1 तिमुथियुस 4:4 - बृज भासा

⁴ चौंकि परमेस्‍वर कौ बनांयौ भयौ सब कछू अच्‍छौ है, और कछू फैंकबे लायक नांय, पर धन्यबाद दैकै सब कछू खायौ जा सकै।

1 तिमुथियुस 4:4 Iomraidhean Croise

प्रेरितन के काम 10:15

फिर बू अबाज बाय दूसरी बार सुनाई दयी, “हे पतरस, जो चीज कूं परमेस्‍वर ने सुद्ध ठहराईऐ बाय तू असुद्ध मत ठहराबै।”

प्रेरितन के काम 15:29

मूरतीन के आगे चढ़ाई भई चीज नांय खानी चहिऐं, और व्‍यभिचार नांय करनों चहिऐं और गले घोंटके मारे भये पसुन कौ मांस नांय खानों चहिऐं और न खून खानों चहिऐं। तुम अपने आपकूं इन बातनते बचायकै रखौगे तौ तुमारौ कल्‍यान होगो।”

प्रेरितन के काम 21:25

पर ज्हां तक भरोसौ करबे बारे गैर यहुदी की बातै, तौ हमनें उनकूं एक चिठ्‌ठी लिखीऐ कै, ‘मूरतीन के आगे चढ़ायौ भयौ भोजन नांय खानों चहिऐं और गलो घौंट के मारे भये पसु कौ मांस खायबे ते बचें, और खून कूं कबऊ मत खईयों, और व्‍यभिचार ते बचे रहियों।’”

रोमियों 14:14

पिरभू ईसू में हैबे की बजैह ते मैं पक्‍कौ मानतूं कै अपने आप में कोई खानों असुद्ध नांय। पर अगर कोई जि समझतै कै जि खानों असुद्ध हैं, तौ बू वाके काजै असुद्ध है जो बाय असुद्ध मानतैं।

रोमियों 14:20

खाने के पीछै परमेस्‍वर के काम कूं मत बिगाड़ो। हर तरैह कौ खानों सुद्ध है, पर काऊ आदमी के काजै बू कछू खाना ठीक नांय है, जो काऊ और भईया कूं पाप के रास्ते पर ले जाबे।

रोमियों 14:6

जो कोई काऊ एक दिन कूं मनातै बू बाय पिरभू के आदर देने के काजैई मनातै। और जो सब कछू खाता है बोऊ पिरभू कूं आदर देबे के काजैई खातै। चौंकि बू परमेस्‍वर का धन्यबाद करतै। और जो कछू चीजन कूं नांय खाता, बोऊ ऐसौ जामारै करतै चौंकि बोऊ पिरभू कूं आदर देना चाहता है। बोऊ परमेस्‍वर कूं ही धन्यबाद देतै।

1 कुरिन्थियों 10:23

जैसे कही है कै, “मैं सब कछू करबे काजै आजादऊं।” पर सब कछू भलाई काजै तौ नांय होत। “मैं कछू भी करबे काजै आजादऊं।” पर हर बात ते हमारौ भरोसौ मजबूत नांय होत।

1 कुरिन्थियों 10:25

बाजार में कसाई के य्हांपै जौ कछू बिकतै, बू सब कछु खाऔ और अपने बिबेक की वजह ते वाके बारे में कछू सबाल मत करौ।

1 कुरिन्थियों 10:26

चौंकि पबित्र सास्त्र में लिखौ है कै, “धरती और धरती के ऊपर जौ कछू हतुए, बू पिरभू कोई है।”

1 कुरिन्थियों 10:30

अगर मैं धन्यबाद करकें बा भोजन में साझी होतूं, तौ जा चीज के काजै मैं परमेस्‍वर कोई धन्यबाद देतूं, वाके काजै मैं दोसी चौं ठहरायौ जातूं?

1 तिमुथियुस 4:3

ऐसे लोग ब्याह करबे ते रोकिंगे और बे खायवे की कछू चीजन ते दूर रैवे की आग्‍या दिंगे, पर भरोसौ करबे बारे और सत्‍य के पैहचानबे बारेन कूं चहिऐ कै बे बिन चीजन कूं परमेस्‍वर कौ धन्यबाद करकै खामें।