1 थिस्सलुनिकियों 1:6 - बृज भासा

⁶ तुम बड़े दुख में पबित्र आतमा की ओर ते मिले आनन्द के संग वचन कूं मानकै हमारी और हमारे पिरभू की सी चाल चलवे लगेऔ।

1 थिस्सलुनिकियों 1:6 Iomraidhean Croise

मत्‍ती 16:24

तब ईसू नें अपने चेलान ते कही, “जो कोई मेरे पीछै आयबौ चाहबै बू अपने आपकूं कछू ना समझै,और अपनों क्रूस उठाबै और मेरे पीछे आवे।

यूहन्‍ना 8:12

ईसू नें फिर ते कही, “जगत कौ उजीतौ मैंईऊं। जो कोई मेरे पीछे रैहबेगौ बू कबऊ अंधेरे में नांय चलेगौ, पर जीबन कौ उजीतौ पाबैगौ।”

प्रेरितन के काम 13:52

पर अन्ताकिया के चेला आनन्द और पबित्र आतमा ते भरे भये रैहते।

प्रेरितन के काम 5:41

जामारै बे भेजे भये चेला जा बात कौ आनन्द मनाबते भए यहुदी महा सभा ते चले गये कै, उन्‍नें ईसू के नाम के काजै अपमान सैहबे लायक गिनौ गयौऐ।

प्रेरितन के काम 9:31

जामारै सबरे यहुदिया, सामरिया और गलील की कलीसियन में सबन कूं सकुन मिलौ। बिकास होत गयौ और बे पिरभू के भय में, पबित्र आतमा की सान्‍ती में बढ़त गये।

रोमियों 15:13

सब आसाओं का स्रोत परमेस्‍वर, तुमें सम्पूर्न आनन्द और सान्‍ती ते भर देबे जैसा कै बामें तुमारौ भरोसा है, ताकि पबित्र आतमा की सक्‍ती ते तुम आसा ते भरपूर है जाओ।

1 कुरिन्थियों 11:1

तुम लोग ऐसे चलौ, जैसे मैं मसीह के पीछे चलतूं, बैसेई तुमऊ मसीह के पीछे चलौ।

1 कुरिन्थियों 11:2

मैं तुमारी बड़ाई करूं, चौंकि तुम मोय हर बात में याद करत रैहतो, और मैने जो पिरभू कौ वचन तुमें सिखायौऐ, तुम वाकौ साबधानी ते पालन कर रयेऔ।

1 कुरिन्थियों 4:16

जामारै मेरी तुमते जि बिनतीए कै तुम मेरी तरैह जीबन जीऔ।

2 कुरिन्थियों 6:10

हमे सोक में व्‍याकुल समझौ जातै जबकि हमतौ हमेसा खुस रहतें। हम दीन हीन के रूप में जाने जाबते, जबकि हम तौ भौतन कूं बैभव साली बनांय रये हैं। लोग हमझतें के इन पै कछू नांय, पर हमारे जौरे तौ सब कछू है।

2 कुरिन्थियों 8:5

बिन्‍नें अपनी उदारता में हमारी आसा ते भौत आगे बढ़के करौ। उन्‍नें पैहले खुद कूं पिरभू के हात में सौंप दयौ और फिर परमेस्‍वर की इच्‍छा के अनुसार खुद कूं हमें दै दयौ।

गलातियों 5:22

पर पबित्र आतमा का फल पिरेम, आनन्द, सान्‍ती, धीरज, दयालुता, भलाई, भरोसौ

इफिसियों 5:1

तुम लोग परमेस्‍वर की प्यारी सन्‍तानें हैं जामारै परमेस्‍वर के सुभाव पै चलौ।

फिलिप्पियों 3:17

हे मेरे भईयाओ सब मिलकें मेरे जैसे चलौ और मैंनें तुम लोगन के काजै एक नमूना दियोए और बाई के अनुसार चलबे बारेन पै ध्यान देऔ।

2 थिस्सलुनिकियों 1:4

जामारैं हम परमेस्‍वर की दूसरी कलिसियान मेंऊ तुम लोगन पै घमन्‍ड करतै। चौंकि जितने उपद्रव और कस्ट तुम सहतौ उन सब में तुमारी सहन सीलता और भरोसौ पिरगट होतै।

2 थिस्सलुनिकियों 3:7

तुम खुदई जानें कै तुमें हमारी जैसै चलनों चहिऐं। चौंकि जब हम तुमारे जौरें हते तबऊ काम धन्धो करते।

2 थिस्सलुनिकियों 3:9

हमें जि अधिकार हतो कै हम तुमते खा सकते, पर हमनें जि जामारैं नांय करौ चौंकि हम तुमारे सामने एक नमूना रखबो चाहते कै तुम हमारी जैसी चाल चलौ।

2 तिमुथियुस 4:2

परमेस्‍वर के सुभ समाचार कौ पिरचार कर और समै और असमै सिछा दैवे काजै तैयार रैह। तू लोगन कूं बिनके पापन के काजै डांट, और ध्‍यान रख ऐसौ करते समै बे उदास ना होंय जाके मारै धीरज के संग बिनें सिखा।

इब्रानियों 10:34

चौंकि जो मसीह कौ नाम लैबे की बजैह ते बंदीघर में पड़े हते, तुम बिनके कस्‍टन में सहभागी बने और जब तुम लोगन की धन-सम्पत्‍ति जब्त करी गयी तौ तुमनें जि आनन्द के संग स्‍वीकार करौ, चौंकि तुम जि जानते हते कै, तुम्हारे जौरें बिनते अच्‍छी और हमेसा ठहरबे बारी सम्पत्‍ति है।

1 पतरस 1:6

जि तुम लोगन के काजै भौत खुसी की बात है हालांकि अब थोरे समै के काजै तुम लोगन कूं भौत तरैह के कस्‍ट सहने पर रये हैं।

1 पतरस 1:8

तुमनें बाय कबऊ नांय देखौ फिरऊ तुम बाते पिरेम करतें। और तुम बिना देखे बापै भरोसौ करके खुस हैमें जो महिमा ते भरौ भयौऐ जाकौ बरनन नांय करौ जाय सकै।

1 पतरस 3:13

अगर तुम भलाई करबे काजै लालायित रहिंगे तौ को तुमारी बुराई करैगौ?

3 यूहन्‍ना 1:11

है मेरे प्यारे भईयाओ, बुराई के पीछे मत चलौ पर भलाई कौ पीछौ करौ, भलाई परमेस्‍वर की ओर ते है, पर बुराई परमेस्‍वर की ओर ते नांय। और जो बुराई करै बानें परमेस्‍वर कूं नांय जानौं।