1 तिमुथियुस 4:6 - बृज भासा

⁶ अगर तू भईयन कूं इन बातन कौ ध्यान करातो रैहबेगौ तौ ईसू मसीह को अच्‍छौ सेबक बनो रैहबेगौ,ऐसौ करबे ते जि पतौ चलैगौ कै तेरौ पालन पोसन बा भरोसे और सिछा ते भयौ है जिननैं तू मानतौ आयौ है।

1 तिमुथियुस 4:6 Iomraidhean Croise

मत्‍ती 13:52

ईसू ने बिनते कही, “हरेक सास्त्रन कूं सिखाबे बारे जो सुरग के राज में चेला बन चुके हैं। बे बा घर के मालिक के समान है, जो अपने खजाने में ते नई और पुरानी चीजन्‍नें निकारतै।”

लूका 1:3

हे स्रीमान थियुफिलुस! मोऊए जि अच्‍छौ लगौ कै, मैं इन सब बातन कूं सुरू ते सावधानी के संग तेरे काजै सही सही जाँचकें क्रमते लिखूं,

प्रेरितन के काम 1:15

फिर इन्हीं दिनन में पतरस नें करीब एक सौ बीस बिसबासी लोगन के बीच में ठाड़े हैकें कही,

प्रेरितन के काम 20:31

जामारै सावधान रहौ और जिय याद रखौ, मैने तीन साल तक दिन और रात आँसू बहा बहायकै तुम लोगन कूं सचेत करबौ नांय छोड़ो।

प्रेरितन के काम 20:35

मैंनें तुमें अपने हरेक काम ते जि नमूना दयौए कै, कर्री मेहनत करकें कमजोर लोगन की सहायता कैसै करनी चहिऐं और हमे पिरभू ईसू कौ जि वचन ध्‍यान रखनों चहिऐं कै, ‘लैबे ते दैबे में जादा खुसी।’”

रोमियों 15:15

पर तुमें फिर ते याद दिलाबे काजै मैंनें कछू बातन के बारे में चिठ्‌ठी में साफ-साफ लिखौ है। मोय परमेस्‍वर की जो किरपा मिली है, वाकी बजैह ते जि करौ है।

1 कुरिन्थियों 4:17

जामारै मैंनें तिमुथियुस कूं जो पिरभू में मेरौ प्यारौ और भरोसे योग्‍य बेटा है, तुमारे जौरे भेजौए। और बू तुमें मसीह ईसू में मेरे चाल-चलन के बारे में बताबैगौ जैसे में हरेक जगैह की कलिसिया कूं सिछा देतो।

2 कुरिन्थियों 11:23

का बे मसीह के सेबक है? मैं सनकी की नाईं जि कैहतूं, मैं तौ बिनतेऊ बड़ौ मसीह कौ सेबकऊं। मैने भौत जादा मेहनत करीऐ, मैं बेर बेर जेल गयौ और बेर बेर कोढ़ खाये, और बार बार मोय मौत कौऊ सामनों करनों परौ।

2 कुरिन्थियों 3:6

बानें हमे नई बाचा कै सेबक बनबे योग्‍य ठहरायौए। जि कोई लिखी भई व्‍यबस्था नांय, पर पबित्र आतमा की बाचा है। चौंकि लिखी भई व्‍यबस्था तौ मौत लातै, जबकि पबित्र आतमा जीबन देतै।

2 कुरिन्थियों 6:4

पर हम तौ परमेस्‍वर के सेबक के रूप में हम अपने आप कूं हर तरैह ते लोगन में अच्‍छौ साबित करत रैहतें। बड़े धीरज के संग सब कछू सहत भये, परेसानी और मुसीबतन के बीच में, कठनाई के में,

इफिसियों 6:21

तुखिकुस जो मेरौ प्यारो भईया और पिरभू में भरोसे योग्‍य सेबक है, बाय मैं तुमारे जौरे जाई मारे भेज रयौऊं कै बू तुम लोगन के हिरदय में सान्‍ती दैबे और मेरी दसाये बता सके कै मैं कैसै रह रयौ हूं और का कर रयौऊं।

फिलिप्पियों 2:20

चौंकि मेरे जौरें ऐसौ और कोई आदमी नांय जो तिमुथियुस के जैसौ सच्‍चे मन ते तुमारो ध्यान रखै और तुमारी चिन्ता करे

फिलिप्पियों 2:22

पर तिमुथियुस के बारे में और वाके व्‍यवहार के बारे में तुम जानतो जैसे एक बेटा अपने पिता के संग रैहकें, वाके सब कामन नें करै, बाई तरैह ते बानें सुभ समाचार की सेबा मेरे संग रैहके करिऐ

फिलिप्पियों 3:16

पर याद रखौ कै जा सच्‍चाई कूं मानकें हम अब तक आये हैं। बई सच्‍चाई कूं मानकै आगे बढ़ते जायें।

कुलुस्सियों 2:19

और ऐसौ आदमी मसीह में बनो ना रैहबै। मसीह जो सरीर रूपी कलिसिया कौ सिर है। और बई के काबू में सबरी सरीर रूपी कलिसिया पलै और जोड़ और हड्‍डी ते मिलकै जैसौ परमेस्‍वर चाहबै बढ़ती जातै।

कुलुस्सियों 3:16

मसीह के वचनन नें अपने हिरदय में अच्‍छी तरैह ते बैठा लेओ और वाके सिद्ध ग्‍यान के संग एक दूसरेन नें सिखायकै चिताये करौ, और अपने मन में दया के संग परमेस्‍वर के काजै महिमा के गीत, और भजन स्तुति और आतमिक गीत धन्यबाद के संग गाए करौ।

कुलुस्सियों 4:7

पिरभू में मेरौ प्यारौ भईया, संगी और मसीह कौ भरोसे योग्‍य सेबक तुखिकुस मेरी बातन नें तुमें बताय दैगौ।

1 तिमुथियुस 1:10

और कुकर्मी हैं, आदमी-आदमी के संग सम्बन्ध बनाबे बारे हैं और बे आदमी बेचबे बारे, झूंठ बोलवे बारे, झूंठी सौगन्ध खायवे बारे और जाके अलाबा खरी सिछा के सब बिरोधिन कूं ठहराई गई है।

1 तिमुथियुस 4:16

खुद के जीबन पै और खुद की सिछा पै ध्‍यान दै, और बिनमें मजबूत रै, चौंकि अगर तू ऐसौ करतो रैहबेगौ तौ तू अपने और अपने सुनिवे बारेन के काजैऊ उद्धार कौ कारन होगो।

1 तिमुथियुस 6:3

अगर कोई दूसरी तरैह की सिछा दैबे, और हमारे पिरभू ईसू मसीह की सिछाऐ नां मानें,

2 तिमुथियुस 1:6

जामारैं मैं तोय याद दिला रयौ हूं कै परमेस्‍वर कौ बू वरदान जो मेरे हात रखवे के द्वारा तोय मिलौ है बायें पकड़े रह।

2 तिमुथियुस 3:10

तैनें मेरी सिछा, चाल-चलन, मन्सा, भरोसे, सहन सीलता, धीरज, पिरेम,

2 तिमुथियुस 4:3

चौंकि ऐसो समै आबैगौ कै लोग सही सिछा कूं सहन नांय कर सकिंगे। पर बे अपने काजै ऐसे भौत से सिछक इकठ्‌ठे कर लिंगे जो ऐसी सिछा दिंगे। जो बे लोग सुनबो पसंद करतें।

तीतुस 2:1

तीतुस, तू ऐसी सिछा दै, जो सई है।

1 पतरस 2:2

एक छोटे नबजात बालक की तरैह ते आतमिक दूध की लालसा में लगे रहौ, जाते बामे उद्धार पाबे काजै बढ़ते जाऔ।

2 यूहन्‍ना 1:9

अगर कोई आदमी भौत आगे बढ़ जाबै और मसीह की सच्‍ची सिक्छा पै नांय टिकौ रैहबै, तौ बू पिता परमेस्‍वर कूं नांय पाय सकै, पर जो मसीह की सच्‍ची सिक्छा पै टिकौ रैहबैगौ, बू पिता परमेस्‍वर और पुत्र ईसू मसीह दोनोंन कूं पाय लैबै।

यहूदा 1:5

इन सब बातन कूं तुम लोग अच्‍छी तरैह ते जानें, फिरऊ मैं तुमें याद दिबाबौ चाहूं कै, पिरभू नें मिस्र देस ते इसरायली लोगन कूं बचायकैं निकार लायौ हतो। पर बाद में जिन्‍नें भरोसौ नांय करौ, बिनकौ नास कर दियौ हतो।