1 तिमुथियुस 6:9 - बृज भासा

⁹ पर जो आदमी पईसा बारौ बनबौ चाहबे बू भौत सी बेकार और नुकसान दैवे बारी लालसान में फस जाते। ऐसी बातें लोगन नें बिगाड़ दैमें और बिनास के गढ्‍ढा में डुबा दैमें।

1 तिमुथियुस 6:9 Iomraidhean Croise

मत्‍ती 13:22

झाड़िन में गिरे भये बीज उन लोगन कूं दिखातै जो वचन कूं तौ सुनतें पर संसार की चिन्‍ता और धन-दौलत कौ लोभ-लालच वचन कूं दबा देतै और बू फल नांय लाबत।

मत्‍ती 19:22

जि सुनकें बू आदमी भौत उदास हैगौ और म्हांते चले गयौ चौंकि बापै भौत धन-दौलत हती।

मत्‍ती 26:15

“अगर मैं ईसू कूं पकरबायकै तुमारे हातन में दैदऊ तौ तुम मोय का देओगे?” तब बिन्‍नें बाये चांदी कै तीस सिक्‍का दै दिये।

मत्‍ती 6:19

“अपने काजै धरती पै खजानौ इकठ्‌ठौ मत करौ, ज्हांपै कीड़ा और काई बिगाड़त हैं, और ज्हां चोर सेंध लगायकें चुराते हैं।”

मरकुस 4:19

पर सांसारिक चिन्‍तांए, धन कौ लालच और दूसरी चीजन कौ लालच बिनमें घुसकें वचन कूं दाब लैवे है। जाते बे फल नांय ला सके।

लूका 12:21

“एसौई बू आदमी है जो अपने काजै धन-दौलत बटोरतै पर परमेस्‍वर की निगाह बू धनबान नांय हत।”

लूका 21:35

चौंकि बू दिना सबरी धरती के सब रैहबे बारेन पै आ पड़ेगौ।

प्रेरितन के काम 8:20

पतरस ने बाते कही, “तेरे रुपया पईसा तेरे संगई नांस होंय, चौंकि तैने परमेस्‍वर कौ वरदान रुपया पईसान मोल लैबे कौ बिचार करौ।

इफिसियों 4:22

तौ तुम लोगन नें अपनों पैहलौ सुभाब और आचरन त्‍याग दैनों चहिऐं। जो धोकौ दैवे बारी रस्ता पै चलायकै तुमारौ नांस करतें।

1 तिमुथियुस 1:9

जि जानकै कै व्‍यबस्था धरमी आदमी के काजै नांय पर बिन आदमिन के काजै है जो धरम कूं नांय मानें, कोई की बातन नें नांय मानें, परमेस्‍वर कूं नांय मानें, पाप करें, अपबित्र आदमी हैं, और मईया बापन कूं मारबे बारे हत्‍यारे हैं।

1 तिमुथियुस 3:7

और बू कलिसिया मेंई नांय पर जो भरोसौ नांय करें बिनमेंऊ वाको अच्‍छौ नाम होय कऊं ऐसौ ना होय कि बू बदनाम हैके सैतान के जाल में फस जाय।

1 तिमुथियुस 6:10

चौंकि पईसन कौ लोभ सब तरह की बुराइयन की जड़ है। कछू लोग पईसन के चक्‍कर में फसकै भरोसे ते भटक गये और खुद कूं अलग अलग तरैह के दुखन ते छलनी कर लियौ है।

1 तिमुथियुस 6:17

जो आदमी धनबान है बिन्नें सिखा कै बे मिटबे बारे धन पै घमन्‍ड ना करै। बिनकी आसा परमेस्‍वर में होनी चहिऐ जो हमें हमारे सुख के काजै सब कछू दैबै।

2 तिमुथियुस 2:26

और बू सैतान कै फन्दा ते छूट जांये जानें अपनी इच्‍छा पूरी करबे काजै बिनें पकड़ रखौ है।

तीतुस 2:12

जि अनुग्रह हमें सिछा दैबै कै हम अभक्‍ति और संसार की बुरी अभिलासान ते मन फेरकैं जा समै में संयम, न्याय और परमेस्‍वर की भक्‍ती में जीबन बितामें,

2 पतरस 2:3

बे लालच की बजैह ते झूंठी बनाबटी बातन ते धन कमाईंगे। बिनकी सजा तौ परमेस्‍वर भौत पैहले तैई तैय कर चुकौए, बिनकौ नास बिनै नास करबे काजै तैयार बैठौए।

यहूदा 1:11

हाय, बिन लोगन पै, जो कैन के जैसे बुराई के रस्ता पै चल रये हते। जे रुपईयन के काजै बिलाम की नांई भटक गये और कोरह की तरैह बिद्रोह करबे के कारन नास कर दये गये हते।