1 थिस्सलुनिकियों 2:2 - बृज भासा

² और तुम जेऊ जानें कै तुमारे जौरें आयबे ते पहलै हमें फिलीपी नगर में दुख और बुरौ व्‍यवहार सहनों परौ। और जब हम थिस्सलुनिकियों में आये तौ य्हांपैऊ हमारौ भौत बिरोध भयौ। फिरऊ परमेस्‍वर नें हमें हिम्मत दयी कै हम बिना डर के तुम लोगन के बीच में सुभ समाचार कौ पिरचार करें।

1 थिस्सलुनिकियों 2:2 Iomraidhean Croise

प्रेरितन के काम 14:3

जामारै पौलुस और बरनबास मापै भौत दिना तक टिके रहे और बे पिरभू के बारे में बिना डरे पिरचार करते रहे और पिरभू उनके द्वारा भौत ते अदभुत काम करबाबतु रयो और अपनी दया ते अपनों वचन मापै उनमे बैठ गयौ।

प्रेरितन के काम 14:5

तब गैर यहुदी लोग और यहुदी लोग अपने नेतन के संग मिलकै बनरबास और पौलुस के संग बुरौ बौहर करबे और पथराब करबे की चाल चली।

प्रेरितन के काम 16:12

और मांते हम फिलीपी नगर में पौहचे जो मकिदुनियां जिले का मुख्‍य नगर और रोमी बस्तीऐ, मापै कछू दिना रहै।

प्रेरितन के काम 16:19

तब वाके मालिकन ने देखौ कै उनकौ कमाई कौ सबरौ रस्ता बन्द है गयौ तौ बे पौलुस और सीलास कूं बाजार में घसीटत भये अधिकारिन के जौरे खैंचके लै गये।

प्रेरितन के काम 16:37

पर पौलुस ने सिपाइन ते कही, “हम रोम के रैहबे बारे हैं और बिन्‍नें बिना जांच करे कै हम दोसी हैं, बिन्‍नें हम में कौड़ा लगबाये और जेल में डार दयौ। अब जि नांय है सकत कै हम चुपचाप निकर जायैं। बू खुद आयकें निकारै।”

प्रेरितन के काम 17:1

पौलुस और सीलास अम्फिपुलिस और अपुलोनियां होत भये थिस्सलुनीके में पहुँचे। मापै एक यहुदिन कौ पिराथना घर हतो।

प्रेरितन के काम 17:17

जामारै बू रोजाना यहुदिन ते बिनके पिराथना घरन में और यूनानी ते और मांके बाजार में मिलबे बारे लोगन ते रोजाना बहस करते रैहते।

प्रेरितन के काम 19:8

फिर पौलुस तीन महीने तक यहुदी पिराथना घरन में बिना डरे परमेस्‍वर के वचन सुनातौ रयौ। बू यहुदियन के संग बहस करते भए उन्हें परमेस्‍वर के राज्‍य के बारे में समझाबतो।

प्रेरितन के काम 4:13

उन्‍नें जब पतरस और यूहन्‍ना की निडरता कूं देखौ और जि समझी कै, बे बिना पढ़े लिखे और साधारन ते आदमी हैं तौ उन्हें भौत अचरज भयौ। तब उनकूं पतौ चली के जि ईसू के संग रह चुके हैं।

प्रेरितन के काम 4:20

चौंकि हमनें जो कछू देखौऐ और सुनौए बाय बतायबे ते तौ हम चूक नांय सकत।”

प्रेरितन के काम 4:31

जब उन्‍नें पिराथना पूरी करी तौ जा जगह पै बे सब इकठ्‌ठे हते, बू हिलबे लगी और उन सबन में पबित्र आतमा समा गयौ, और बे बिना डरके सामर्थ के संग परमेस्‍वर के वचन बोलबे लगे।

प्रेरितन के काम 5:41

जामारै बे भेजे भये चेला जा बात कौ आनन्द मनाबते भए यहुदी महा सभा ते चले गये कै, उन्‍नें ईसू के नाम के काजै अपमान सैहबे लायक गिनौ गयौऐ।

रोमियों 1:1

मैं,पौलुस जि चिठ्‌ठी, रोम की कलिसिया काजै लिख रयौऊं। मैं ईसू मसीह कौ सेबक, परमेस्‍वर के द्वारा भेजौ भयौ चेला चुनों गयौऊं, और सुभ समाचार पिरचार काजै बुलायौ गयौऊं।

2 कुरिन्थियों 3:12

अपनी जाई आसा की बजैह ते हम बिना डर ते बोलतें।

कुलुस्सियों 2:1

जो तुम लौदिकिया में रैह रये हैं तुम सब मनुस्‍य सुन लेओ मैं तुमें जि बात बतानौ चाहूं जो तुम मोते कबऊ नांय मिले, मैं बिन काजैऊं भौत जोर ते मेहनत कर रयौ हूं।

1 थिस्सलुनिकियों 1:5

चौंकि हमारौ सुभ समाचार तुमारे याँपै केवल सब्दन में ही नांय बल्कि सामर्थ, पबित्र आतमा में और बडे़ निस्चय के संग पौंहचायौ गयौ है। जैसो कै तुम जानतें, जब हम तुमारे बीच में हते तौ तुमारे काजै कैसे बने हते।

2 तिमुथियुस 1:12

जामारैं मैं य्हांपै इन दुखन नें सह रयौऊं, पर मैं जाते लज्‍जित नांऊ। चौंकि मोय पतौ है कै मैंनें कौन पै भरोसौ करौए और मोय निस्चय है कै बू मेरी धरोहर की आखरी दिना तक रखबारी करवे में सामर्थी है।

यहूदा 1:3

हे प्यारे भईयाओ, हम जा उद्धार में बराबर के सहभागी हैं। मैं वाके बारे में तुमें लिखबे की कोसिस कर रयौ हतो, पर अब मैंनें जि जरूरी समझौ कै, जा चिठ्‌ठी के द्वारा तुम लोगन ते जि बिनती करूं कै तुम लोग बा भरोसे में बने रैहबे काजै संघर्स करौ, जो सदा काजै परमेस्‍वर के पबित्र लोगन कूं सौंपौ गयौ है।