1 तिमुथियुस 3:3 - बृज भासा

³ बू दारू बाज ना होय, मारपीट करबे बारौ ना होय, पर बू एक सज्‍जन और सान्‍ती ते रहबे बारौ आदमी होय और बाय धन को लालच बिलकुल नांय होंनों चहिऐं।

1 तिमुथियुस 3:3 Iomraidhean Croise

मत्‍ती 21:13

ईसू नें बिनते कही, “जि लिखौ है, ‘मेरौ घर पिराथना कौ घर कहौ जाबैगौ,’ पर तुम लोगन्‍नें जाय ‘लुटेरेन कौ अड्‍डौ’ बनांय दियौ है।”

प्रेरितन के काम 20:33

मैने कबऊ काऊके सोनो चांदी और कपड़ा नांय चांहे।

रोमियों 16:18

चौंकि ये लोग हमारे पिरभू मसीह की नांय, पर खुद के पेट की सेबा करते हैं, और अपनी खुसामद भरी चिकनी चुपड़ी बातन ते भोले भाले मन के लोगन कूं बहका देतै।

इफिसियों 5:18

और पबित्र आतमा ते परिपूर्न है जाऔ, दारूऐं पीकै मतबारे मत होऔ, चौंकि जाई ते लुचपन पैदा होतै।

1 थिस्सलुनिकियों 5:14

हे भईयाओ, हम तुमें समझाबते कै जो आलसी लोग है बिनकूं समझाऔ। और डरपोकन कूं हिम्मत देऊ और कमजोर कूं सम्हारो, सबन के संग सहन सीलता दिखाओ।

1 तिमुथियुस 3:8

जाई तरैह ते कलिसिया के सेबकन नेंऊ सम्मानित होनों चहिऐ, बे दोगले नां हो, दारूबाज नां हो और नीच कमाई कै लालची नां हों,

2 तिमुथियुस 3:2

चौंकि आदमी स्‍वार्थी, लालची, डींग मारबे बारौ,घमन्‍डी, निन्दा करबे बारौ, मां-बाप की आग्‍या ना मानबे बारे, निरदयी, अपबित्र,

तीतुस 1:11

ऐसे लोगन कौ मौंह बन्द कर देनों चहिऐ चौंकि बे नीच कमाई काजै गलत बातन नें सिखाकै भरोसौ करबे बारे भईयन के घर के घरन नें बिगाड़ दैमें।

तीतुस 1:7

चौंकि कलिसिया के पिरधान कूं परमेस्‍वर कौ भन्‍डारी हैबे की बजैह ते बिना दोस बारौ होनों चहिऐ। बू घमन्‍डी, जल्दी गुस्सा करबे बारौ, पीवे बारौ, झगड़ौ करबे बारौ और नीच कमाई कौ लोभ करबे बारौ नांय होनों चहिऐ।

तीतुस 2:3

बड़ी-बूढ़ी औरतन कौ चाल-चलन पबित्र लोगन की तरैह ते होंय, बे पीवे बारी, और बे चुगलखोर नांय होंय। पर बे अपनी अच्‍छी-अच्‍छी बातन कूं सिखाबे बारी होंय।

तीतुस 3:2

काऊ की निन्दा नां करें और झगड़ालू नां हों, पर सहनसील हों और लोगन के संग कोमलता कौ व्‍यवहार करें।

इब्रानियों 13:5

अपने जीबन में धन कौ लालच बिलकुल नां करौ। जो कछू तुम्हारे जौरें है, बाई में संतोस करौ, चौंकि परमेस्‍वर ने कही है, “मैं तोय कबऊ नांय छोड़ूँगो, और नां कबऊ त्‍यागूंगो।”

याकूब 4:1

तुम में जि लड़ाई और झगड़े कांते आय गए? का उन सुख-बिलासन ते नांय जो तुमारे देह के अंगन में लड़त-भिड़तें?

1 पतरस 5:2

जिन लोगन कौ झुंड तुमकूं परमेस्‍वर ने दयौए वाके अच्‍छे रखबारे बनके देखभाल करौ, जि काऊ के दबाब ते मत करौ पर परमेस्‍वर की इच्‍छा जानकें अपनी खुद की इच्‍छा ते करौ, जि काम काऊ धन के लालच की बजैह ते नांय पर सेबा के भाव ते करते रहौ।

2 पतरस 2:3

बे लालच की बजैह ते झूंठी बनाबटी बातन ते धन कमाईंगे। बिनकी सजा तौ परमेस्‍वर भौत पैहले तैई तैय कर चुकौए, बिनकौ नास बिनै नास करबे काजै तैयार बैठौए।

यहूदा 1:11

हाय, बिन लोगन पै, जो कैन के जैसे बुराई के रस्ता पै चल रये हते। जे रुपईयन के काजै बिलाम की नांई भटक गये और कोरह की तरैह बिद्रोह करबे के कारन नास कर दये गये हते।

प्रकासित बाक्य 1:9

मैं यूहन्‍ना जो तुमारौ भईयाऊं, जो ईसू मसीह कौ कलेस और राज में, धीरज में तुमारौ सहभागी रहौ, परमेस्‍वर के वचन और ईसू मसीह की गबाही के कारन देस निकारौ दैकें पतमुस नाम के टापू में भेज दियौ हतो।