1 थिस्सलुनिकियों 1:5 - बृज भासा

⁵ चौंकि हमारौ सुभ समाचार तुमारे याँपै केवल सब्दन में ही नांय बल्कि सामर्थ, पबित्र आतमा में और बडे़ निस्चय के संग पौंहचायौ गयौ है। जैसो कै तुम जानतें, जब हम तुमारे बीच में हते तौ तुमारे काजै कैसे बने हते।

1 थिस्सलुनिकियों 1:5 Iomraidhean Croise

मरकुस 16:20

चेलान नें बाहर जायकै हर जगेह पै सुभ समाचार पिरचार करौ, और पिरभू बिनमें काम करतौ रयो। और बिन निसान के द्वारा जो संग-संग होते हते, वचन कूं दृढ़ करतो रहो।

लूका 1:1

जो बात हमारे बीच में भई हैं, बिनकौ इतिहास लिखबे की भौत ते लोगन नें कोसिस करी।

प्रेरितन के काम 11:21

पिरभू की सामर्थ उनके संग हती और भौत ते लोग भरोसौ करकें पिरभू की और फिरे।

प्रेरितन के काम 16:14

बिन औरतन में लुदिया नाम की औरत हती बू थूआतीरा नगर की रैहबे बारी हती जो कीमती बैजनीं कपड़न कौ बौपार करती हती, जो परमेस्‍वर पै भरोसौ करबे बारी हती। और पिरभू ने वाकौ मन खोलौ ताकि बू पौलुस की सिछा पै ध्‍यान दै सकै।

प्रेरितन के काम 2:33

ईसू परमेस्‍वर के दाहिने हात, सबते ऊँचौ पद पायकै बैठौए, बानें परम पिता परमेस्‍वर की प्रतिग्‍या के अनुसार पबित्र आतमा पाई और फिर बानें जा आतमा कूं हम पै उतार दयौ, जैसौ कै अब तुम देख रयेऔ और सुन रये हो।

रोमियों 1:16

चौंकि मैं सुभ समाचार ते लज्जित नांय होत जि हर एक भरोसौ करबे बारे के काजै पहले यहुदी और फिर गैर यहुदिन के काजै उद्धार के काजै परमेस्‍वर की सामर्थ है।

रोमियों 15:13

सब आसाओं का स्रोत परमेस्‍वर, तुमें सम्पूर्न आनन्द और सान्‍ती ते भर देबे जैसा कै बामें तुमारौ भरोसा है, ताकि पबित्र आतमा की सक्‍ती ते तुम आसा ते भरपूर है जाओ।

रोमियों 2:16

जि सब बातें बा दिना होंगी, जब परमेस्‍वर, मेरे द्वारा पिरचार करे गये सुभ समाचार के आधार पै लोगन की छुपी भई बातन कौ न्याय ईसू मसीह के द्वारा करैगौ।

1 कुरिन्थियों 1:24

पर परमेस्‍वर के बुलाये भये चाहे, बे यहुदी होंय या यूनानी होंय, दोनोंन के काजै मसीह परमेस्‍वर की सक्‍ती, और परमेस्‍वर कौ ग्‍यान है।

1 कुरिन्थियों 10:33

मैं खुद हरेक कूं खुस करबे को यतन करतूं, बिना जि सोचै कै, जामें मेरौ का फायदा है। पर मैं तौ जि सोचतूं कै भौतन कौ उद्धार होय।

1 कुरिन्थियों 3:16

का तुम नांय जानत कै तुम खुद परमेस्‍वर के बड़े पिराथना घर हौ और परमेस्‍वर की आतमा तुम में रैहतै?

1 कुरिन्थियों 3:6

मैने बीज बोयौ, अपुल्‍लोस ने सींचौ और परमेस्‍वर ने बढ़ायो, पर बड़ौ तौ परमेस्‍वरै जानै बाकूं बढ़ायौऐ।

1 कुरिन्थियों 4:20

चौंकि परमेस्‍वर कौ राज केवल बातन पै नांय, पर सामर्थ पै टिकौ है।

1 कुरिन्थियों 9:14

जाई तरैह ते पिरभू की जि आग्‍या है कै, जो लोग सुभ समाचार पिरचार करतै, बिनकी जीबिका सुनबे बारेन तेई पूरी होनीं चहिऐं।

2 कुरिन्थियों 3:6

बानें हमे नई बाचा कै सेबक बनबे योग्‍य ठहरायौए। जि कोई लिखी भई व्‍यबस्था नांय, पर पबित्र आतमा की बाचा है। चौंकि लिखी भई व्‍यबस्था तौ मौत लातै, जबकि पबित्र आतमा जीबन देतै।

गलातियों 2:2

परमेस्‍वर नें मोय दरसन दयौ हतो, बाई के अनुसार मैं मांपे गयौ हतो। मांपै जो सुभ समाचार मैं गैर यहुदियन के बीच में पिरचार करतूं, वाके बारे में एकान्त में कलिसिया के बड़े लोगन कूं सुनांयौ, ताकि कऊं ऐसौ न होय कै मेरी मेहनत और पिछली दौड़ धूपऊ बेकार चली जाय।

गलातियों 5:5

पर मसीह पै भरोसे की बजैह ते परमेस्‍वर के सामने धरमी हैबे की आस करतें जाके काजै पबित्र आतमा नें हमें इन्‍तजार करबे की सामर्थ दयी है

इफिसियों 2:10

चौंकि परमेस्‍वर नें हमें बनांयौ है, और बानें ईसू मसीह में हमारी सृस्‍टी जामारै करी है कै हम अच्‍छे काम करै, जिनै परमेस्‍वर नें पैहले तेई हमारे काजै तैयार करौ है।

इफिसियों 3:20

परमेस्‍वर तौ ऐसौ सामर्थी है, कै हमारी बिनती और समझ तेऊ जादा काम कर सकतै, बई सामर्थ ते जो हममें काम करतै, कलिसिया में और ईसू मसीह में वाकी महिमा युगानुयुग तक होती रैहबै। ऐसौई होबे।

फिलिप्पियों 2:13

परमेस्‍वर नें अपने उद्‍देस्‍ये पूरौ करवे काजै तुम लोगन के मन में जि इच्‍छा जगाईये और बा कामें करबे काजै सक्‍तीऊ दयीऐ।

फिलिप्पियों 4:9

और जो बात तुमने मोते सुनीयें और सीखीयें और मोते प्राप्‍त करी है और मोमें देखी है बिन कोई पालन करौ, तब जो परमेस्‍वर सान्‍ती कौ पिता है तुमारे संग रैहबैगौ।

कुलुस्सियों 2:2

ऐसौ कैहवे के पीछे मेरौ उद्‍देस्‍य जि है कै तुम समझदार है जाऔ जाते तुमारे मन में हिम्मत आ जाबै और तुम एक दूसरे ते पिरेम के रिस्ते में बंधे रहौ जाते तुम परमेस्‍वर की गहरी बातन नें अच्‍छी तरीका ते समझ पाऔ और मसीह कूं अच्‍छी रीति ते जान लेऔ।

1 थिस्सलुनिकियों 2:13

हम जामारैऊ परमेस्‍वर कौ लगातार धन्यबाद करतें। जब हमारे द्वारा परमेस्‍वर कौ वचन तुम्हारे जौरें पौंहचौ तौ तुमने बू आदमी कौ वचन नांय, पर जैसौ कै बू बास्तव में है परमेस्‍वर कौ वचन समझ के अपनांयो हतो। और जि वचन तुम भरोसौ करबे बारे लोगन मेंऊ काम करतै।

2 थिस्सलुनिकियों 2:14

परमेस्‍वर नें हमारे सुभ समाचार पिरचार के द्वारा तुमकूं बुलायौ है जाते कै तुम हमारे पिरभू ईसू मसीह की महिमा कूं लै सकौ।

2 तिमुथियुस 2:10

मैं चुने भये लोगन के काजै सब कछू सहन करूं। कै बेऊ बा उद्धार कूं जो मसीह ईसू में है, कबऊ नां खतम हैबे बारी महिमा के संग पायें।

2 तिमुथियुस 2:8

ध्‍यान रख ईसू मसीह जो दाऊद के बन्स में पैदा भयौ, और मरे भयेन में ते जीबित है उठौ, जेई मेरौ सुभ समाचार है।

इब्रानियों 10:22

तौ फिर आओ, हम सच्‍चे हृदय, पूरे भरोसे के संग, और बिबेक कौ दोस दूर करबे काजै हृदय पै मसीह के लहू कौ छिड़काब लेकर, और सुद्ध जल ते धोए भये अपने सरीरन के संग, परमेस्‍वर के जौरें पौंहचतैं।

इब्रानियों 6:11

हमारी इच्‍छा है कै, तुम में ते हर कोई अन्‍त तक ऐसौई कठिन परिस्रम करतौ रैहबै। अगर तुम ऐसौ करौ तौ तुम पक्‍कौई बाय पा जाओगे जाकी तुम आसा कर रये हैं।

1 पतरस 1:12

बिनपै जेऊ उजागर करौ गयौए कै बे खुद अपनी सेबा नांय कर रये, पर तुमारी सेबा कर रये हैं। बे बातें सुरग ते भेजे गये पबित्र आतमा के द्वारा तुमें सुभ समाचार की सिछा दैबे बारेन के जरिये बता दयीं गई हतीं। जिन बातन कूं जानबे काजै सुरग दूत तरसते हते।

1 पतरस 1:3

हमारे पिरभू ईसू मसीह के पिता परमेस्‍वर कौ धन्यबाद होय। बानें हमारे पिरभू ईसू मसीह कूं मरे भयेन में ते जी उठबे के द्वारा अपनी बड़ी दया ते हमें जीबित आसा में नयौ जन्म दियौ है।

1 पतरस 5:3

जो लोग तुमें सौंपे गये हैं बिनपै अपनों अधिकार मत जताऔ, पर बिनके काजै एक नमूना बनों।

2 पतरस 1:10

हे भईयाओ, तुम जा काम के काजै बुलाये और चुने भयेऔ, बाय पूरौ करबे के जतन में लगे रहौ, अगर तुम ऐसौ करिंगे तौ तुम कबऊ भरोसे ते नां डगमगाएंगे।

2 पतरस 1:19

और अब हमारे जौरें परमेस्‍वर की ओर ते बात बताबे बारेन कौ वचन है, बू घटना ते और मजबूत ठहरौए। तुम जि अच्‍छौ करैं कै तुम बाय जि समझकें ध्‍यान करैं के बू एक दीयौए है जो अन्धेरी जगैह में बा समै तक उजीतौ दैतौ रैहबैगौ जब तक सबेरौ हैबे की रोसनी नांय दिखाई दैबै, और तुमारे मन में भोर कौ तारौ निकरै।