1 तिमुथियुस 3:16 - बृज भासा

¹⁶ और जामें कोई संदेह नांय के भक्‍ती को भेद कैसौ महान है, बू जो आदमी के रूप में पैदा भयौ, आतमा में धरमी ठहरो, सुरग दूतन कूं दिखाई दीयो, देस देस के लोगन में बाको पिरचार करौ गयौ, संसार में बापे भरोसौ करो गयौ, और जो महिमा में सुरग में उठायौ गयौ।

1 तिमुथियुस 3:16 Iomraidhean Croise

मत्‍ती 1:23

“एक क्वारी गर्भवती होगी, और बू एक बेटाए जनैगी और वाकौ नाम इम्मानुएल रखौ जाबैगौ” जाकौ मतलब है “परमेस्‍वर हमारे संग है।”

मत्‍ती 13:11

ईसू नें बिनते कही, “सुरग के राज कौ भेद जानबे कौ अधिकार केवल तुमेंई दयो गयौए, बिनकूं नांय।

मत्‍ती 28:2

तब अचानक भौत जोर ते धरती हली और पिरभू कौ एक सुरग दूत सुरग ते उतरौ और कब्र के जौरै आयकै बानें पत्‍थर लुढ़कायौ और बापै बैठ गयौ।

मत्‍ती 3:16

और ईसू बपतिस्मा लैके जैसेई पानी में ते निकरौ और बाई समै आकास खुल गयौ, और बिन्नें परमेस्‍वर की आतमा कूं ईसू के ऊपर कबूतर कि तरैह उतरते भए देखौ।

मत्‍ती 4:11

तब सैतान ईसू के जौरैं ते चलौ गयौ और सुरग दूत आयकै वाकी सेबा करबे लगे।

मरकुस 1:13

और सैतान बेहड़ में चालीस दिना तक बाय पाप में गिराबे काजै परीछा लेतो रयौ, ईसू मांपै जंगली पसुन के संग रयौ, और सुरग दूत वाकी सेबा करते रये।

मरकुस 16:19

जि बात पिरभू ईसू अपने चेलान ते करि चुकौ तब पिरभू ईसू कूं सुरग में उठा लियौ गयौ। बू परमेस्‍वर के दाहिने जा बैठो।

मरकुस 16:5

बे कब्र के भीतर गईं और देखके चकित रह गयी, बिनैं मांपै सीदे हात की तरफ सफेद कपड़ा पहने भयौ एक जबान बैठौ भयौ देखौ।

लूका 2:32

कै जि बालक ईसू, गैर यहुदियन के काजै, तेरौ रस्ता दिखाबे बारौ उजीतौ है। और इसरायल के लोगन कै काजै महिमा बनैगौ।”

लूका 20:44

जा तरैह ते दाऊद मसीह कूं ‘पिरभू’ कैहबें, तौ मसीह दाऊद कौ बेटा कैसै है सकैं?”

लूका 22:43

तबई माँपै एक सुरग दूत पिरकट भयौ जो बायें सामर्थ देतौ।

लूका 24:4

तब जि देखकै बिन्‍नें बड़ौ अचम्भौ भयौ, तबई ऊजरे कपड़ा पैहने भये दो आदमी मांपे खड़े भये दिखाई दये।

लूका 24:51

और बू आसीस देते भयौ बिनते अलग हो गया और ईसू कूं सुरग में उठा लियौ गयौ।

यूहन्‍ना 1:14

वचन देह धरकें हमारे बीच रहौ। हमनें वाकी ऐसी महिमा देखी जैसी पिता के इकलौते बेटा की, जो दया और सच्‍चाई ते भरकै परमेस्‍वर ते आयौ है।

यूहन्‍ना 13:3

ईसू जि जानतौ कै, “परमेस्‍वर पिता ने मेरे हातन में सब कछू दै दयौ है और मैं परमेस्‍वर के जौरें आयौऊं और परमेस्‍वर के जौरेंई जा रयौ हूं।”

यूहन्‍ना 15:26

“जब बू सहायक (जो सच्‍चाई कौ आतमाऐ) जो पिता की ओर ते आबतुऐ, जाय मैं पिता की ओर ते भेजूंगौ और बू मेरी ओर ते गबाही देबेगौ।

यूहन्‍ना 16:28

मैं पिता के ज्हां ते जा जगत में आयौऊं अब संसार कूं छोड़ के पिता के जौरें जाय रयौऊं।”

यूहन्‍ना 17:5

हे पिता जगत की सुरूआत ते पैहले जो महिमा तेरे य्हां मोय मिली हती बा महिमा ते मोय महिमाबान कर।

यूहन्‍ना 20:12

जहां पै ईसू की लास रखी हती म्हांपै दो सुरग दूत सफेद ऊजरे कपड़ा पैहने भये ईसू कै सिराने पै ठाड़े और दूसरे कूं पामन के माऊं बैठौ देखौ हतो।

यूहन्‍ना 6:62

जब तुम मुझ, ‘मनुस्‍य के बेटा’ कूं ऊपर जाबत भये देखौ ज्हां मैं पैहले हतौ, तब तुम का करौगे?

प्रेरितन के काम 1:19

सबरे येरूसलेम में रैहबे बारेन ने जि मालूम पर गयी, जाके मारे उनकी भासा में बा खेत कूं हक्‍लदमा कहौ गयौ जाकौ मतलब “खून कौ खेत”।

प्रेरितन के काम 10:34

फिर पतरस बोलौ, “मैं अब अच्‍छी तरैह ते समझ गयौऊं सच में परमेस्‍वर काऊ ते भेद भाव नांय करै।

प्रेरितन के काम 14:27

जब बे मापै पौहचे तब उन्‍नें कलिसिया के लोगन कूं इकठ्‌ठौ करौ और उनकूं बू सब कछू जो परमेस्‍वर ने उनके संग करौ हतो, बू सबरौ हाल कै सुनांयौ कै परमेस्‍वर ने गैर यहुदिन के काजैऊ भरोसौ करबे के द्वार खोल दये है।

प्रेरितन के काम 20:28

अपनी और अपने झुंड की रखबारी करत रहो। पबित्र आतमा ने तुमें बिनकौ रखबारौ बनांयौए, ताके तुम परमेस्‍वर की बा कलिसिया कौ ध्‍यान रख सकौ, जाकूं बानें अपने बेटे के खून के बदले मोल लयो।

रोमियों 10:12

जि जामारै है कै यहूदियों और गैर यहुदिन में कोई भेद नांय चौंकि सबकौ पिरभू तौ एकई है। और वाकी दया अपरम्पार है जो बिन सबके काजै, जो वाकौ नाम लेते है।

रोमियों 10:18

पर मैं कैहतूं, “का बिन्‍नें हमारे पिरचार कूं नांय सुनों?” हाँ, पक्‍कौ सुनों है। पबित्र सास्त्र में जि लिखौ भयौ है, “बिनकी अबाज सबरी धरती पै फैल गयी, और बिनके वचन संसार के एक छोर ते दूसरे छोर तक पौंहचे हैं।”

रोमियों 16:25

वाकी महिमा हो जो तुमारे भरोसा के अनुसार यानी ईसू मसीह के सन्देस के जा सुभ समाचार का मैं उपदेस देतूं, वाके अनुसार तुमें सुदृढ़ बनाबे में समर्थ है। परमेस्‍वर का जि रहस्‍यपूर्न सत्‍य युग-युग ते छिपौ भयौ हतो।

रोमियों 16:26

पर जाय अनन्‍त परमेस्‍वर के आदेस ते परमेस्‍वर की ओर ते बात बताबे बारेन की किताब के द्वारा अब हमें और देस देस के लोगन पै पिरकट करके बता दयौ गयौ है जाते भरोसा ते आग्‍या मानबे बारे है जाबें।

रोमियों 3:4

भलेई हरेक लोग झूंठे निकर जाबें, पर परमेस्‍वर सच्‍चौ ठहरैगौ। जैसौ कै पबित्र सास्त्र में लिखौ भयौ है कै, “तू अपनी कही भयी बातन में धरमी ठहरायौ जा सकै, और जब तेरौ न्याय होबे तब जीत पा सकै।”

रोमियों 8:3

जाय मूसा की व्‍यबस्था मनुस्‍य के भौतिक स्‍वभाव की बजैह ते दुर्बल हैके नांय कर सकी बाय परमेस्‍वर नें अपने बेटा कूं हमारेई जैसे सरीर में भेजकै जाते हम पाप करते हैं वाकी सांसारिक देह कूं पाप बारी बनाकर पाप कूं निरस्त करके पूरौ करौ।

रोमियों 9:5

इब्रानी पुरखे बिनई ते रिस्तौ रखते हैं और मसीह अऊ मानव सरीर में बिनई में पैदा भयौ जो सबकौ परमेस्‍वर है और सदा धन्य है। ऐसौई होबे

1 कुरिन्थियों 15:47

पैहलौ आदमी धरती कौ हतो, मतलब बू मट्‍टी को बनों हतौ। दूसरौ आदमी मसीह सुरग ते है।

1 कुरिन्थियों 2:7

पर हम परमेस्‍वर के बा ग्‍यान के भेद कूं बतातैं, जाय परमेस्‍वर ने संसार की सृस्‍टी ते पैहलेई तेई हमारी महिमा कै काजै ठहरा दयौ हतो।

2 कुरिन्थियों 1:19

चौंकि सिलबानुस, तिमुथियुस और मैने, तुमारे बीच में परमेस्‍वर के बेटा, ईसू मसीह, के वचन कौ पिरचार करौऐ। बामें “हाँ” और “ना” दोनों नांय हते। ईसू मसीह में केवल “हाँ” ही होतै।

गलातियों 2:8

जा तरैह ते परमेस्‍वर नें यहुदी लोगन के बीच में सुभ समाचार पिरचार करबे काजै पतरस कूं भेजौ भयौ चेला बनाकै वाकी सेवकाई में काम कर रयौ है, बई तरैह ते परमेस्‍वर गैर यहुदिन के बीच में सुभ समाचार पिरचार करवे काजै मोय भेजौ भयौ चेला बनाकै मेरी सेवकाई में काम कर रयौ है।

गलातियों 4:4

पर जब समै पूरौ भयौ, तब परमेस्‍वर नें अपने पुत्र कूं भेजौ, जो स्त्री ते पैदा भयौ और व्‍यबस्था के अधीन उत्पन्‍न भयौ।

इफिसियों 1:9

चौंकि बानें अपने भले उद्देस्य के अनुसार अपने भेद को हम पै पिरगट करो और जि भेद बुई है जाये परमेस्‍वर नें मसीह में पूरौ करबे काजै पैहले तेई तय कर लयो हतो।

इफिसियों 6:19

मेरे काजैऊ पिराथना करतै रहो। कै जब मैं बोलूं तब साहस के संग सुभ समाचार कौ भेद बताय सकूं।

कुलुस्सियों 1:23

और जि सब तबई है सकै, जब तुम अपने भरोसे में अटल बने रहिंगे और जो आसा तुमनें सुभ समाचार में सुनी है बाय मत छोड़ौ, आकास के नीचे सब आदमिन कूं जि समाचार दियौ गयौ है और मैं पौलुस बई कौ सेबक हूं।

कुलुस्सियों 1:27

परमेस्‍वर अपने चुने भये लोगन के जरिये जि पिरगट करबाबौ चावै कै भेदन ते भरौ सत्‍य कितनों बहुमूल्‍य है और जि सत्‍य सबन के काजै है और सत्‍य जि है कै मसीह तुमारे भीतर रैहबै, और परमेस्‍वर की महिमा कूं पाबे काजै बुई हमारी एकमात्र आसा है।

कुलुस्सियों 1:6

जो सुभ समाचार तुमारे जौरें पौहचों है और जैसौ संसार में बू वचन फल और फूल रयौ है और बढ़तोई जा रोहै, और बाई तरीका ते जा दिना बू वचन तुमनें सुनों और बाय सुनकें तुमनें पूरी सच्‍चाई ते परमेस्‍वर कि किरपा की पैचान करी बा वचन नें तुमारे भीतर बैसौई काम करौ है।

कुलुस्सियों 2:2

ऐसौ कैहवे के पीछे मेरौ उद्‍देस्‍य जि है कै तुम समझदार है जाऔ जाते तुमारे मन में हिम्मत आ जाबै और तुम एक दूसरे ते पिरेम के रिस्ते में बंधे रहौ जाते तुम परमेस्‍वर की गहरी बातन नें अच्‍छी तरीका ते समझ पाऔ और मसीह कूं अच्‍छी रीति ते जान लेऔ।

2 थिस्सलुनिकियों 1:10

जि बा दिना हैबेगौ, जब बू अपने सब पबित्र लोगन ते जो बापै भरोसौ करतै बिनते महिमा और आदरमान लेवे आवेगौ। तुमंऊ बिन लोगन में हुंगे चौंकि तुमने हमारी गबाही पै भरोसौ करौ है।

2 थिस्सलुनिकियों 2:7

चौंकि व्‍यबस्था कूं ना मानबे बारौ जा समै मेंऊ रहस्‍य मय तरीका ते काम कर रयौ है। पर बू तब तक छिपौ रैबैगौ जब तक बाय रोकबे बारौ दूर ना है जाय।

1 तिमुथियुस 3:9

पर बे साफ मन ते भरोसे की गहराई कूं पकड़बे बारे होने चहिऐं।

इब्रानियों 1:3

बू बेटा परमेस्‍वर की महिमा कौ तेज और वाके सुभाब कौ प्रतिरूप है। बू बेटा अपने सामर्थी सब्दन के द्वारा सबरी सृस्‍टी कूं बनांये रखतै। बानें हमारे पापन कूं दूर करौ है और अब बू ऊपर सुरग में सर्वसक्‍तीमान परमेस्‍वर के दाहिने हात जा बैठौ है।

इब्रानियों 12:2

आओ हम, हमारे भरोसे के मालिक और सिद्ध करबे बारे ईसू पै नजर लगायें, जानें बा आनन्द के काजै जो वाके सामने मौजूद हतो, लज्‍जा की कछू चिंता नां करके क्रूस कौ दुख सहयौ, और परमेस्‍वर के सिंहासन के दाहिने हात बैठ गयौ।

इब्रानियों 7:7

जामें कोई सन्देह नांय कै जो आसीरबाद दैबै बू आसीरबाद लैबे बारे ते बड़ौ हैबै।

इब्रानियों 8:1

जो कछू हम कैह रये हैं, वाकी मुख्‍य बात जि है कै, पक्‍कौई हमारे जौरें एक ऐसौ महान महा पुरोहित है जो सुरग में परम पिरधान परमेस्‍वर के सिंहासन के दाहिने हात जा बैठौ है।

1 पतरस 1:12

बिनपै जेऊ उजागर करौ गयौए कै बे खुद अपनी सेबा नांय कर रये, पर तुमारी सेबा कर रये हैं। बे बातें सुरग ते भेजे गये पबित्र आतमा के द्वारा तुमें सुभ समाचार की सिछा दैबे बारेन के जरिये बता दयीं गई हतीं। जिन बातन कूं जानबे काजै सुरग दूत तरसते हते।

1 पतरस 1:20

जा दुनियां कूं बनाबे ते पैहलेई बाय चुन लियौ गयौ हतो, पर आखरी समै में तुमारे काजै पिरगट करौ है।

1 पतरस 1:21

वाके बजैह तेई तुम परमेस्‍वर पै भरोसौ करतौ, जाने बाकूं मरे भयेन में ते जीबित करौ हतो और महिमा दयी। तुमारौ भरोसौ और आसा परमेस्‍वर पै होय।

1 पतरस 3:18

चौंकि मसीह ने हमारे पापन के काजै दुख उठायौ, बू तौ धरमी हतो फिरऊ हमारे काजै मर गयौ कै, हमे परमेस्‍वर के जौरें लै जाबै, बू सरीर में तौ मर गयौ पर आतमा में जिलायौ गयौ।

1 पतरस 3:22

बू सुरग में परमेस्‍वर के सीदे हात मांउ बैठौ है और अब सुरग दूत और सुरग की सब सामर्थी और अधिकारी वाके अधीन में कर दिये गये हैं।

1 यूहन्‍ना 1:2

बू जीबन पिरगट भयौ और हमनें बाकूँ देखौ और वाकी गबाही देते भये तुमारे सामईं जि घोसना करें, कै कबऊ नांय खतम हैबे बारौ जीबन जो परमेस्‍वर पिता के संग हतो हम पै पिरगट भयौ है।

1 यूहन्‍ना 3:5

और तुम जानतौ कै मसीह हमारे सब पापन कूं दूर करबे कूं आयौ, और बामें कोई पाप नांय।

1 यूहन्‍ना 3:8

जो कोई पाप करतै बू सैतान की सन्‍तान है, चौंकि सैतान सुरू ते पाप करतौ चलौ आ रयौ है, परमेस्‍वर को बेटा जाके मारे आयौ के बू सैतान के कामन्‍नें खतम कर देय।

प्रकासित बाक्य 17:5

वाके माथे पै भेद ते भरौ भयौ नाम लिखौ देखौ, “बड़ौ बेबीलोन, बेस्‍यान की और धरती के सब गन्दे कामन की मईया।”

प्रकासित बाक्य 17:7

तब बा सुरग दूत ने मोते पूछी, “तू अचरज में चौं पर गयौऐ? मैं तोय बा डराबने पसु जाके सात सिर और दस सींग है जापे बू बैठीऐ, वाकौ भेद समझातूं।

प्रकासित बाक्य 7:9

जाके बाद मैने निगाह करकें देखौ, के हरेक देस, हरेक जात, हरेक कुल, हरेक भासा के लोगन की एक भौत बड़ी भीड़ जाय कोई गिन नांय सकै, बे सब सफेद कपड़ा पैहने और अपने हात में खजूर की डाली लिये भये राजगद्‍दी और मैमना के सामने खड़ी है।