1 तिमुथियुस 1:1 - बृज भासा

¹ मैं, पौलुस जो हमारे मुक्‍तीदाता परमेस्‍वर और हमारी आसा ईसू मसीह के आदेस के अनुसार ईसू मसीह कौ भेजौ भयौ चेला हूं,

1 तिमुथियुस 1:1 Iomraidhean Croise

लूका 1:47

मेरी आतमा उद्धारकरता परमेस्‍वर की खुसी ते भर गई हती।

लूका 2:11

आज दाऊद के नगर में तुमारे काजै एक उद्धारकरता पैदा भयौए और जेई मसीह पिरभू है।

प्रेरितन के काम 9:15

तब पिरभू ने हनन्याह ते कही, “तू जा। चौंकि बू तौ मेरौ चुनों भयौ आदमीऐ। बू गैर यहुदियन और उनके राजान और इसरायलीन कै बीच में मेरे नाम ते पिरचार करैगौ।

रोमियों 1:1

मैं,पौलुस जि चिठ्‌ठी, रोम की कलिसिया काजै लिख रयौऊं। मैं ईसू मसीह कौ सेबक, परमेस्‍वर के द्वारा भेजौ भयौ चेला चुनों गयौऊं, और सुभ समाचार पिरचार काजै बुलायौ गयौऊं।

1 कुरिन्थियों 1:1

परमेस्‍वर की इच्‍छा के अनुसार ईसू मसीह कौ भेजौ भयौ चेला बनबे काजै चुनों गयौ, मैं,पौलुस और बिसबासी भईया सोस्थिनेस, जि चिठ्‌ठी कुरिन्थुस सहर में स्थित परमेस्‍वर की कलिसिया के लोगन कूं लिख रये हैं। जो ईसू मसीह में पबित्र करे गये हैं और जो पबित्र हैबे काजै बुलाये गये है और बिन सब लोगन के काजैऊ लिख रयौऊं जो हर जगैह हमारे पिरभू ईसू मसीह कौ नाम पुकारते रैहते।

1 कुरिन्थियों 9:17

अगर मैं जि अपनी इच्‍छा ते जि कम कर रयौऊं, तौ मोय जाकी मजदूरी मिलनी चहिऐं। पर जि काम मैं फर्ज के रूप में करतूं चौंकि परमेस्‍वर नें जि जिम्मेदारी मोय सौंपी है।

2 कुरिन्थियों 1:1

मैं, पौलुस, परमेस्‍वर की इच्‍छा के अनुसार ईसू मसीह कौ भेजौ भयौ चेला, और भईया तिमुथी जि चिठ्‌ठी कुरिन्थियुस सहर की कलिसिया कूं और अखाया नगर में रैहबे बारे सब परमेस्‍वर के पबित्र लोगन के काजै लिख रये हैं।

गलातियों 1:1

जि चिठ्‌ठी पौलुस की ओर तेऐ, जाय भेजौ भयौ चेला हैबे काजै मनुस्यन की ओर ते नांय बुलायौ गयौ पर ईसू मसीह और पिता परमेस्‍वर की ओर ते बुलायौ है, परमेस्‍वर जानें ईसू मसीह कूं मरे भयेन में ते जीबित करौए,

गलातियों 1:11

हे भईयाओ, मैं तौ चाहतूं के तुम जिय जान लेउ जो सुभ समाचार मैने तुमें सुनांयौ हतो बू मनुस्यन के द्वारा बनांयौ भयौ नांय,

कुलुस्सियों 1:27

परमेस्‍वर अपने चुने भये लोगन के जरिये जि पिरगट करबाबौ चावै कै भेदन ते भरौ सत्‍य कितनों बहुमूल्‍य है और जि सत्‍य सबन के काजै है और सत्‍य जि है कै मसीह तुमारे भीतर रैहबै, और परमेस्‍वर की महिमा कूं पाबे काजै बुई हमारी एकमात्र आसा है।

2 थिस्सलुनिकियों 2:16

हमारे पिरभू ईसू मसीह खुदई और हमारे पिता परमेस्‍वर जानें हमते पिरेम करौऐं और अनुग्रह ते कबऊ नांय खतम हैबे बारी सान्‍ती और उत्‍तम आसा दयी है,

1 तिमुथियुस 1:12

मैं, पिरभू ईसू मसीह कौ धन्यबाद करूं जानें मोय सामर्थ दई है, और मोय भरोसे योग्‍य समझकै अपनी सेबा के काजै चुनों है।

1 तिमुथियुस 2:3

जा तरैह ते पिराथना करबौ भलौ है और हमारे उद्धारकरता परमेस्‍वर कूं भाबै

1 तिमुथियुस 2:7

और मैं सच कैह रयौऊं, झूंठ नांय बोल रयो कै मैं जाई मारें पिरचारक, भेजौ भयौ चेला और गैर यहुदिन काजै भरोसे और सच्‍चाई को उपदेसक ठहरायो गयौ हूं।

1 तिमुथियुस 4:10

हम सब जामारैं मेहनत और कोसिस कर रये है चौंकि हमारी आसा जीन्दे परमेस्‍वर पै है। जो सबरे लोगन कौ और खासतौर पै बिनकौ जो बापे भरोसौ करैं बिनकौ उद्धारकर्ता है।

तीतुस 1:3

परमेस्‍वर नें ठीक समै पै अपने बा वचन कूं, बा पिरचार के द्वारा पिरकट करौ है, बू हमारे उद्धारकरता परमेस्‍वर की आग्‍या के अनुसार मोय सौंपो गयौ है।

तीतुस 2:10

और स्‍वामी के य्हाँ चोरी ना करै, पर सब तरैह ते अच्‍छे और भरोसे मन्द रैहमें। ऐसौ करबे ते बे हमारे उद्धारकरता परमेस्‍वर की सिछा की सोभा बढ़ांगे।

तीतुस 2:13

और बा धन्य दिना की बाट जोहते रहमें जब हमारी आसा पूरी होगी, और हमारे महान परमेस्‍वर और उद्धारकरता ईसू मसीह की महिमा पिरगट होगी।

तीतुस 3:4

पर जब उद्धारकरता परमेस्‍वर की किरपा और लोगन पै वाकौ पिरेम पिरगट भयौ

तीतुस 3:6

बानें पबित्र आतमा हमारे उद्धारकरता ईसू मसीह के द्वारा हम पै भरपूरी उंडेलौ है।

1 पतरस 1:21

वाके बजैह तेई तुम परमेस्‍वर पै भरोसौ करतौ, जाने बाकूं मरे भयेन में ते जीबित करौ हतो और महिमा दयी। तुमारौ भरोसौ और आसा परमेस्‍वर पै होय।

1 पतरस 1:3

हमारे पिरभू ईसू मसीह के पिता परमेस्‍वर कौ धन्यबाद होय। बानें हमारे पिरभू ईसू मसीह कूं मरे भयेन में ते जी उठबे के द्वारा अपनी बड़ी दया ते हमें जीबित आसा में नयौ जन्म दियौ है।

2 पतरस 1:1

जि चिठ्‌ठी ईसू मसीह के भेजे भये चेला मुझ, सिमौन पतरस की ओर ते बिन लोगन काजैंऐ, जिनें हमारे परमेस्‍वर और हमारे उद्धारकरता मसीह ईसू की धारमिकता के द्वारा हमारौ सौ भौत कीमती भरोसौ पायौए।

1 यूहन्‍ना 4:14

परमेस्‍वर पिता नें अपने बेटा कूं संसार के उद्धारकरता के रूप में भेजौ। बाय हमनें देखौ है और हम वाकी गबाही देमें।

यहूदा 1:25

और जो हमारे पिरभू ईसू मसीह के द्वारा उद्धार करतै, बाई एकमात्र परमेस्‍वर की महिमा, बैभव, पराक्रम और अधिकार सदा-सदा ते अब तक और युगानुयुग तक बनों रैहबै। ऐसौई हैबै!