1 तिमुथियुस 6:4 - बृज भासा

⁴ तौ ऐसौ आदमी अभिमानी और घमन्डी है, पर बू कछू नांय जानै। वाकी बुद्धी भ्रस्‍ट है गई है और बाय हर बात पै बहस करबे की बीमारी है। वाके मौंह ते जलन अपमान, दोस की बात और बुरे बुरे बहम निकरैं।

1 तिमुथियुस 6:4 Iomraidhean Croise

प्रेरितन के काम 15:2

पौलुस और बरनबास बिनकी जा बात ते सहमत नांय हते, जा बजैह ते बिनके बीच में बाद-बिबाद पैदा है गयौ। जा बात के समाधान काजै पौलुस और बरनबास और वाके कछू संगीन कूं भेजे भये चेलान और कलिसिया के अगुवन जौरे येरूसलेम भेजबे कौ निस्चय करौ गयौ।

प्रेरितन के काम 18:15

पर जि बाद-बिबाद सिछा, नाम और तुमारी अपनी व्‍यबस्था कौ है, तौ तुमईं जानौ मैं ऐसी बातन कौ न्याय नांय करबौ चांहतु।”

प्रेरितन के काम 8:9

जाते पैहले जा नगर में सिमौन नाम कौ एक आदमी रैहतो, जो जादू टौना करकें सामरिया लोगन कूं अचरज में डारतो और अपने आप कूं महान आदमी हैबे कौ दाबा करतो।

रोमियों 12:16

आपस में मेलमिलाप ते रहो। घमन्‍ड मत करो पर दीनों की संगति करो। खुद कूं बुद्धिमान मत समझो।

रोमियों 13:13

जामारै हम बैसेई उत्‍तम रीति ते रहें जैसे दिन के समै रहते हैं। खा पीकै धुत्‍त ना है जाओ। लुच्‍चपन, कुकर्म, व्‍यभिचार में ना पड़ें, ना झगड़े और नांई ईरसा रखें।

रोमियों 14:1

जो भरोसे में कमजोर है, वाकौऊ स्‍वागत करो पर वाके बिचारन पै झगड़ा करबे के काजै नांय।

रोमियों 2:8

पर जो लोग स्‍बार्थी हैं और सच्‍चाई कूं ना मानकै अधर्म के पीछै चलतै, बे परमेस्‍वर के क्रोध और प्रकोप के पात्र होंगे।

1 कुरिन्थियों 11:16

अब अगर जाके बारे में कोई मोते बहस करबौ चाहे, तौ बू जि जान लैबे कै, ना तौ हमारे य्हां ऐसी रीतै और न परमेस्‍वर की कलिसिया में।

1 कुरिन्थियों 11:18

चौंकि पैहली बात तौ जि है कै, मेरे सुनबे में आयौ है कै जब तुम लोग कलिसिया में इकठ्‌ठे होतौ तब तुम में आपस में फूट साफ दीखाई देतै। और कऊं तक मैं जा बात पै भरोसौ करतूं।

1 कुरिन्थियों 3:18

कोई अपने आप कूं धोकौ नांय देय। अगर कोई तुम में ते जि सोच रयौ होय, कै जा संसार के अनुसार तौ हम बुद्धिमानें तौ बू सच मुच कौ ग्‍यानी बनवे काजै अपने आप कूं मूरख बनांय लेबै।

1 कुरिन्थियों 3:3

चौकी तुम अबई तक सांसारिक औ। का तुम सांसारिक नाऔ, जब कै तुम में आपसी जलन कलेस भरींएं, और तुम सांसारिक लोगन जैसौ बौहार करतौ?

2 कुरिन्थियों 11:20

अगर कोई तुमें दास बनांय लेतुए, तुमारी धन सम्पती खा जातै, या धोके ते फसाय लेतुए और अपने आप कूं बड़ौ बताबे और तुमारे मौंह पै थप्पड़ मारै और तुम वाकी सह लेतौ।

गलातियों 5:15

पर अगर तुम एक दूसरे कूं काटतौ और फाड़ खाबतौ तौ साबधान रहो कऊं ऐसौ नांय होये कै तुम एक दूसरे को सर्वनास कर देओ।

गलातियों 5:26

हम अहंकारी न बनें न एक दूसरे कूं चिड़ायै, और ना ही आपस में इस्‍र्या रखें।

गलातियों 6:3

यदि कोई आदमी ना कछू होते भये अपने आप कूं सब कछू समझबे कौ दाबा कर रयौ है, तौ बू अपने आपकूं धोकौ दे रयौ है।

फिलिप्पियों 1:15

कछू लोग तौ ईरसा ते, कछू लड़ाई कै बजैह ते और कछू भली इच्छा ते ईसू मसीह कौ पिरचार करतें।

फिलिप्पियों 2:14

तुम सबरे काम बिना लड़ाई झगड़े और बिना कुडकुडाये करे करौ।

फिलिप्पियों 2:3

खुद कौ मतलब निकारबे काजै बुरी इच्‍छा ते कछू मत करौ, बल्कि अपने आप कूं छोटो करके एक दूसरे कूं अपने ते अच्‍छौ समझौ

कुलुस्सियों 2:18

कोई मनुस्‍य तुमारे जौरें दीनता कौ दिखाबौ करकें, और दूतन की पूजा कराकैं, बा प्रतिफल ते वंचित ना कर दैबै जो तुमें मिलवे बारौ है। ऐसौ आदमी हमेसा बिन दिव्‍य दरसनन के बारे में झूंठ बोलतौ रैहबै पर जे सबरी फालतू की बात हैं अपने स्‍बार्थ के काजै अपने आप कूं में फूले रैहमें।

2 थिस्सलुनिकियों 2:4

जो बिरोध करै और अपने आपकूं सबसे बड़ौ बताबै और य्हाँ तक कि बू परमेस्‍वर और जो पूज्‍य कहलामें बिनकौ बिरोध करैगौ और बड़े पिराथना घर में बैठकै अपने आप कूं परमेस्‍वर बताबैगौ।

1 तिमुथियुस 1:4

और बिन मनगढ़न्त कहानी और बिन पीढ़ीन पै मन ना लगामें, जो लड़ाई झगडे़ करबामें और परमेस्‍वर की बा इच्‍छा कूं पूरौ नांय करैं जो केबल भरोसे तेई पूरी करी जा सकते हैं।

1 तिमुथियुस 1:7

बे व्‍यबस्था के सिखाबे बारे बनबौ चाहमें जिन बातन नें बे बोलें और जोर देतें बिन बातन नें बे खुदई नांय समझें।

1 तिमुथियुस 3:6

बू नयौ चेला नां होंनों चहिए, कऊं ऐसौ नां होय कै बू घमन्‍ड करकें सैतान के जैसी सजा पाबै

2 तिमुथियुस 2:14

लोगन कूं इन बातन कौ ध्‍यान दिलातौ रैह और परमेस्‍वर कूं गबाह मानकै बिनते बिनती करतौ रैह, बे भौत से सब्दन के बारे में आपस में लड़ाई झगड़ौ नां करें। चौंकि जाते कोई फायदा नां हैबै बल्कि जो इन्हें सुनं बिनके काजै ये नांस कौ कारन है सके।

2 तिमुथियुस 2:23

पर मूर्खता और बेकार की बातन ते दूर रैह, चौंकि तू जानें कै इन बातन ते लड़ाई-झगड़े पैदा हैमें।

2 तिमुथियुस 3:4

धोकेबाज, ढीट, घमन्‍ड में फूले भये और परमेस्‍वर कूं ना मानबे बारे और भोग-बिलास केई चाहबे बारे हुंगे।

तीतुस 3:9

मूर्खता के बिबाद, और बंसावलि, और लड़ाई झगड़े और व्‍यबस्था सम्बन्धी झगड़न ते दूर रै। चौंकि इनते कोई लाभ नांय और जि बेकार के है।

याकूब 1:19

हे मेरे प्यारे भईया बहनों! सुनबे काजै तईयार रहौ और बोलबे में जल्दबाजी मत करौ, गुस्सा में उताबले मत बनों,

2 पतरस 2:12

पर जे लोग तौ नासमझ जानबर की तरैह हैं। बू सिकार हैबे और मारे जाबे काजै पैदा भये हैं। बे बिन बातन की निन्दा करें जिनें बे नांय समझें। बे पसुन की तरैह नांस है जांगे।

2 पतरस 2:18

बे बेकार की घमन्‍ड भरी बातनतें और लुचपन ते बिन लोगन कूं सरीर की अभिलासा में फसा लैमें जो भटके भयेन मेते निकर रये हैं।

यहूदा 1:10

पर जे लोग बिन बातन की निन्दा करें, जिनें जि समझ नांय। जे बेसमझ जानबर की तरैह ते, जिन बातन कूं सुभाब तेई जानें, बे बिनईं के द्वारा नास है जामें।

यहूदा 1:16

जे बे लोग हैं, जो भुनभुनाते रैहमें और दूसरेन में खोट निकारते रैहमें। जे अपनी इच्‍छान के अनुसार चलबे बारे हैं और अपने मौंह ते घमन्‍ड की बात बोलें और अपने लाभ के काजै दूसरेन की खुसामद करें।

प्रकासित बाक्य 3:17

तू जे कैहबै कै, ‘मैं धनी है गयौऊं और धनबान है गयौऊं मोय काऊ बात की घटी नांय।’ जामारैं तू जि नांय जानें कै तू कितनौ अभागौ और तुच्‍छ और कंगाल और अन्धौ और नंगौए।