1 तिमुथियुस 1:4 - बृज भासा

⁴ और बिन मनगढ़न्त कहानी और बिन पीढ़ीन पै मन ना लगामें, जो लड़ाई झगडे़ करबामें और परमेस्‍वर की बा इच्‍छा कूं पूरौ नांय करैं जो केबल भरोसे तेई पूरी करी जा सकते हैं।

1 तिमुथियुस 1:4 Iomraidhean Croise

2 कुरिन्थियों 1:12

हम जा बात कूं घमन्ड के संग सच्‍चे मन ते कैह सकते कै, हमनें जा दुनियां के संग और खास करकें तुमारे संग परमेस्‍वर की किरपा के अनुसार ही बौहार करौए। हमनें सीधे और सच्‍चे मन के संग बौहार करौए, जो हमे परमेस्‍वर ते मिलतिए, जा दुनियां की बुध्दी ते नांय।

इफिसियों 3:2

तुम लोगन नें जि जरूर सुनों होगों कै परमेस्‍वर नें तुम लोगन की भलाई के काजै मोय अपनी किरपा की सेबकाई कौ काम सौंपौं हैं।

1 तिमुथियुस 3:16

और जामें कोई संदेह नांय के भक्‍ती को भेद कैसौ महान है, बू जो आदमी के रूप में पैदा भयौ, आतमा में धरमी ठहरो, सुरग दूतन कूं दिखाई दीयो, देस देस के लोगन में बाको पिरचार करौ गयौ, संसार में बापे भरोसौ करो गयौ, और जो महिमा में सुरग में उठायौ गयौ।

1 तिमुथियुस 4:7

पर असुद्ध और पुरानी कहानिन ते दूर रैह जिनमें परमेस्‍वर नांय, पर अपने आप कूं परमेस्‍वर की भक्‍ति में लगा।

1 तिमुथियुस 6:11

तू परमेस्‍वर कौ सेबक हैबे के नाते इन सब बातन ते अलग रह और धारमिकता, भक्‍ती, भरोसौ, पिरेम, धीरज, और बिनम्रता में बनों रै।

1 तिमुथियुस 6:20

तिमुथियुस, जा धरोहर की रखबारी करतौ रह और संसार की बातन और बेफिजुल की बहस ते खुद कूं दूर रख जिन्नें कछू लोग गलती ते ग्‍यान की बात मानै।

2 तिमुथियुस 2:14

लोगन कूं इन बातन कौ ध्‍यान दिलातौ रैह और परमेस्‍वर कूं गबाह मानकै बिनते बिनती करतौ रैह, बे भौत से सब्दन के बारे में आपस में लड़ाई झगड़ौ नां करें। चौंकि जाते कोई फायदा नां हैबै बल्कि जो इन्हें सुनं बिनके काजै ये नांस कौ कारन है सके।

2 तिमुथियुस 2:22

तू जबानी की बासनान ते भाग, जौ कोई सुद्ध मनते पिरभू को नाम लेतै बिनके संग धरम, भरोसे, पिरेम और मेल-मिलाप के संग संगती करतौ रैह।

2 तिमुथियुस 2:23

पर मूर्खता और बेकार की बातन ते दूर रैह, चौंकि तू जानें कै इन बातन ते लड़ाई-झगड़े पैदा हैमें।

2 तिमुथियुस 4:4

बे अपने कानन नें सच्‍चाई ते फेर के कथा कहानीन पै लगांगे

तीतुस 1:1

जि चिठ्‌ठी पौलुस की ओर ते है, जो परमेस्‍वर कौ दास और ईसू मसीह कौ भेजौ भयौ चेला है, ताकि बू परमेस्‍वर के चुने भये लोगन कूं भरोसे बढ़ाबे और सच्‍ची भक्‍ती कौ ग्‍यान दैबे काजै तीतुस कूं भेज रौय,

तीतुस 1:14

और बिन्नें समझा कै सच्‍चाई ते भटके भए यहुदियन की झूंठी कथा कहानिन पै और आदमिन की आग्‍यान पै मन ना लगामें।

तीतुस 3:9

मूर्खता के बिबाद, और बंसावलि, और लड़ाई झगड़े और व्‍यबस्था सम्बन्धी झगड़न ते दूर रै। चौंकि इनते कोई लाभ नांय और जि बेकार के है।

इब्रानियों 13:9

हर तरैह की अनजानी सिछान ते भटक मत जईयों। चौंकि तुम्हारे मन के काजै जि अच्‍छौ है कै, बू परमेस्‍वर की किरपा के द्वारा मजबूत बनें, ना कै खाबे-पीबे सम्बन्धी नियमन कूं मानबे ते, इन नें मानबे बारेन में ते कबऊ काऊ कौ भलौ नांय भयौ।

2 पतरस 1:16

जब हमनें अपने लोगन कूं पिरभू ईसू मसीह के सामर्थ और आबे के बारे में तुमें बतायो हतो, बू कहानी कोई चालाकी ते नांय बनाई पर हमनें तौ वाकी जि महिमा आँखन ते देखीए और हम वाके गबाह हैं।