1 तिमुथियुस 1:16 - बृज भासा

¹⁶ पर मोपै जामारैं दया भई कै मैं जो सबनते बड़ौ पापी ऊं, मोपै ईसू मसीह ने पूरी सहन सीलता दिखाई है, और जो लोग ईसू मसीह में कबऊ नांय खतम हैबे बारे जीबन के काजै भरोसौ करिंगे बिनके काजै मैं नमूना बनूं।

1 तिमुथियुस 1:16 Iomraidhean Croise

लूका 15:10

मैं तुमते कैहतूं कै जाई तरैह तै एक मन फिरायबे बारे पापी के काजैऊ परमेस्‍वर के सुरग दूतन की मौजूदगी में मांपै खुसी मनाई जाबेगी।”

लूका 23:43

ईसू नें बा अपराधी ते कही, “मैं तोते सच कैह रयौ हूं, कै तू आजई मेरे संग सुरगलोक में होगौ।”

लूका 7:47

जामारै मैं तोते कैहतूं कै, जाकौ जि भौत गहरौ पिरेम जि दिखावते, कै जाके भौत पाप छमा करे गए हैं, पर जाके थोड़े पाप छमा करे गए हैं जानें थोड़ौ पिरेम करौऐ।”

यूहन्‍ना 20:31

जो बात जा किताब में लिखे हैं, बे जा बजैह ते लिखीऐं कै तुम भरोसौ करौ ईसू ही परमेस्‍वर कौ बेटा मसीह है। तुम बापै भरोसौ करौ और वाके नाम ते जीबन पाऔ।

यूहन्‍ना 3:36

जो बेटा पै भरोसौ करैगौ बाय कबऊ नांय खतम हैबे बारौ जीबन मिलेगौ, जो बेटा कूं नांय अपनाबेगौ बाय बू जीबन नांय मिलैगौ, पर बापै परमेस्‍वर कौ क्रोध बनों रैहबेगौ।

यूहन्‍ना 5:24

“मैं तुमते सही सच कैह रयौऊं कै, जो मेरौ वचन सुनकें मेरे भेजबे बारे पै भरोसौ करतै, कबऊ नांय खतम हैबे बारौ जीबन वाकौ है। बापै दन्‍ड की आग्‍या नांय होबेगी, पर बू मौत कूं जीतकै जीबन में पिरबेस कर चुकौ है।

यूहन्‍ना 6:37

बू हरेक आदमी जाकूं पिता नें मोय सौंपौए मेरे जौरें आबैगौ और जो मेरे जौरें आबैगौ मैं बाय कबऊ नांय जानें दुंगो।

यूहन्‍ना 6:40

और मेरे पिता की जेई इच्‍छाए कै जो कोई पुत्र कूं देखेगौ बापै भरोसौ करैगौ, बू कबऊ नांय खतम हैबे बारौ जीबन पाबैगौ और आखरी दिन में मैं बाय जीबित करुंगो।”

यूहन्‍ना 6:54

जो मेरौ सरीर खातै और खून पीवतै, कबऊ नांय खतम हैबे बारौ जीबन वाकौऐ और आखरी दिन में मैं बाय फिर जीबित करूंगो।

प्रेरितन के काम 13:39

मूसा की व्‍यबस्था के अनुसार कोई निरदोस नांय ठहर सकतौ पर ईसू मसीह पै भरोसौ करबे बारौ अपने पापन ते निरदोस ठहरतै।

रोमियों 15:4

हर बू बात जो सास्त्रन में पहले लिखी गयी, हमें सिछा देबे के काजै है, जाते जो धीरज और हिम्मत सास्त्र ते मिलतै, हम बाते आसा प्राप्‍त करें।

रोमियों 6:23

चौंकि पाप की मजदूरी तौ बस मौतई है जबकि हमारे पिरभू ईसू मसीह में कबऊ नांय खतम हैबे बारौ जीबन, परमेस्‍वर का सेंत मेंत कौ वरदान है।

1 कुरिन्थियों 7:25

कुआरेन के बारे पिरभू की ओर ते मोय कोई आग्‍या नांय मिली। जामारै मैं तुमें पिरभू की दया प्राप्त करकै भरोसेमंद रैहबे की सलाह दै रयौऊं।

2 कुरिन्थियों 4:1

चौंकि जब हम पै ऐसी दया भयी, कै हमे जि सेबा मिली, तौ हम हार नांय मान्‍त।

इफिसियों 1:12

मसीह पै आसा रखबे बारे पैहले हम लोग हैं, हम लोगन जरिये परमेस्‍वर की महिमा की स्तुति होवे।

इफिसियों 1:6

परमेस्‍वर नें अपनी किरपा की महिमा हम पै पिरकट करी और बू किरपा हमें वाके लाड़ले बेटा पिरभू ईसू मसीह के जरिये सेंत मेंत में मिली है। जाकी वजैह ते वाकी स्तुति होबै।

इफिसियों 2:7

कै परमेस्‍वर बा किरपा ते जो ईसू मसीह में हम पै है, आवे बारे युग में अपने अनुग्रह कौ असीम धन दिखाबै जाकी कोई बराबरी नांय।

2 थिस्सलुनिकियों 1:10

जि बा दिना हैबेगौ, जब बू अपने सब पबित्र लोगन ते जो बापै भरोसौ करतै बिनते महिमा और आदरमान लेवे आवेगौ। तुमंऊ बिन लोगन में हुंगे चौंकि तुमने हमारी गबाही पै भरोसौ करौ है।

1 तिमुथियुस 1:13

पहलें तौ मैं परमेस्‍वर कौ अपमान करबे बारौ, और लोगन नें सताबे बारौ, अन्धेर करबे बारौ हतो। तोऊं मोपै परमेस्‍वर की दया भई है, चौंकि मैंनें तौ जि काम अबिसबास की दसा में बिना समझ बूझ के करे हते।

इब्रानियों 7:25

जेई कारन है कै, जो लोग वाके द्वारा परमेस्‍वर तक पौंहचें, बू बिनकौ हमेसा के काजै उद्धार करबे में सामर्थी है, चौंकि बू बिनके काजै बिचौलिया बनकै सदैव जीबित है।

1 पतरस 3:20

जि बिन लोगन की आतमा हतीं, जिन लोगन नें भौत पैहले परमेस्‍वर कौ बिरोध करौ हतो, जब नूह कौ जहाज बन रयौ हतो और परमेस्‍वर धीरज के संग इन्‍तजार कर रौ हतो, बा जहाज में आठ आदमी पानी ते बच पाये हते।

2 पतरस 3:15

अगर पिरभू अपनी सहन सीलता की बजैह ते देर करतै तौ जाय अपनों उद्धार समझौ। जो हमारे प्यारे भईया पौलुस नें परमेस्‍वर ते मिले ग्‍यान ते तुमारे काजै लिखौ हतौ।

2 पतरस 3:9

पिरभू अपने बादे के काजै देर नांय करै जाय लोग कितनीं देर में समझें और तुमारे बारे में धीरज धरौ है कै बू जि नांय चाहबै के और कोई नास होय। पर सबन कूं मन फिराबे कौ मौकौ मिलै।