1 तिमुथियुस 6:12 - बृज भासा

¹² तू भरोसे की अच्छी कुस्ती लड़, और खुद के काजै कबऊ नांय खतम हैबे बारे जीबन कूं जीत लै, जाके काजै तू बुलायौ गयौ है, और जाई के काजै तू भौत गबाहन के सामने अपने भरोसे को सबूत दियो है।

1 तिमुथियुस 6:12 Iomraidhean Croise

2 कुरिन्थियों 6:7

सच्‍चे संन्देस और परमेस्‍वर की सच्‍ची सक्‍ती ते, अपने दोनों हातन में धारमिकता के हथियार लैकें,

2 कुरिन्थियों 9:13

तुमारी जा सेबकाई कौ नतीजा जि होगौ कै लोग परमेस्‍वर की बड़ाई करिंगे। चौंकि तुम ईसू मसीह के सुभ समाचार कूं अपनांयकै वाके अधीन रैहतो और गरीब बिसबासिन और सबन काजै पूरे मन ते दान देतौ।

फिलिप्पियों 1:30

और तुम बैसौई संघर्स कर रये है जैसे मैं करतौ आयौ हूं और जा बातै तुम देखैं और सुनैं कै मैं अबऊ बैसौई संघर्स कर रयौऊं।

कुलुस्सियों 3:15

परमेस्‍वर नें तुमें एकई मसीह की देह में सान्‍ती ते रैहबै काजै बुलायौ है और मसीह नें जो सान्‍ती तुमें दई है, बाय अपने हिरदय में बसन देओ और परमेस्‍वर कौ धन्यबाद हमेसा करते रहौ।

1 थिस्सलुनिकियों 2:12

और हम तुम में ते हर एक कूं हिम्मत और सान्‍ती देते और समझामें हते कै तुमारौ चाल-चलन परमेस्‍वर के लायक है जाय जो तुमें अपने राज्‍य और महिमा के काजै बुलाबै।

2 थिस्सलुनिकियों 2:14

परमेस्‍वर नें हमारे सुभ समाचार पिरचार के द्वारा तुमकूं बुलायौ है जाते कै तुम हमारे पिरभू ईसू मसीह की महिमा कूं लै सकौ।

1 तिमुथियुस 1:18

हे मेरे बेटा तिमुथियुस जो बात तेरे बारे में परमेस्‍वर की ओर ते बताबे बारेन नें पैहले तेई कही हैं, वाके अनुसार मैं तोये जि आग्‍या सौंप रयौऊं और बिनईं बातन नें ध्‍यान में रखकै तू अच्‍छी लड़ाई लड़तौ रैह।

1 तिमुथियुस 1:19

भरोसौ और भलौ बिबेक रख, चौंकि कछू ऐसेऊ लोग है जिन्‍नें भलौ बिबेक नांय रखो जामारैं बे भरोसे ते भटक गये हैं।

1 तिमुथियुस 4:14

जो वरदान तोए परमेस्‍वर की ओर ते बात बताबे बारेन के द्वारा बुजुर्गन के हात रखवे कि बजैह ते मिले है बिन बरदानन के प्रति लापरबाह मत रैहबै।

1 तिमुथियुस 6:13

मैं, सबन्नें जीबन दैबे बारे परमेस्‍वर के सामईं और ईसू मसीह कूं जानें अपने भरोसे कूं पुन्तियुस पिलातुस के सामईं दिखायौ हतो, बिन्नें गबाह मानके तोय जि आग्‍या दै रौऊं।

1 तिमुथियुस 6:19

ऐसौ करबे ते आबे बारे समै काजै ऐसौ धन इकठ्‌ठौ करिगें जो आबे बारे समै में एक अच्छी पक्‍की नींव ठहरे। तब जायकै बू बा सच्‍चे जीबनें जीबे योग्‍य हुंगे।

2 तिमुथियुस 1:9

जानें हमारौ उद्धार करौ है, और परमेस्‍वर के पबित्र लोग हैबे काजै बुलायौ है, और जि हमारे कामन के अनुसार नांय पर वाकी मनसा और वाके अनुग्रह के अनुसार है जो ईसू मसीह में सुरुआती समै ते हम पै भयौ है।

2 तिमुथियुस 2:2

और जो बात तैनें भौत से गबाहन की मौजूदगी में मोते सीखी हैं, बिन बातनें भरोसौ करबे बारे आदमिन कूं सौंप दै, जो दूसरे आदमिन कूं सिखाबे के लायक होंय।

2 तिमुथियुस 4:7

मैं अच्‍छी लड़ाई लड़ चुकौऊ और अपनी दौड़ पूरी कर चुकौऊं, मैंनें अपने भरोसे की रखबाली करीए।

इब्रानियों 13:23

मैं चाहूं कै, तुम जि जान लेऔ कै, हमारौ भरोसे में भईया तिमुथियुस जेल ते रिहा कर दियौ गयौ है। अगर बू जल्दी य्हां आ गयौ, तौ मैं बाईके संग तुमते मिलबे आऊंगो।

इब्रानियों 3:14

अगर हम अंत तक मजबूती के संग अपने सुरू के भरोसे में बने रैहमें तौ हम मसीह के भागीदार बन जामें।

इब्रानियों 6:18

य्हां कबऊ नांय बदलबे बारी दो बातें हैं जो कबऊ नांय बदल सकें वाकी प्रतिग्‍या और वाकी सौगन्ध जिनके बारे में परमेस्‍वर कबऊ झूंठ नांय कह सकै। जामारैं हम जो परमेस्‍वर के जौरें आसरौ पाबे काजै आए हैं और जो आसा बानें हमें दयी है, बाय थामे भये भौत उत्साहित हैं।

1 पतरस 3:9

बुराई के बदले बुराई मत करौ और न गारी के बदले गारी देओ। पर तुम जाके बदले में आसीस देओ चौंकि तुम आसीस के बारिस हैबे काजै बुलाये गयेऔ। चौंकि सास्त्र में लिखौ है,

1 पतरस 5:10

अब परमेस्‍वर सबरी किरपा करबे बारौ है, जानें तुमकूं ईसू मसीह में कबऊ नांय खतम हैबे बारी महिमा में सामिल हैबे काजै बुलायोऐ, अब थोड़े समै के दुख उठाबे के बाद बू तुमें मजबूत करैगौ और टिके रैहबे में बलबन्‍त करैगौ।

1 यूहन्‍ना 2:25

मसीह नें खुद हमते कबऊ नांय खतम हैबे बारे जीबन कूं दैवे की प्रतिग्‍या करी है।

यहूदा 1:3

हे प्यारे भईयाओ, हम जा उद्धार में बराबर के सहभागी हैं। मैं वाके बारे में तुमें लिखबे की कोसिस कर रयौ हतो, पर अब मैंनें जि जरूरी समझौ कै, जा चिठ्‌ठी के द्वारा तुम लोगन ते जि बिनती करूं कै तुम लोग बा भरोसे में बने रैहबे काजै संघर्स करौ, जो सदा काजै परमेस्‍वर के पबित्र लोगन कूं सौंपौ गयौ है।

प्रकासित बाक्य 3:3

जामारैं तू चेत जा और यादकर कै तैनें कैसी सिक्छा पाईए और सुनीए तू बाई में बनो रैह और अपनों मन फिरा, जो तू चेतैगो नांय तौ मैं चोर की तरैह ते आ जाऊंगो, और तू कबऊ नांय जान पाबैगौ के मैं तेरे जौरें कब आ परूंगो।