1 थिस्सलुनिकियों 2:1 - बृज भासा

¹ हे बिसबासी भईयाओ! तुम जि खुद ही जानतौ कै हमारौ तुमारे जौरें आयबो बेकार नांय भयौ।

1 थिस्सलुनिकियों 2:1 Iomraidhean Croise

1 कुरिन्थियों 15:10

पर आज मैं जो कछू हतूं, परमेस्‍वर की किरपा ते हूं। वाकी किरपा मोपै भई है, बू किरपा बेकार नांय। पर मैंनें दूसरे भेजे भये चेलान ते बढ़ चढ़कें मेहनत करी है, बू मेहनत करबे बारौ मैं नांओ पर परमेस्‍वर की किरपा हती जो मेरे संग रैहती है।

1 कुरिन्थियों 15:2

अगर तुम बा सुभ समाचार कूं जो मैंनें तुमें सुनांयौ हतो बामें मजबूती के संग बने रहो तौ तुमारौ उद्धार होबेगौ। अगर तुम ऐसौ नांय करत तौ तुमारौ भरोसौ करबौ बेकार हैबेगो।

1 कुरिन्थियों 15:58

जामारै हे मेरे प्यारे भईया बहनों, तुम अटल और मजबूत बने रहौ और जि जानिकें कै पिरभू के काजै तुमारी मेहनत बेकार नांय, तुम पूरी तरैह ते पिरभू के काम करते रहौ।

2 कुरिन्थियों 6:1

हम परमेस्‍वर के संग काम में संगी हैबे के नाते, तुम लोगन ते बिनती करतैं के, परमेस्‍वर की जो किरपा तुम पै भयी है, बाय बेकार मत जान देऊ।

गलातियों 2:2

परमेस्‍वर नें मोय दरसन दयौ हतो, बाई के अनुसार मैं मांपे गयौ हतो। मांपै जो सुभ समाचार मैं गैर यहुदियन के बीच में पिरचार करतूं, वाके बारे में एकान्त में कलिसिया के बड़े लोगन कूं सुनांयौ, ताकि कऊं ऐसौ न होय कै मेरी मेहनत और पिछली दौड़ धूपऊ बेकार चली जाय।

गलातियों 4:11

मोय तौ जा बात कौ डर है, कै कऊं मैंनें जो तुमारे काजै जो मेहनत करि है, बू बेकार नांय चली जाबै।

फिलिप्पियों 2:16

जब तुम जीबन दैवे बारे सुभ समाचारए सुनातौ और ऐसौ करतैं तौ पिरभू ईसू मसीह के आयबे के दिना मोय तुम पै घमन्ड होगौ कै, मेरी दौड़ और मेहनत बेकार नांय गयी।

1 थिस्सलुनिकियों 2:13

हम जामारैऊ परमेस्‍वर कौ लगातार धन्यबाद करतें। जब हमारे द्वारा परमेस्‍वर कौ वचन तुम्हारे जौरें पौंहचौ तौ तुमने बू आदमी कौ वचन नांय, पर जैसौ कै बू बास्तव में है परमेस्‍वर कौ वचन समझ के अपनांयो हतो। और जि वचन तुम भरोसौ करबे बारे लोगन मेंऊ काम करतै।

1 थिस्सलुनिकियों 3:5

जा वजेह ते मोपै और नांय रहयो गयौ तौ तुम्हारे भरोसे को हाल जानबे काजै तिमुथियुस कूं भेजौए। कंहूं ऐसौ न भयौ होय के सैतान ने तुमारी परीक्छा करी होय और तुम डगमगा गये होंय और हमारी करी भयी मेहनत बेकार है गई होय।

2 थिस्सलुनिकियों 1:10

जि बा दिना हैबेगौ, जब बू अपने सब पबित्र लोगन ते जो बापै भरोसौ करतै बिनते महिमा और आदरमान लेवे आवेगौ। तुमंऊ बिन लोगन में हुंगे चौंकि तुमने हमारी गबाही पै भरोसौ करौ है।

2 थिस्सलुनिकियों 3:1

हे भईयाओ, हम आखरी में एक और बात तुमते चाहमें कै तुम हमारे काजै पिराथना करै करौ जाते कै पिरभू कौ वचन एसैई और जगैन पैऊ जल्दी ते फैलै और महिमा पाए, जैसो तुम में फैलौ है,