1 तिमुथियुस 2:6 - बृज भासा

⁶ बानें अपने आप कूं सबन के उद्धार के काजै फिरौती के रूप में दे दियौ जाते कै सही समै पै जि गबाही दई जावै कै परमेस्‍वर सबन नें बचाबौ चाहबै।

1 तिमुथियुस 2:6 Iomraidhean Croise

मत्‍ती 20:28

मैं, ‘मनुस्‍य कौ बेटा’ जामारै नांय आयौ कै लोग मेरी सेबा-टहल करैं। पर मैं, ‘मनुस्‍य कौ बेटा’ तौ सेबा-टहल करबे आयौ है। और अपनी जान भौतन के छुटकारे काजै दैवे आयौ हूं।”

मरकुस 1:15

“समै पूरौ है चुकौ है, और परमेस्‍वर कौ राज तुमारे जौरें आय गयोऐ, अपने पापन ते मन फिराऔ और परमेस्‍वर के सुभ समाचार पै भरोसौ करौ।”

मरकुस 10:45

चौंकि मैं, ‘मनुस्‍य कौ बेटा’ जाके मारे नांय आयौ कै मेरी सेबा-टहल करी जावें, पर जा काजै आयौ हूं कै दूसरों की सेबा-टहल करूं। और भौतन के छुटकारे काजै अपनों पिरान बिनकी जगैह पै दै दऊं।”

यूहन्‍ना 10:15

जैसे परम पिता मोय जान्‍तै और पिता कूं मैं जान्‍तूं और मैं भेड़न काजै अपने पिरान देतूं।

यूहन्‍ना 6:51

मैंई बू जीबन की रोटी हूं जो सुरग ते उतरौऊं। अगर कोई जा रोटीए खाबेगौ तौ कबऊ नांय मरैगौ। और बू रोटी जाय मैं दुंगो बू मेरौ सरीरै। जाई ते दुनियां जीबित रैहबैगी।”

रोमियों 16:26

पर जाय अनन्‍त परमेस्‍वर के आदेस ते परमेस्‍वर की ओर ते बात बताबे बारेन की किताब के द्वारा अब हमें और देस देस के लोगन पै पिरकट करके बता दयौ गयौ है जाते भरोसा ते आग्‍या मानबे बारे है जाबें।

रोमियों 5:6

चौंकि जब हम अबऊ कमजोरई हते तौ ठीक समै पै हम अधर्मीयौ के काजै मसीह ने अपनों बलिदान दयौ।

1 कुरिन्थियों 1:6

मसीह के बारे में हमनें जो गबाही दयीऐ, बू तुमारे बीच में परमेस्‍वर नें सच्‍ची साबित करी है।

2 कुरिन्थियों 5:21

मसीह नें कोई पाप नांय करौ। तौऊं परमेस्‍वर नें हमारे काजै बाय पापी बनायौ कै हम वाके द्वारा परमेस्‍वर के सामने धरमी ठहराये जांय।

गलातियों 1:4

ईसू मसीह नें हमारे पापन के काजै अपने आप कूं दै दियौ, ताकि हमारे पिता परमेस्‍वर की इच्‍छा के अनुसार हमें जा समै, जा बुरे संसार ते छुड़ाय लेय।

गलातियों 4:4

पर जब समै पूरौ भयौ, तब परमेस्‍वर नें अपने पुत्र कूं भेजौ, जो स्त्री ते पैदा भयौ और व्‍यबस्था के अधीन उत्पन्‍न भयौ।

इफिसियों 1:17

मैं पिराथना करतूं कै हमारे पिरभू ईसू मसीह को परमेस्‍वर, जो महिमा कौ पिता है, तुमें ग्‍यान और प्रकासन की आतमा दैवे, जाते तुम बाये और अच्‍छे तरीके ते जान लेओ।

इफिसियों 1:7

और ईसू के खून ते हमें छुटकारौ और अपराध ते छमा मिली है, जि हमारे परमेस्‍वर की अपार किरपा के अनुसार मिलौ है।

इफिसियों 3:5

जि रहस्‍य पिछली पीढ़ी के आदमिन कूं नांय बतायो गयौ पर आतमा के जरिये वाके पबित्र भेजे भये चेलान कूं और परमेस्‍वर की बात बताबे बारेन कूं समझायौ गयौ है।

इफिसियों 5:2

और तुम पिरेम ते जीबन जिये करौ जैसे मसीह नें हमते ते पिरेम करौ और परमेस्‍वर के सामने अपनी भेंट चढ़ा दयी। वाकौ जि पिरेम अपने बानें परमेस्‍वर कौ सुख दैवे बारी सुगन्धित धूप के समान परमेस्‍वर कौ भाबै अपने आपें बलिदान कर दयौ।

2 थिस्सलुनिकियों 1:10

जि बा दिना हैबेगौ, जब बू अपने सब पबित्र लोगन ते जो बापै भरोसौ करतै बिनते महिमा और आदरमान लेवे आवेगौ। तुमंऊ बिन लोगन में हुंगे चौंकि तुमने हमारी गबाही पै भरोसौ करौ है।

1 तिमुथियुस 6:15

बाय परमेस्‍वर सही समै पै दिखावेगौ, जौ परम धन्य और एकमात्र राज्‍य करबे बारौ राजान कौ राजा और पिरभून कौ पिरभू है।

2 तिमुथियुस 1:8

जामारैं तू हमारे पिरभू और मेरी गबाही ते लज्‍जित मत हैबै। मैं जो ईसू मसीह के पीछे चलवे की बजैह ते जेल में हूं, पर परमेस्‍वर की सामर्थ के अनुसार सुभ समाचार के काजै मेरे संग दुख उठा।

तीतुस 1:3

परमेस्‍वर नें ठीक समै पै अपने बा वचन कूं, बा पिरचार के द्वारा पिरकट करौ है, बू हमारे उद्धारकरता परमेस्‍वर की आग्‍या के अनुसार मोय सौंपो गयौ है।

तीतुस 2:14

बानें हमारे काजै अपने आप कूं दै दियौ, जाते बू हमें हर तरैह के पापन ते छुड़ा लैबै और हमें एक ऐसी सुद्ध पिरजा बनाबै, जो वाकी खुद की होय और बे भले-भले काम करबे काजै लालायित होय।

इब्रानियों 9:12

जानबरन के लहू कूं लैके बानें पिरबेस नां करौ पर सदा-सर्वदा के काजै भेंट स्‍वरूप अपनेई लहू कूं लैके अति पबित्र जगैह में दाखिल भयौ। जा तरैह बानें हमारे काजै पापन ते सदा कौ छुटकारौ सुनिस्चित कर दियौ।

1 पतरस 2:24

बानें हमारे सबरे पापन कूं अपने ऊपर लै लियौ और क्रूस पै चढ़ गयौ, जाते हम पापन के काजै मरकें धारमिकता के काजै जीबन बितामें वाकी मार खायबे तेई हम भले-चंगे भये है।

1 पतरस 3:18

चौंकि मसीह ने हमारे पापन के काजै दुख उठायौ, बू तौ धरमी हतो फिरऊ हमारे काजै मर गयौ कै, हमे परमेस्‍वर के जौरें लै जाबै, बू सरीर में तौ मर गयौ पर आतमा में जिलायौ गयौ।

1 यूहन्‍ना 4:10

सच्‍चौ पिरेम जामें नांय के हमनें परमेस्‍वर ते पिरेम करौ, बलकि जामें है कै बानें हमते पिरेम करौ, और हमारे पापन कूं दूर करबे काजै, अपने बेटा कूं बलिदान है बे काजै संसार में भेजौ।

प्रकासित बाक्य 5:9

और जब बे नए गीत गायबे लगे, “तू जा किताबे लैबे के लायक और मौहर के खोलबे के लायक है, तू मारौ भयौ और तैनें अपनों खून बहायकैं परमेस्‍वर के काजै हरेक कुल, हरेक भासा और हरेक जाती मैं ते लोगन कूं मोल लै लियौ है।