1 तिमुथियुस 2:1 - बृज भासा

¹ अब मैं सबते पैहले जि कैहरौऊं कै बिनती, पिराथना, निवेदन, और धन्यबाद सब लोगन के काजै परमेस्‍वर कूं दिये जामें।

1 तिमुथियुस 2:1 Iomraidhean Croise

प्रेरितन के काम 17:30

अब तक परमेस्‍वर नें बीते समै के लोगन कौ हिसाब लैबौ नांय चांहतु, पर अब वाकी जि आग्‍या है कै, लोग अपने पापन ते मन फिराऔ।

रोमियों 1:8

तुम लोगन के भरोसे की चरचा सबरी दुनियां में है रयी है। जामारै सबनते पैहले मैं तुम सबन के काजै ईसू मसीह द्वारा अपने परमेस्‍वर कूं धन्यबाद देतूं।

रोमियों 6:17

पर परमेस्‍वर का धन्यबाद है कै, तुम लोग जो पैहले पाप के दास हते, अब अपने सबरे मन ते बिन उपदेसन की रीति पै चलबे लगे, जो तुमें सौंपे गये हते।

1 कुरिन्थियों 15:3

जो मुख्य बात मोय मिली हती, मैंनें बू तुम लोगन तक पौंहचा दयी। बू जेई है कै पबित्र सास्त्र के वचन के अनुसार, मसीह हमारे पापन के काजै मारौ गयौ,

2 कुरिन्थियों 8:6

जामारै हमनें तीतुस ते बिनती करी कै, जैसौ बानें पैहले जा काम की सुरूआत करबे में तुमारी मदद करी हती, बा अनुग्रह के काम कूं तुमारे बीच में पूरौ करबे काजै मदद करै।

इफिसियों 3:13

जाईमारै मैं तुम लोगन ते जि बिनती करतूं, कै मैं तुम लोगन के काजै जो परेसानी सैह रयौ हूं, वाके मारै तुम हिम्मत मत हारौ चौंकि जाईमें तुम लोगन की महिमा है।

इफिसियों 5:20

और हमेसा सब बातन काजै पिरभू ईसू मसीह के नाम में परमेस्‍वर पिता कौ धन्यबाद करतै रेयौ।

इफिसियों 6:18

और हर समै हर तरैह ते आतमा में पिराथना करतै रहौ, बिनती करत रहो और जागत रहो, और सब परमेस्‍वर के पबित्र लोगन के काजै पिराथना करते रहो।

फिलिप्पियों 1:3

जब जब मैं तुमें याद करतूं, तब तुमारे काजै परमेस्‍वर कौ धन्यबाद देतूं।

फिलिप्पियों 4:6

और काऊ बात की चिन्‍ता मत करौ, हर बात में पिराथना और बिनती, धन्यबाद के संग परमेस्‍वर के सामने अपने निवेदन रखौ।

1 थिस्सलुनिकियों 3:12

और पिरभू ऐसौ करै के जैसै हम तुमते पिरेम रखतें बैसेई तुमारो पिरेम एक दूसरे के काजै और सब लोगन के काजै बढै़ और उमड़तौ रैहबे।

2 थिस्सलुनिकियों 1:3

हे भईयाओ, तुमारे बारे में हमें हर समै परमेस्‍वर कौ धन्यबाद करनों चहिऐं, और जि ठीकउ है। चौंकि तुम सब भरोसे में भौतई बढ़ते जा रयेऔ और तुम में आपसी पिरेमऊ भौत बढ़तौ जा रयौ है।

1 तिमुथियुस 2:4

परमेस्‍वर चाहबै कै सब लोगन कूं उद्धार मिलै और सब सच्‍चाई कूं अच्छी तरैह ते जानें,

1 तिमुथियुस 5:5

बे औरत जो हकीकत में बिधबाएं हैं जिनकौ कोई नांय, बे परमेस्‍वर पै आसा रखें और रात-दिन पिराथना में लगी रैहमें और परमेस्‍वर ते मदत मांगें।

2 तिमुथियुस 2:24

पिरभू के सेबक कूं लड़ाई-झगडो करबे बारौ नांय होनौ चहिऐ, पर बू सबन के संग मिलनसार, सहनसील और अच्‍छी सिछा दैवे बारौ होंनो चहिऐं।

तीतुस 2:11

चौंकि परमेस्‍वर कौ अनुग्रह सब लोगन के उद्धार काजै पिरगट भयौ है।

तीतुस 3:2

काऊ की निन्दा नां करें और झगड़ालू नां हों, पर सहनसील हों और लोगन के संग कोमलता कौ व्‍यवहार करें।

इब्रानियों 6:11

हमारी इच्‍छा है कै, तुम में ते हर कोई अन्‍त तक ऐसौई कठिन परिस्रम करतौ रैहबै। अगर तुम ऐसौ करौ तौ तुम पक्‍कौई बाय पा जाओगे जाकी तुम आसा कर रये हैं।

याकूब 5:16

जामारैं तुम एक दूसरे के सामने अपने अपने पापन नें मान लेओ और एक दूसरे काजै पिराथना करौ कै, तुम सही सलामत है जाऔ। धरमी आदमी की पिराथना ते भौत कछू हे सकतुए।