1 थिस्सलुनिकियों 4:4 - बृज भासा

⁴ और तुम में ते हर एक कूं अपनी पत्नी के संग पबित्र और आदर भाव के संग जीबन जीनों चहिऐं

1 थिस्सलुनिकियों 4:4 Iomraidhean Croise

प्रेरितन के काम 9:15

तब पिरभू ने हनन्याह ते कही, “तू जा। चौंकि बू तौ मेरौ चुनों भयौ आदमीऐ। बू गैर यहुदियन और उनके राजान और इसरायलीन कै बीच में मेरे नाम ते पिरचार करैगौ।

रोमियों 1:24

जामारै परमेस्‍वर ने बिन्‍नें मन की बुरी इच्‍छान के हातन में सौंप दयौ है। ताकि बे एक दूसरेन के संग कुकर्म करके सरीरन कौ अनादर करबे लगें।

रोमियों 12:1

जामारै हे भईया बहनों, परमेस्‍वर की दया कूं याद दिलाकै, मैं तुमते निबेदन करतूं कै, अपने सरीर कूं जीबित और पबित्र बलिदान के रूप में परमेस्‍वर कूं खुस करते भये चढ़ाऔ। जि तुमारी आतमिक सेबा है।

रोमियों 6:19

मैं एक उदाहरन दे रयौऊं, जाय सब लोग समझ सकें चौंकि बाय समझबौ तुम लोगन के काजै कठिन है। चौंकि तुमने अपने सरीर के अंगन कूं कुकरम के काजै असुद्धता और कुकर्म के दास के रूप में सौंप दयौ हतो, अब तुम लोग ठीक बैसे ही अपने सरीर के अंगन कूं दास के रूप में धारमिकता के हाथों सौंप दो जाते बू पबित्र है जाबें।

1 कुरिन्थियों 6:15

का तुम जि नांय जानौ कै, तुमारी देह मसीह कौ अंगे? तौ का मैं जा अंगे बैस्‍या कौ अंग बनांऊ? कबऊ नांय।

1 कुरिन्थियों 7:2

पर व्‍यभिचार के पाप ते बचबे काजै हरेक औरत कौ अपनों पती होय और हरेक आदमी की अपनी पत्नी होय।

1 कुरिन्थियों 7:9

अगर बे अपने आप कूं काबू में नांय रख पामे और व्‍यभिचारी में परें, जाते तौ जि बढ़ियाए कै बे अपनों ब्याह करलें।

2 कुरिन्थियों 4:7

पर हम जैसे मट्‍टी के बासनान में जि आतमिक धन रखौ भयौऐ, जाते जि मालूम पड़ जाबै कै, जि असीम सामर्थ हमारे मांऊते नांय, पर परमेस्‍वर की ओर ते है।

फिलिप्पियों 4:8

जामारैं हे मेरे भईयाओ, जो जो बात सच्‍चीयें, जो बात आदर कीयें, जो बात सही है, जो बात पबित्र है, जो बात सुनिबे में अच्छी हैं, जो बात मन कूं अच्छी लगें, जिन बातन में अच्छे गुन हैं और जिन बातनते भौत बड़ाई हैबै बिन बातन पैई ध्यान लगाऔ।

इब्रानियों 13:4

ब्याह कौ सब कूं आदर करनों चहिऐ। सादी सुदा जीबन में पती और पतनी एक दूसरे काजै बफादार रैहमें। चौंकि परमेस्‍वर व्‍यभिचारिन और कुकरमिन कूं दन्‍ड दैबैगौ।

1 पतरस 3:7

हे पतीयों अगर तुमऊं अपनी पतनीन के संग समझदारी ते एसौई ब्यबहार करौ, और बिनकूं निरबल समझकें आदर देऔ और अपने कबऊ नांय खतम हैबे बारे जीबन के वरदान में दोनों बारिस बनों, जाते तुमारी पिराथनान में कोई रुकाबट नांय आबै।