1 थिस्सलुनिकियों 4:1 - बृज भासा

¹ हे भईयाओ, अब हमें तुमकूं कछु और बात बतानी हैं। पिरभू ईसू के नाम में हम तुमते पिराथना और निबेदन करतै, कै तुमनें हमते परमेस्‍वर कूं खुस करबे काजै जो सिछा पाई है और निस्चय तुम बा तरैह ते चल रये हैं, और बामें बैसेई जादा ते जादा चलते रहो।

1 थिस्सलुनिकियों 4:1 Iomraidhean Croise

यूहन्‍ना 15:2

हरेक डार जापै फल नांय लगत बाय बू काट देतुए, और जापे फल लगतें बाय बू छांटके सफाई करतै जाते बापै और जादा फल आयें।

प्रेरितन के काम 20:27

चौंकि मैं परमेस्‍वर की सबरी इच्‍छा कूं तुमें बतायबे ते नांय हिचकिचायौ।

रोमियों 8:8

पर बे जो सरीर के इच्‍छान के अनुसार जीबित हैं, परमेस्‍वर कूं खुस नांय कर सकत।

1 कुरिन्थियों 11:23

चौंकि जो सीख मोय पिरभू ते मिली है, बुई सीख मैं तुमें लिख रयौऊं। जा रात पिरभू ईसू धोखे ते पकरबाये गये, बा रात पिरभू ने एक रोटी लयी,

1 कुरिन्थियों 15:1

हे भईया बहनों, अब मैं तुमें बा सुभ समाचार के बारे याद दिबा रयौऊं, जाय मैं पैहले बताय चुकौऊं और बाय तुमने अपनांयौऊऐं, और जामें तुम मजबूत बनेऊ भयेऔ।

1 कुरिन्थियों 15:58

जामारै हे मेरे प्यारे भईया बहनों, तुम अटल और मजबूत बने रहौ और जि जानिकें कै पिरभू के काजै तुमारी मेहनत बेकार नांय, तुम पूरी तरैह ते पिरभू के काम करते रहौ।

2 कुरिन्थियों 10:1

मैं, पौलुस, खुद मसीह की सी दयालुता और दीनता ते तुम लोगन ते निबेदन करतूं। कछू लोग कैहतै, जब मैं तुम लोगन के संग हतो तौ नम्रता रखतूं, पर जब मैं तुमते दूर हूं तौ तुमारे प्रति कठोरता दिखातूं।

2 कुरिन्थियों 13:11

अब हे भईया-बहनो, आखिर में मेरौ तुमते जेई कैहनों है कै खुस रहौ। सिद्ध बनते जाऔ, एक मन रहौ, हिम्मत रखौ, मेल ते रहौ। पिरेम और सान्‍ती कौ परमेस्‍वर तुमारे संग रैहबै।

2 कुरिन्थियों 5:9

जामारै हम चांहे जा देह में रहें या नांय रहें हमारी तौ जेई इच्‍छाए कै हम पिरभू कूं भाते रैहबें।

2 कुरिन्थियों 6:1

हम परमेस्‍वर के संग काम में संगी हैबे के नाते, तुम लोगन ते बिनती करतैं के, परमेस्‍वर की जो किरपा तुम पै भयी है, बाय बेकार मत जान देऊ।

गलातियों 6:1

हे भईयाओ, यदि कोई आदमी काऊ पाप में पकड़ौ जावें, तौ तुम जो आतमिक हो, बाय बड़ी नरमाई ते सम्हारौ जाते बू फिर ते अच्‍छे रस्ता पै आ जाये और खुदऊ हुसियार रहो, कऊं ऐसौ ना होय तुमऊं काऊ परीछा में ना पड़ जाऔ।

इफिसियों 4:1

मैं पौलुस, जो पिरभू के सुभ समाचार सुनाबे की बजैह ते जेल में बन्दी हूं, तुमते बिनती करतूं कै जा बुलाहट ते तुम बुलाये गये हों बाई तरैह ते अपनों चाल-चलन रखौ।

इफिसियों 4:20

तुम लोगन कूं ईसू मसीह में ऐसी सिछा नांय दई गयी।

इफिसियों 5:17

जामारै नासमझ मत बनों बल्कि पिरभू की इच्‍छाए पैहचानों।

फिलिप्पियों 1:27

बस एक बात को ध्‍यान रखौ, कै तुमारो चाल-चलन ईसू मसीह के सुभ समाचार के योग्‍य होय। चाँहे मैं तुमारे जोरै आयकै मिलूं चाँहे नांय मिलूं, पर जब कबऊ तुमारे बारे में सुनूं तौ जेई सुनूं कै, तुम एक आतमा में डटे रैहकें और एक मन हैकें सुभ समाचार के भरोसे के काम काजै भौत मेहनत करतौ

फिलिप्पियों 1:9

मैं पिराथना करतूं कै तुमारो पिरेम, बुद्धि और सबरी समझ के संग बढ़तौ जाबै।

फिलिप्पियों 3:14

मैं बड़ी उत्सुकता के संग अपने लक्छ की मांऊ दौड़तौ चले जाऊं जाते मैं सुरग में जायकै बू उपहार पाऊं जाके काजै परमेस्‍वर में मोय पिरभू ईसू मसीह नें बुलायोए।

कुलुस्सियों 1:10

जाते कै तुमारौ चाल-चलन बिलकुल पिरभू के जैसौ है जावै और तुम सब तरैह ते पिरभूए खुस रख सकौ। तुमारे जीबन ते हर तरह के भले काम होते जावें और परमेस्‍वर कौ ग्‍यान तुम में दिन प्रतिदिन बढ़तौ जाबै।

कुलुस्सियों 2:6

जा तरैह ते तुम ईसू मसीह कूं पिरभू जानके अपने जीबन में उतार लियौ और अंत तक तुम बाई के पीछे चलते जाऔ।

1 थिस्सलुनिकियों 3:12

और पिरभू ऐसौ करै के जैसै हम तुमते पिरेम रखतें बैसेई तुमारो पिरेम एक दूसरे के काजै और सब लोगन के काजै बढै़ और उमड़तौ रैहबे।

1 थिस्सलुनिकियों 4:2

चौंकि तुम जानतौ कै हमनें तुमकूं जो सिछा दई हती बू पिरभू ईसू के अधिकार ते हती।

1 थिस्सलुनिकियों 5:12

हे भईयाओ, हम तुमते बिनती करतै कै, तुमारे काजै जो मेहनत करतै और पिरभू में जो तुमारे अगुबा है और बे तुमें बे सिछा देतै, बिनकौ आदर करै करौ।

2 थिस्सलुनिकियों 1:3

हे भईयाओ, तुमारे बारे में हमें हर समै परमेस्‍वर कौ धन्यबाद करनों चहिऐं, और जि ठीकउ है। चौंकि तुम सब भरोसे में भौतई बढ़ते जा रयेऔ और तुम में आपसी पिरेमऊ भौत बढ़तौ जा रयौ है।

2 थिस्सलुनिकियों 2:1

हे भईयाओ, अब हम अपने पिरभू ईसू मसीह के दुबारा आयवे और वाके जौरें हम सबन के आपस में इकठ्‌ठे हैबे के बारे में तुमते बिनती कर रेहैं,

2 थिस्सलुनिकियों 3:1

हे भईयाओ, हम आखरी में एक और बात तुमते चाहमें कै तुम हमारे काजै पिराथना करै करौ जाते कै पिरभू कौ वचन एसैई और जगैन पैऊ जल्दी ते फैलै और महिमा पाए, जैसो तुम में फैलौ है,

2 थिस्सलुनिकियों 3:13

पर हे भईयाओ, तुम भलाई करबे में हिम्मत मत हारौ।

1 तिमुथियुस 5:21

परमेस्‍वर और ईसू मसीह और चुने भये सुरग दूतन कूं मौजूद जानिके मैं तोय जि चेताबनी दै रयौ हूं, कै तू अपने मनें खोल के इन बातनें माने कर और कोई काम भेद भाव के संग मत करै।

2 तिमुथियुस 4:1

मसीह ईसू जो अपने राज्‍य में पिरगट होगौ और जीन्देन कौ और मरे भयेन कौ न्याय करैगौ। बाय और परमेस्‍वर कूं गबाह मानकैं, मैं तौकूं जि आग्‍या दै रयौऊं।

इब्रानियों 11:6

भरोसे के बिना परमेस्‍वर कूं खुस करनों असम्भव है। चौंकि हर एक जो परमेस्‍वर के जौरें आतै, वाके काजै जि जरूरी है कै, बू जा बात कौ भरोसौ करै कै परमेस्‍वर कौ अस्तित्व हतै और बे जो बाय सच्‍चाई के संग खोजते, बू बिनकूं वाकौ प्रतिफल दैबै।

इब्रानियों 13:16

पर नेकी करबौ और अपनी वस्तुन नें औरन के संग बांटबो मत भूलौ। चौंकि परमेस्‍वर ऐसीई बलिदान ते खुस हैबै।

इब्रानियों 13:22

हे भईयाओ, मेरी बिनती है कै तुम हिम्मत दैबे बारे मेरे जा वचन कूं अपना लेऔ। चौंकि मैंनें तुम्हें जि चिठ्‌ठी भौत संछेप में लिखी है।

2 पतरस 3:18

हमारे उद्धार करबे बारे हमारे पिरभू ईसू मसीह की किरपा और ग्‍यान में बड़ते जाऔ। अब हमेसा हमेसा वाकी महिमा होती रहै। ऐसौई होबे।

1 यूहन्‍ना 3:22

हम बाते जो कछु मागिगें, बू हमें बुई दैवेगौ चौंकि हम वाकी आग्‍या कौ पालन करतैं, और बुई करतैं जो बाय अच्‍छौ लगतै।