन में आसीसन कौ बादा जाई में हैं।

2 तिमुथियुस 1:9

जानें हमारौ उद्धार करौ है, और परमेस्‍वर के पबित्र लोग हैबे काजै बुलायौ है, और जि हमारे कामन के अनुसार नांय पर वाकी मनसा और वाके अनुग्रह के अनुसार है जो ईसू मसीह में सुरुआती समै ते हम पै भयौ है।

इब्रानियों 1:3

बू बेटा परमेस्‍वर की महिमा कौ तेज और वाके सुभाब कौ प्रतिरूप है। बू बेटा अपने सामर्थी सब्दन के द्वारा सबरी सृस्‍टी कूं बनांये रखतै। बानें हमारे पापन कूं दूर करौ है और अब बू ऊपर सुरग में सर्वसक्‍तीमान परमेस्‍वर के दाहिने हात जा बैठौ है।

1 पतरस 1:15

पर जैसौ तुमारौ बुलायबे बारौ परमेस्‍वर पबित्र है बैसेई तुमऊ अपने सबरे चाल-चलन में पबित्र बनों।

1 पतरस 1:5

तुम लोगन के भरोसे की बजैह ते परमेस्‍वर की सामर्थ तुमकूं बा उद्धार के काजै सुरछित रखै जो अब ते लैके और अन्‍त के समै में पिरकट हैबे बारौ है।

1 पतरस 2:21

और तुम जाई काजै बुलाये गयेऔ चौंकि मसीह नेंऊं तुमारे काजै दुख उठायौ और तुमारे काजै एक आदर्स नमूना बन गयौ, कै तुम वाके नमूना पै चलौ। सास्त्र में लिखौ है,

1 पतरस 2:9

पर तुम लोग चुने भये वंस, राज पदधारी पुरोहितन के समाज, और पबित्र लोग और परमेस्‍वर की चुनी भई निज पिरजा हैं, जामारैं तुम लोगन कूं अन्धेरे में ते निकारकैं अपनी अदभुत उजीते की रोसनी में बुलायौऐ। तुम वाके गुन उजागर करौ।

1 पतरस 3:9

बुराई के बदले बुराई मत करौ और न गारी के बदले गारी देओ। पर तुम जाके बदले में आसीस देओ चौंकि तुम आसीस के बारिस हैबे काजै बुलाये गयेऔ। चौंकि सास्त्र में लिखौ है,

1 पतरस 5:10

अब परमेस्‍वर सबरी किरपा करबे बारौ है, जानें तुमकूं ईसू मसीह में कबऊ नांय खतम हैबे बारी महिमा में सामिल हैबे काजै बुलायोऐ, अब थोड़े समै के दुख उठाबे के बाद बू तुमें मजबूत करैगौ और टिके रैहबे में बलबन्‍त करैगौ।

2 पतरस 1:10

हे भईयाओ, तुम जा काम के काजै बुलाये और चुने भयेऔ, बाय पूरौ करबे के जतन में लगे रहौ, अगर तुम ऐसौ करिंगे तौ तुम कबऊ भरोसे ते नां डगमगाएंगे।

2 पतरस 1:2

तुम परमेस्‍वर और हमारे पिरभू ईसू की पैहचान के द्वारा किरपा और सान्‍ती में भौतायत ते बढ़ते जाऔ।

2 पतरस 1:5

जामारैं तुम अपनी पूरी लगन ते कोसिस करौ, जाते तुम अपने भरोसे कूं बढ़ा सकौ, भरोसे ते सदगुन और सदगुन की समझ ते,

2 पतरस 1:6

तुमारी समझ संयम ते और संयम ते धीरज और धीरज ते पिरेम की भक्‍ती,

2 पतरस 1:8

अगर जे बात तुम में बनी रैहमें तौ तुमें पिरभू ईसू मसीह के पैहचानबे में तुमें निकम्मों और निसफल नां होन देंगी।

2 पतरस 2:20

अगर तुम पिरभू और उद्धारकरता मसीह ईसू कूं जानबे के बाद और सांसारिक बन्धन में ते निकरबे के बाद फिर ते बाइ में फंसकें हार गये हैं तौ बिनकी जि हालत पैहले तेऊ बुरी होगी।

2 पतरस 3:18

हमारे उद्धार करबे बारे हमारे पिरभू ईसू मसीह की किरपा और ग्‍यान में बड़ते जाऔ। अब हमेसा हमेसा वाकी महिमा होती रहै। ऐसौई होबे।