1 तिमुथियुस 4:16 - बृज भासा

¹⁶ खुद के जीबन पै और खुद की सिछा पै ध्‍यान दै, और बिनमें मजबूत रै, चौंकि अगर तू ऐसौ करतो रैहबेगौ तौ तू अपने और अपने सुनिवे बारेन के काजैऊ उद्धार कौ कारन होगो।

1 तिमुथियुस 4:16 Iomraidhean Croise

मरकुस 13:9

“पर तुम अपने बारे में सावधान रहियों, चौंकि लोग तुमें पंचायतों में सौंपेगे और तुमें यहुदी पिराथना घरन में पीटिंगे और मेरे कारन तुम दीबान और राजाओं के आगे खड़े करे जाओगे। जि तुमारे काजै बिनै सुभ समाचार सुनाबे कौ अच्‍छौ मौकों है।

लूका 21:34

“जामारै साबधान रहौ ऐसौ ना होबे कै तुम भोग-बिलास, खाने पीबें और इन संसार की चिन्‍तान ते तुमारौ मन हटीलौ है जाबें और बू दिना फन्दे की तरैह ते अचानक तुम पै आ पड़े।

प्रेरितन के काम 26:22

परमेस्‍वर की दया ते मैं आज जीबितऊं और जा बात की गबाही दै रयौऊं। जिन बातन के बारे में परमेस्‍वर की ओर ते बात बतायबे बारेन नें और मूसा ने जि भविस्‍यबानी करी हती कै,

प्रेरितन के काम 6:4

हम लोग तौ पिराथना और परमेस्‍वर के वचन की सेबा में लगे रहिंगे।”

रोमियों 11:14

मैं अपने लोगन मेंऊ होड़ पैदा कर सकूं और बिनमें ते कछुन कौ उद्धार कराऊं।

रोमियों 16:17

हे भईयाओ, मैं तुमते पिराथना करतूं कै तुमने जो सिछा पाई हैं, वाके बिपरीत तुम में जो फूट डारतें हैं और दूसरों के भरोसा कूं बिगाड़ते हैं, बिनते सावधान रहो, और बिनते दूर रहो।

रोमियों 2:7

जो लोग भलाई के काम करते भये महिमा, आदर और अमरता की खोज में रैहतै, परमेस्‍वर बिनें कबऊ नांय खतम हैबे बारौ जीबन दैबेगौ।

1 कुरिन्थियों 1:21

चौंकि परमेस्‍वर ने अपने ग्‍यान के अनुसार कबऊ जि नांय चाहौ कै, संसार के लोग अपने ग्‍यान के बल ते बाय पैहचानें। पर परमेस्‍वर कूं जि अच्‍छौ लगौ कै हमारे दिये गये संदेस के पिरचार के द्वारा भरोसौ करबे बारे बचाये जायें। जा पिरचार कूं संसार के लोग मूर्खता समझतै।

1 कुरिन्थियों 9:22

मैं भरोसे में कमजोरन काजै कमजोर जैसौ बनों कै, उनकूं मसीह में ला सकूं। मैं सब लोगन काजै बिनकेई जैसौ बन गयौ, जाते मैं काऊ ना काऊ तरैह ते बिनकौ उद्धार करा सकूं

1 कुरिन्थियों 9:27

पर मैं तौ ऐसे कर्रे अनुसासन में रैहके सरीर कूं कस्‍ट दैकें बाय अपने बस में करतूं, कऊं ऐसौ ना होबे कै मैं सुभ समाचार पिरचार करबे के बादऊ, खुद बिनके सामने अयोग्‍य ठहर जाऊं।

इफिसियों 4:14

जाते हम आगे कूं बालक ना रैहबै जो आदमिन की ठग बिध्‍या, चतुराई, बहकाबे बारी योजनान, बिनके उपदेस और झांसेन ते बहकाये ना जावें।

कुलुस्सियों 4:17

और अरखिप्पुस ते जि कह दियौं कै जो सेबा पिरभू में तोए सौंपी गईऐ बाये पूरी सावधानी के संग और बाये हर तरीका ते पूरौ कर।

1 थिस्सलुनिकियों 2:16

और बे गैर यहुदियन कूं उद्धार कौ सुभ समाचार सुनाबे तेऊ हमें रोकतै और जा तरैह ते बे अपने पापन कौ घड़ा भर रये है और अब परमेस्‍वर कौ प्रकोप बिनपै पूरी तरैह ते आ परौ है।

1 तिमुथियुस 1:3

मैने तोय मकिदुनियां जाते समै जि समझायौ हतो कै इफिसुस में रैहकें कछू लोगन कूं आग्‍या दै, कै बे झूंठी सिछा नांय दैमें,

1 तिमुथियुस 4:15

इन बातन्‍ने याद करतौ रैह जाते तेरो बढ़बो सब देखैं।

1 तिमुथियुस 4:6

अगर तू भईयन कूं इन बातन कौ ध्यान करातो रैहबेगौ तौ ईसू मसीह को अच्‍छौ सेबक बनो रैहबेगौ,ऐसौ करबे ते जि पतौ चलैगौ कै तेरौ पालन पोसन बा भरोसे और सिछा ते भयौ है जिननैं तू मानतौ आयौ है।

2 तिमुथियुस 2:10

मैं चुने भये लोगन के काजै सब कछू सहन करूं। कै बेऊ बा उद्धार कूं जो मसीह ईसू में है, कबऊ नां खतम हैबे बारी महिमा के संग पायें।

2 तिमुथियुस 3:14

पर तू बिन बातन पै जौ तेने सुनीए ओर सीखी हैं और उनपै भरोसौ करौ है, जि जानकै डटौ रैहके तैने किन लोगन ते सीखौऐ।

2 तिमुथियुस 4:2

परमेस्‍वर के सुभ समाचार कौ पिरचार कर और समै और असमै सिछा दैवे काजै तैयार रैह। तू लोगन कूं बिनके पापन के काजै डांट, और ध्‍यान रख ऐसौ करते समै बे उदास ना होंय जाके मारै धीरज के संग बिनें सिखा।

तीतुस 1:9

और बाकूं बा भरोसे योग्‍य वचन में मजबूत बनों रहनों चहिऐं, जाकी सिछा बाकूं दई गयी है। जाते बू लोगन कूं खरी सिछा ते उपदेस दै सकै और जो जा सिछा कौ बिरोध करै बिनकौ मौंह बन्द कर सकै और बिन्नैं बिनकी गलती कौ एहसास दिबा सकै।

तीतुस 2:15

तू लोगन कूं इन बातन की सिछा पूरे अधिकार के संग दै और समझा बिन्नें हिम्मत दै और जरूरत होय तौ बिनें डाँट। कोई तोय तुच्‍छ नां जान पाबें।

तीतुस 2:7

तू अपनी सब अच्छी बातन में बिनके काजै खुद एक नमूना बन जा। तेरी सिछा में सफाई और गम्भीरता होय।

फिलेमोन 1:19

मैं पौलुस, तोय अपने हात ते लिख रयोहूं, के मैं तेरो सब कछू चुकाय दुंगो। पर मैं तोय जि याद कराय रयौऊं के तोपैऊ मेरौ कछू उधारै,पर तू तौ मेरौई ऐ।

इब्रानियों 12:15

तुम सावधान रहौ, ऐसौ ना होय कै, कोई परमेस्‍वर की किरपा ते वंचित रह जाबे, या कोई ऐसी फूट ना पर जाये जो कस्ट देय, और वाके द्वारा तुम में ते भौत से लोग असुद्ध है जाएं।

इब्रानियों 13:9

हर तरैह की अनजानी सिछान ते भटक मत जईयों। चौंकि तुम्हारे मन के काजै जि अच्‍छौ है कै, बू परमेस्‍वर की किरपा के द्वारा मजबूत बनें, ना कै खाबे-पीबे सम्बन्धी नियमन कूं मानबे ते, इन नें मानबे बारेन में ते कबऊ काऊ कौ भलौ नांय भयौ।

याकूब 5:20

तौ बू जि जान लेय अगर बू एक पापी कूं सच्‍चाई के रस्ता लै आबतुए, तौ बू वाकी आतमा कूं अनंत मौत ते बचाय लेतुए और वाके भौत ते पापन की छमा कौ कारन होय।