1 तिमुथियुस 4:1 - बृज भासा

¹ परमेस्‍वर कौ आतमा साफ-साफ जि कैहबे कै, बे दुस्‍ट आतमांन की सिछान नैं मानिंगे और बहकाबे बारी आतमा के पिछै चलिंगे। और भरोसे ते पीछे हट जायेंगे।

1 तिमुथियुस 4:1 Iomraidhean Croise

मत्‍ती 18:7

संसार के लोगन पै धिक्‍कार है, जो मोपै भरोसौ करबे बारेन नें पाप में गिराबे कौ कारन बनतैं। मोपै भरोसौ करबे बारेन ने लोग पाप में जरूर गिरायेंगे। पर धिक्‍कार है बापै जाकी बजैह ते ऐसौ होतै।

लूका 17:1

ईसू नें अपने चेलान ते कही, “ऐसौ है नांय सके कै लोगन कूं पाप में गिराबे बारी बातैं ना घटैं। पर धिक्‍कार बाकूं जाके द्वारा ठोकर की बातें होतै।

यूहन्‍ना 16:13

पर जब सत्‍य कौ आतमा आबैगौ तौ बू तुमें पूरौ सच्‍चौ रस्ता दिखाबैगौ चौंकि बू अपनी ओर ते कछू नांय कैहबेगौ। बू जो कछू सुनैगौ बेई बताबैगौ। और जो कछू हैबे बारौ है बाय उजागर करैगौ।

प्रेरितन के काम 13:2

जब बे उपबास के संग पिरभू की पिराथना कर रहे हते, तब पबित्र आतमा ने कही, “मेरे बा काम काजै बरनबास और साऊल कूं अलग करौ जाके काजै मैने उन्‍नें बुलायौऐ।”

प्रेरितन के काम 17:18

कछू इपीकुरी और स्तोइकी पंडित बाते सास्त्रन ते तर्क बितर्क करते और उनमें ते कछू लोग कैहबे लगे कै, “जि बकबास करबे बारौ का कैहबौ चाहतुए?” और दूसरे कैहबे लगे कै, “जि तौ बिदेसी देबतन कौ परचार करबे बारौऐ।” उन्‍नें जि बात जामारै कही हती कै, बू ईसू कै बारे में सिछा देतौ और वाके दुबारा जी उठबे कौ पिरचार करतो।

प्रेरितन के काम 20:23

मैं तौ बस इतनौ जानतूं के, पबित्र आतमा मोय हर समै जिय बताबते कै जेल की बेड़ी और परेसानी मेरौ इन्‍तजार कर रयी है।

प्रेरितन के काम 21:11

बानें हमारे जौरे आयकें पौलुस की कमर कौ पटका लै लयी और बाते अपने हात पाम बांधकै कही कै, “पबित्र आतमा ऐसे कैहतै कै, जा आदमी कौ जि पटका है बाय यहुदी जाई तरैह ते येरूसलेम में बांधेंगे, और गैर यहुदिन के हातन में सौंप दिंगे।”

प्रेरितन के काम 28:25

जब बे एक दूसरे के बिचारन ते सहमत नांय भये, तौ बे मांते जायबे लगे। तब पौलुस ने कही, “तुमारे पुरखन बारे में पबित्र आतमा ने परमेस्‍वर की बात बतायबे बारे यसायाह के द्वारा सही कही है,

1 कुरिन्थियों 10:20

बिलकुल नांय, मेरौ कैहबे कौ मतलब जि है कै, गैर यहुदी जो चढ़ाबौ चढ़ाबते बे परमेस्‍वर के काजै नांय, पर बे तौ दुस्‍ट आतमान के काजै। मैं नांय चाहत के उन दुस्‍ट आतमान के तुम साझीदार बनो।

1 कुरिन्थियों 11:19

पर तुमारे बीच में फूट पड़बौ जरूरिए, जो लोग खरे है बे सामने आ जामें।

1 कुरिन्थियों 12:11

पर जि बैई पबित्र आतमा है, जौ सब काम करतै, बू अपनी इच्‍छा के अनुसार हरेक कूं अलग अलग वरदान देतै।

1 कुरिन्थियों 2:10

पर जि सब परमेस्‍वर ने अपनी आतमा ते हमारे काजै पिरगट करौए। चौंकि परमेस्‍वर का आतमा सब बातन कूं ढूंढ लेतै य्हां तक कै परमेस्‍वर के गुप्‍त भेदऊए जानतै।

2 कुरिन्थियों 11:3

पर मैं डरपतूं कै कऊं ऐसौ ना होबे कै जैसे सांप ने हब्बा कूं चतुराई ते भरमा दयौ हतौ, बैसेई तुमारे मन मसीह के प्रति पबित्र और तुमारी भक्‍ती ते भटक ना जाबें।

कुलुस्सियों 2:18

कोई मनुस्‍य तुमारे जौरें दीनता कौ दिखाबौ करकें, और दूतन की पूजा कराकैं, बा प्रतिफल ते वंचित ना कर दैबै जो तुमें मिलवे बारौ है। ऐसौ आदमी हमेसा बिन दिव्‍य दरसनन के बारे में झूंठ बोलतौ रैहबै पर जे सबरी फालतू की बात हैं अपने स्‍बार्थ के काजै अपने आप कूं में फूले रैहमें।

2 तिमुथियुस 3:13

पर पापी और धोकेबाज धोकौ दैते भए धोकौ खाते भए बिगड़ते भये चले जांगे।

2 तिमुथियुस 4:4

बे अपने कानन नें सच्‍चाई ते फेर के कथा कहानीन पै लगांगे

याकूब 3:15

जि बू ग्‍यान नांय जो सुरग ते आबै पर सांसारिक, सारीरिक और सैतानीऐ।

1 पतरस 1:20

जा दुनियां कूं बनाबे ते पैहलेई बाय चुन लियौ गयौ हतो, पर आखरी समै में तुमारे काजै पिरगट करौ है।

2 पतरस 2:1

इसरायली लोगन में भौत से परमेस्‍वर के बारे में झूंठी बात बताबे बारे दिखाई दिंगे, बे तुमते भरमाबे बारी झूंठी बेमतलब की बात करिंगे और सांचे परमेस्‍वर कूं मानबे ते मने करिंगे, जाने बिनकूं मोल लैके छुड़ायौ है। और जाई तरैह ते बे अपने नास कौ कारन खुद बनिंगे।

2 पतरस 3:3

जा बातै तुम पैहले ते जान लेओ के आखरी दिनन में अपनी बुरी इच्‍छा ते जीबे बारे, हसी उड़ायबे बारे हसी उड़ाते भये आंगे।

1 यूहन्‍ना 2:18

हे प्यारे बालकौ अन्‍त कौ समै जौरें है, और जैसे तुमने सुनों है कै मसीह कौ बिरोधी आबे बारौ है। और जा समैऊ भौतसे मसीह के बिरोधी आ गये हैं, जाते हम जान जातै कै अन्‍त कौ समै आ गयौ है।

1 यूहन्‍ना 4:6

पर हम परमेस्‍वर के हैं और जो परमेस्‍वर कूं जानें, बू हमारी सुनें और जो परमेस्‍वर कूं नांय जानें, बे हमारी सुनबोई नांय चाहमें, जा तरैह ते हम सत्‍य की आतमा और भटकाबे बारी आतमा की पहचान कर सकें।

यहूदा 1:18

बिन्‍नें कही हती कै, “अंत समै में ऐसे लोग होंगे, जो परमेस्‍वर के पबित्र लोगन की हसी उड़ाय करिंगे और अपनी बुरी इच्‍छान के पीछै चले करिंगे।”

यहूदा 1:4

चौंकि कछू आदमी तुम लोगन के बीच में चुपचाप घुस आये हैं। इन लोगन की सजा के बारे में भौत समै पैहलेईं पबित्र सास्त्र में लिखौ भयौ है। जे लोग परमेस्‍वर ते दूर हैं और इन्‍नें परमेस्‍वर के अनुग्रह कूं भोग-बिलास कौ एक बहानों बनां डारौ है, और जे हमारे एकमात्र स्‍वामी पिरभू ईसू मसीह कूं नांय मानें।

प्रकासित बाक्य 13:14

बू धरती के लोगन कूं भरमांतो चौंकि बापै पैहले डराबने पसु के अधिकार ते बू चमत्‍कार के काम करतौ। और दूसरे बा डराबने पसु नें धरती के लोगन ते आदर पायबे काजै, तलबार ते लगे भये घाव बादऊ बू डराबनों पसु जीबित हतो, वाकी मूरती बनबाबे की कही।

प्रकासित बाक्य 16:14

जि सैतानी दुस्‍ट आतमा हती जिनमें चमत्‍कार दिखाबे की सक्‍ती हती, जो सर्ब सक्‍तीमान परमेस्‍वर के बा बड़े दिन के युद्ध के काजै सबरे संसार के राजान कूं इकठ्‌ठौ करबे निकर परे।

प्रकासित बाक्य 18:2

बानें तेज अबाज में चिल्‍लायकै कही, “नांस है गयौ बड़ौ बेबीलोन नांस है गयौ अब बू सब दुस्‍ट आतमांन की और असुद्ध पंछीन और असुद्ध पसुन के रैहबे की जगै बन गईए।

प्रकासित बाक्य 18:23

दीये कौ उजीतौ तोमें फिर कबऊ नांय दीखैगौ, दूल्हा और दुलहन की अबाज फिर कबऊ नांय सुनाई दैबेगी। चौंकि तेरे अधिकारी धरती के बौपारी हते और तेनै अपने जादू ते सबरे देस के लोगन कूं बहकायो हतो।

प्रकासित बाक्य 19:20

और बू डराबने पसु और वाके संग बू “झूठे” परमेस्‍वर की बात बताबे बारौ पकरौ गयौ, जाने वाके सामईं ऐसे चिन्‍न दिखाए हते, जिनते बानें बिनकूं भरमायौ, जिन्‍ने डराबने पसु की छाप लगबाही हती, और जो वाकी मूरत की पूजा करते, डराबनों पसु और वाके संग परमेस्‍वर के बारे में झूंठी बात बतायबे बारे जीते जी बा आग की झील में जो गन्धक ते जरतै, डारे गए।

प्रकासित बाक्य 2:11

जाके कान हौंय बू सुन लेय कै कलिसिया ते आतमा का कैहबै। जो जय पाबैगो बाय दूसरी मौत ते कोई नुकसान नांय होगो।”

प्रकासित बाक्य 2:17

“जाके कान हौंय बू सुन लेय के कलिसिया ते आतमा का कैहबै। “जो जीतैगौ बाय मैं गुप्‍त कौ मन्‍ना दुंगो और सफेद पत्थर प्रदान करुंगो, बा पत्थर पै एक नयौ नाम लिखौ भयौ होगौ। बा नाम कूं पाबे बारोई जान सकै।”

प्रकासित बाक्य 2:29

“जाके कान हौंय बू सुन लेय के कलिसिया ते आतमा का कैहबै।”

प्रकासित बाक्य 2:7

“जाके कान हौंय बू सुन लेय के कलिसियान ते आतमा का कैह रयौ है। “जो जय पाबैगौ बाय मैं बा जीबन के पेड़ में ते जो परमेस्‍वर के बगीचा में लगायौ है वाकौ फल खाबे के काजै दुंगो।”

प्रकासित बाक्य 20:10

जाके बाद भरमाबे बारे सैतान कूं आग और गन्धक की झील में फैक दियौ जाबैगौ, ज्हांपै डराबने पसु और परमेस्‍वर के बारे में झूंठी बात बतायबे बारे दोनोंई डारे गये हैं, बे युगानुयुग तक रात-दिन तड़पैंगे।

प्रकासित बाक्य 20:8

और बू सबरी धरती पै फैली भई मनुस्‍य जात जो गोग और मागोग कही जाबै बिनें भरमाबे काजै निकर परैगौ, बू बिनै युद्ध के काजै इकठ्‌ठे करैगौ। बे समुन्दर की बारू के किनकन के जितने अनगिनत हुंगे।

प्रकासित बाक्य 3:13

जाके कान हौंय बू सुन लेय के कलिसिया ते आतमा का कैहबै।”

प्रकासित बाक्य 3:22

जाके कान होय बू सुन लेय कै आतमा कलिसिया ते का कैहबै।”

प्रकासित बाक्य 3:6

जाके कान हौंय बू सुन लेय के कलिसिया ते आतमा का कैहबै।”

प्रकासित बाक्य 9:20

और बचे भये आदमिन ने जौ मरी में मरे नांय, अपने हातन के कामन ते मन नांय फिरायौ, कै दुस्‍ट आतमान की, और सौने और चान्दी, और पीतल, और पत्थर, और काठ की मूरतन की पूजा न करें, जो न तौ देख सकें, न सुन, न चल सकें।