1 तिमुथियुस 4:12 - बृज भासा

¹² तू जबान है जामारैं तोय काऊ के सामने नजर झुकानी ना परै, पर वचन, चाल-चलन, पिरेम, भरोसौ और सभ्यता में परमेस्‍वर पै भरोसौ करबे बारेन काजै नमूना बन जा।

1 तिमुथियुस 4:12 Iomraidhean Croise

मत्‍ती 18:10

“सावधान रहौ, कै उन छोटेन में ते एकऊऐ तुच्‍छ न समझौ। मैं तुमते कहतूं, कै बिनके दूत सुरग में निरन्‍तर मेरे सुरग के पिता के दरसन करतैं।

1 कुरिन्थियों 11:1

तुम लोग ऐसे चलौ, जैसे मैं मसीह के पीछे चलतूं, बैसेई तुमऊ मसीह के पीछे चलौ।

फिलिप्पियों 4:8

जामारैं हे मेरे भईयाओ, जो जो बात सच्‍चीयें, जो बात आदर कीयें, जो बात सही है, जो बात पबित्र है, जो बात सुनिबे में अच्छी हैं, जो बात मन कूं अच्छी लगें, जिन बातन में अच्छे गुन हैं और जिन बातनते भौत बड़ाई हैबै बिन बातन पैई ध्यान लगाऔ।

1 थिस्सलुनिकियों 1:6

तुम बड़े दुख में पबित्र आतमा की ओर ते मिले आनन्द के संग वचन कूं मानकै हमारी और हमारे पिरभू की सी चाल चलवे लगेऔ।

1 थिस्सलुनिकियों 2:10

जा बात के तुम खुदई गबाह हो और परमेस्‍वरऊ गबाह है कै तुम भरोसौ करबे बारे लोगन के बीच में हमारौ व्‍यवहार पबित्र, धारमिक और निरदोस हतो।

1 तिमुथियुस 1:14

और हमारे पिरभू कौ अनुग्रह और पिरेम बा भरोसे के संग जो ईसू मसीह में है, भौतायत ते भयौ।

2 तिमुथियुस 2:15

अपने आप कूं परमेस्‍वर कौ मानबे बारौ बना, और ऐसे अच्‍छे काम करबे की खूब कोसिस कर, जाते तोय लज्‍जित न होनौ परै, और सत्‍य के वचन कूं सही तरैह ते सच सच सिखा।

2 तिमुथियुस 2:22

तू जबानी की बासनान ते भाग, जौ कोई सुद्ध मनते पिरभू को नाम लेतै बिनके संग धरम, भरोसे, पिरेम और मेल-मिलाप के संग संगती करतौ रैह।

2 तिमुथियुस 2:7

अब जौ मैं कहूं बिन बात पै ध्‍यान दै और पिरभू तोय सब बातन की समझ दैबैगौ।

तीतुस 2:15

तू लोगन कूं इन बातन की सिछा पूरे अधिकार के संग दै और समझा बिन्नें हिम्मत दै और जरूरत होय तौ बिनें डाँट। कोई तोय तुच्‍छ नां जान पाबें।

तीतुस 2:7

तू अपनी सब अच्छी बातन में बिनके काजै खुद एक नमूना बन जा। तेरी सिछा में सफाई और गम्भीरता होय।

याकूब 3:13

तुम में समझदार और ग्‍यानी कोऐ? जो अपने आप कूं अच्‍छे कामन और चाल-चलन ते नम्रता के संग बौहार करै, जो ग्‍यान ते पैदा होय।

याकूब 3:17

सुरग ते आयबे बारौ ग्‍यान तौ पबित्र, सान्तीपूरन, सहनसील, और मिलनसारऊ है बू करुना ते भरौ भयौ है और अच्‍छे कामन की फसल पैदा करै। बामें पछपात और कपट ना होऐ।

1 पतरस 5:3

जो लोग तुमें सौंपे गये हैं बिनपै अपनों अधिकार मत जताऔ, पर बिनके काजै एक नमूना बनों।