1 तिमुथियुस 2:7 - बृज भासा

⁷ और मैं सच कैह रयौऊं, झूंठ नांय बोल रयो कै मैं जाई मारें पिरचारक, भेजौ भयौ चेला और गैर यहुदिन काजै भरोसे और सच्‍चाई को उपदेसक ठहरायो गयौ हूं।

1 तिमुथियुस 2:7 Iomraidhean Croise

यूहन्‍ना 7:35

यहुदी आपस में कैहबे लगे, “जि कां जाबैगौ, कै हम जाय ढूंढ नांय पाबिंगे? का जि हमारे लोगन जौरें जाबैगौ जो यूनानी में तितर-बितर हैके रैहतै और यूनानिन नें सिछा दैबैगौ?

प्रेरितन के काम 14:27

जब बे मापै पौहचे तब उन्‍नें कलिसिया के लोगन कूं इकठ्‌ठौ करौ और उनकूं बू सब कछू जो परमेस्‍वर ने उनके संग करौ हतो, बू सबरौ हाल कै सुनांयौ कै परमेस्‍वर ने गैर यहुदिन के काजैऊ भरोसौ करबे के द्वार खोल दये है।

प्रेरितन के काम 22:21

“और पिरभू ने मोते कही के, ‘मैं तोय गैर यहुदियन के बीच में भेजुंगो।’”

प्रेरितन के काम 26:20

सबते पैहले मैं दमिस्‍क और येरूसलेम के लोगन में और वाके बाद सबरे यहुदिया और गैर यहुदीयन में जा बात कौ पिरचार करौ के, बे अपने पापन ते मन फिरामें और पस्चाताप करकें जीन्दे परमेस्‍वर की सरन में आ जाय और मन फिरायबे जैसेई काम करें।

प्रेरितन के काम 9:15

तब पिरभू ने हनन्याह ते कही, “तू जा। चौंकि बू तौ मेरौ चुनों भयौ आदमीऐ। बू गैर यहुदियन और उनके राजान और इसरायलीन कै बीच में मेरे नाम ते पिरचार करैगौ।

रोमियों 1:9

परमेस्‍वर, जाकी सेबा में अपनी आतमा ते, वाके बेटा ईसू के सुभ समाचार के बारे में करतूं, बेई मेरौ गबाह है कै, मैं अपनी पिराथनान में तुम लोगन कूं लगातार याद करतौ रैहतूं।

रोमियों 10:14

पर बे जो बामें भरोसा नांय करते, वाकौ नाम कैसे पुकारेंगे? और बे जिन्‍नें वाके बारे में सुनी अई नांय, बामें भरोसा कैसे कर पाबेंगे? और फिर भला जब तक कोई बिनें सुभ समाचार सुनाबे बारौ न हो, तौ बे कैसे सुन सकेंगे?

रोमियों 11:13

अब मैं तुम गैर यहुदिन ते जि कैह रयौऊं, चौंकि मैं बिसेस रूप ते गैर यहुदियन के काजै भेजौ भयौ चेलाऊं, मैं अपनी सेबा के काजै पूरौ प्रयास कर रयौऊं।

रोमियों 15:16

मैं गैर यहुदिन के काजै ईसू मसीह कौ सेबक बनकै परमेस्‍वर के सुभ समाचार के काजै एक पुरोहित के रूप में काम करूं ताकि गैर यहुदी परमेस्‍वर के आगे अपनाबे योग्‍य भेंट बन सकें और पबित्र आतमा के द्वारा परमेस्‍वर के काजै पूरी तरैह पबित्र बनें।

रोमियों 9:1

मसीह में मैं सच कैह रयौऊं। मैं झूंठ नांय कैह रयौ और मेरौ बिबेक जो पबित्र आतमा के द्वारा मेरे संग मेरी गबाही देतै,

1 कुरिन्थियों 9:1

का मैं आजाद नांऊ? का मैं मसीह कौ भेजौ भयौ चेला नांऊ? का मैंनें अपने पिरभू ईसू मसीह के दरसन नांय करे? का पिरभू में मैंनें जो काम करे हैं तुम उन कामन के फल नाऔ?

2 कुरिन्थियों 11:31

हमारे पिरभू ईसू कौ पिता परमेस्‍वर युगानुयुग धन्य हैं, बू जानतुए कै मैं झूंठ नांय बोल रयौऊं।

गलातियों 1:16

तब परमेस्‍वर की महान किरपा मोपै भई, जाते मैं वाके बेटाये, अपने आप में प्रगट करूं,तब मैं गैर यहुदीयन मेंऊ बाको सुभ समाचार सुनांयवे गयौ, तब मैंनें तुरन्‍त काऊ आदमी ते सलाह नांय लई।

गलातियों 1:20

जो बात मैं तुमकूं लिख रयौ हूं, परमेस्‍वर गबाह है बे बात सच्‍ची हैं,

गलातियों 2:16

तौऊं जि जानकै कै मनुस्य व्‍यबस्था के कामन ते नांय, पर ईसू मसीह पै भरोसौ करिबे ते धरमी ठहरेगौ। जाई कारन हमनेंऊ मसीह ईसू पै भरोसौ करौ है, ताकि हम व्‍यबस्था के कामन ते नांय पर मसीह पै भरोसौ करवे ते धरमी ठहरे हैं, जा मारै व्‍यबस्था के कामन ते कोई आदमी धरमी नांय ठहरैगौ।

गलातियों 2:9

याकूब, पतरस और यूहन्‍ना जो कलिसिया के खम्भे हते परमेस्‍वर के बा अनुग्रह कूं जान गये जो मोय मिलौ हतो बिन्‍नें मोते और बरनबास ते संगती कौ हात मिलायकै जा बात में राजी है गये कै मैं और बनरबास गैर यहुदिन में काम करिगें और बे यहुदी लोगन में काम करिगें।

गलातियों 3:9

जामारै जो लोग परमेस्‍वर पै भरोसौ करतें, बे भरोसे योग्‍य अब्राहम के संग आसीस पाबिंगे।

2 तिमुथियुस 1:11

परमेस्‍वर नें मोय सुभ समाचार पिरचारक, ईसू को भेजौ भयौ चेला और सिछा दैवे बारौ ठहरायौ है।

2 पतरस 2:5

परमेस्‍वर नें पैहले युग की दुनियां कूं नांय छोड़ो, पर नूह की बा समै में रछा करी, जब अधर्मी दुनियां पै बाढ़ की पिरलै भेजी तब धरमी नूंह समेत आठ आदमी बचे हते। धारमिकता कौ पिरचार करबे बारौ नूंह जि सिक्छा दैतौ।