1 थिस्सलुनिकियों 4:5 - बृज भासा

⁵ और जा कामें सरीर की इच्‍छा पूरी करवे काजै मत करौ जैसे कै गैर यहुदी जो परमेस्‍वर कूं नांय जानै करतै।

1 थिस्सलुनिकियों 4:5 Iomraidhean Croise

मत्‍ती 6:32

चौंकि गैर यहुदी लोग इन सब चीजन के पीछे भाजतै। पर तुमारौ सुरगीय पिता खुदई जानतै कै तुमें इन सब चीजन की जरुरत है।

लूका 12:30

चौंकि परमेस्‍वर कूं ना जानने बारे सांसारिक लोग इन सब चीजन की खोज में रैहतें और तुमारौ पिता जानतै, कै तुमें इन चीजन की जरुरत है।

प्रेरितन के काम 17:23

जब मैं तुमारे पिराथना करबे बारी जगैन में घूम रयो हतो, तब मैने एक ऐसी बेदी देखी बापै लिखी हती, ‘अनजाने देबता के काजै।’ जामारै तुम बिना जाने वाकी पिराथना करतो, और मैं तुमें बा परमेस्‍वर के बारे में वचन सुनांयबे आयौऊ।

रोमियों 1:24

जामारै परमेस्‍वर ने बिन्‍नें मन की बुरी इच्‍छान के हातन में सौंप दयौ है। ताकि बे एक दूसरेन के संग कुकर्म करके सरीरन कौ अनादर करबे लगें।

रोमियों 1:26

जामारै परमेस्‍वर नें बिनें नीच बासनाओं के हातन में सौंप दयौ है। य्हां तक कै बिनकी औरतें बिनते सम्बन्ध ना बनांयकै, औरतन के संग सम्बन्ध बनाबे लग गयीं।

रोमियों 1:28

चौंकि बिन्‍नें अपने जीबन में परमेस्‍वर कूं पहचानबे की कीमत नांय जानीं, जामारै परमेस्‍वर नेंऊ बिनें गलत काम करबे काजै, बिनके भ्रस्‍ट मन के हबाले कर दयौ।

1 कुरिन्थियों 1:21

चौंकि परमेस्‍वर ने अपने ग्‍यान के अनुसार कबऊ जि नांय चाहौ कै, संसार के लोग अपने ग्‍यान के बल ते बाय पैहचानें। पर परमेस्‍वर कूं जि अच्‍छौ लगौ कै हमारे दिये गये संदेस के पिरचार के द्वारा भरोसौ करबे बारे बचाये जायें। जा पिरचार कूं संसार के लोग मूर्खता समझतै।

1 कुरिन्थियों 15:34

होस में आ जाऔ, अच्‍छौ जीबन जीऔ, जैसौ कै तुम में होनों चहिऐं। सही तौ जि है कै पाप करबौ छोड़ देऊ। चौंकि तुम में कछू लोग तौ परमेस्‍वर के बारे में जान्‍तई नांय। मैं तुमें सरमिन्दा करबे काजै जि कैह रयौ।

गलातियों 4:8

पैहले तुम लोग परमेस्‍वर कूं नांय जानते, जामारै तुम ऐसे ईस्‍वर के दास हते, जो हकीकत में परमेस्‍वर नांय हते।

इफिसियों 2:12

तुम लोग याद रखियों कै पैहले तुम मसीह ते अलग हते और इसरायल कि बिरादरी ते छिके भये हते और प्रतिग्‍या की बाचाओं ते अनजान, और जा संसार में बिना परमेस्‍वर के निरास जीबन जीते हते।

कुलुस्सियों 3:5

जामारैं तुम अपने सरीर की बुरी इच्‍छान कूं मार डारौ जो धरती पै हैं, जैसे व्‍यभिचार, असुद्धता, दुसकामना, बुरी लालसा, और लोभ कूं जो मूरती पूजा के बराबर है।

2 थिस्सलुनिकियों 1:8

और जो लोग परमेस्‍वर कूं नांय जानें और हमारे पिरभू ईसू के सुभ समाचार कूं नांय मानें, बिनकूं दन्‍ड दैवेगौ।

1 पतरस 4:3

चौंकि तुम गैर यहुदिन की तरैह काम करबे और लुचपन, बुरी लालसा, व्‍यभिचार, मतबारौपन, पियक्‍कड़ और घृनित मूरती पूजा जहां तक हमनें पैहले समै बितायौ बुई भौत है।