1 तिमुथियुस 1:13 - बृज भासा

¹³ पहलें तौ मैं परमेस्‍वर कौ अपमान करबे बारौ, और लोगन नें सताबे बारौ, अन्धेर करबे बारौ हतो। तोऊं मोपै परमेस्‍वर की दया भई है, चौंकि मैंनें तौ जि काम अबिसबास की दसा में बिना समझ बूझ के करे हते।

1 तिमुथियुस 1:13 Iomraidhean Croise

लूका 12:47

“बू सेबक जो अपने स्‍वामी की इच्‍छा कूं जानतौ और बू तैयार न रहै और न वाकी की इच्‍छा के अनुसार नांय चलौ तौ बू भौत मार खाबैगौ।

लूका 23:34

फिर ईसू नें कही, “हे पिता इनकूं छमा कर चौंकि जि नांय जानतई कै जि का कर रयेएं।” फिर सिपाइयन नें परची डारकै ईसू के कपड़ा बांट लये।

प्रेरितन के काम 22:4

मैने उनकूं जो ईसू की सिछा कौ मानने और वाके पीछे चलबे बारेन कूं इतनौ सतायौ कै, बे मर गये। मैने आदमी और औरतन कूं जबरन खेंच के जेल में डार दयौ।

प्रेरितन के काम 3:17

“हे भईयाओ, अब मैं जानतूं कै जैसे अनजाने में तुमने बैसौई करौ, बैसौई तुमारे नेतन नेंऊ करौ।

प्रेरितन के काम 8:3

साऊल बा समै कलिसिया कूं सताय रयो हतो। बू घर घर में ते, का आदमी, का औरत सबन कूं घसीट घसीट के जेल में डार रयो हतो।

प्रेरितन के काम 9:1

साऊल अब तक पिरभू के चेलान नें धमकायबे और मार डारबे की धुन में रैहतो हतो। बू महा पुरोहित के जौरे गयौ।

प्रेरितन के काम 9:13

जा बात पै हनन्याह ने कही, “हे पिरभू, मैने बाय येरूसलेम में तेरे पबित्र लोगन पै अत्‍याचार करत भये सुनोंऐ,

प्रेरितन के काम 9:5

तब साऊल नें बाते पूछी, “हे पिरभू! तू कोऐ?” तब बानें कही, “मैं ईसू हूं, जाय तू सताबतुए।

1 कुरिन्थियों 15:9

चौंकि मैं तौ भेजे भये सब चेलान ते छोटौऊं। मैं भेजौ भयौ चेला कैहबे लायकऊ नांऊ, चौंकि मैने परमेस्‍वर की कलिसिया कूं सतायौ हतो।

1 कुरिन्थियों 7:25

कुआरेन के बारे पिरभू की ओर ते मोय कोई आग्‍या नांय मिली। जामारै मैं तुमें पिरभू की दया प्राप्त करकै भरोसेमंद रैहबे की सलाह दै रयौऊं।

गलातियों 1:13

पैहले जब मैं यहुदी मत कूं मानतो तब तुम मेरे चाल-चलन जानते हते,कै मैं कैसे परमेस्‍वर की कलिसियाऐं मारतो पीटतौ और नांस करवौ चाहतो,

फिलिप्पियों 3:6

अगर मेरे जोस की बात करौ तौ कलिसिया पै अत्‍याचार करबे बारो और व्‍यबस्था की धारमिकता की बात करौ तौ मैं बिलकुल निरदोस हतो।

1 तिमुथियुस 1:16

पर मोपै जामारैं दया भई कै मैं जो सबनते बड़ौ पापी ऊं, मोपै ईसू मसीह ने पूरी सहन सीलता दिखाई है, और जो लोग ईसू मसीह में कबऊ नांय खतम हैबे बारे जीबन के काजै भरोसौ करिंगे बिनके काजै मैं नमूना बनूं।

इब्रानियों 4:16

जामारैं आओ, हम भरोसे के संग परमेस्‍वर की किरपा के सिंहासन के जौरें जामें, जाते हमें दया मिलै और हमें बू किरपा मिलै, जो हमारी जरूरतन में हमारी सहायता करैगी।

1 पतरस 2:10

तुम पैहले तौ कछू नांय हते, पर अब तौ परमेस्‍वर की अपनी खुद की पिरजाऔ। तुम पै पैहले तौ दया नांय भयी हती, पर अब तुम पै दया भयीऐ।