1 थिस्सलुनिकियों 1:10 - बृज भासा

¹⁰ और वाके बेटा ईसू की सुरग पैते आयवे की बाट जोह रहे हैं, जाकूं परमेस्‍वर नें मरे भयेन में ते जिलायौ हतो और बुई हमें आयवे बारे परमेस्‍वर के प्रकोप ते बचा सकै।

1 थिस्सलुनिकियों 1:10 Iomraidhean Croise

मत्‍ती 1:21

बू बेटा जनैगी, तू वाकौ नाम ईसू रखियो। चौंकि बू अपने लोगन कौ बिनके पापन ते उद्धार करैगौ।”

मत्‍ती 16:27

मैं, ‘मनुस्‍य कौ बेटा’ अपने सुरग दूतन के संग अपने पिता की महिमा में आऊंगो और बा समै मैं हरेक कूं वाके कामन के अनुसार प्रतिफल दुंगो।

मत्‍ती 16:28

“मैं तुमते सच कैहतूं कै ज्हांपै जितने हैं बिनमें ते कितने तौ ऐसे हैं जब तक ‘मनुस्‍य के बेटा’ कूं अपने राज में आबत भयौ नांय देख लिंगे तब तक बे नांय मरिंगे।”

मत्‍ती 3:7

तब भौतसे फरीसी और सदूकी लोगन कूं बपतिस्मा के काजै अपने जौरै आते देखौ तौ यूहन्‍ना नें बिनते कही, “अरे सांप के सपोरेओ परमेस्‍वर के दन्‍ड ते तुम बच सकौ जाके बारे में तुमें कौन्‍नें चैताय दियौ है?

लूका 2:25

बा समै येरूसलेम में सिमौन नाम कौ परमेस्‍वर कौ एक भक्‍त और धरमी आदमी हतौ। बू इसरायल की सान्‍ती की बाट जोह रयौ हतो और पबित्र आतमा वाके संग हतो।

लूका 3:7

और जो लोग भीड में ते यूहन्‍ना के जौरें बपतिस्मा लैबे काजै आबते उनते बू कैहतो, “अरे सांप के सपोरेओ परमेस्‍वर के दन्‍ड ते तुम बच सकतौ जाके बारे में तुमें कौन्‍नें चैताय दयौए?

प्रेरितन के काम 1:11

और बे कैहबे लगे, “अरे गलीली लोगो तुम सुरग की ओर टक टकी लगायकें का देख रयेऔ? जा तरैह ते ईसू कूं बादरन में जाबत भये देख रयेऔ बैसेई बाय दुबारा आबत भये देखौगे।”

प्रेरितन के काम 17:31

चौंकि बानें न्याय के काजै एक दिना ठहरयौए, जामें बू पैहले ते ठहराये आदमी के द्वारा धारमिकता ते संसार कौ न्याय करैगौ, परमेस्‍वर नें मरे भयेन मेंते जीबित करके बानें जि सबूत दयौ है।”

प्रेरितन के काम 2:24

पर परमेस्‍वर ने बाय मौत के दरद ते छुड़ाय के दुबारा जीबित करौ, चौंकि जि हैई नांय सकत कै मौत बाय अपने बस में कर सकै।

प्रेरितन के काम 2:32

“जाई ईसू कूं परमेस्‍वर ने दुबारा जीबित करौ, जाके हम सब गबाह हैं।

प्रेरितन के काम 3:15

लोगन कूं जीबन कौ रस्ता दिखाबे बारे कूं तुम लोगन नें मार डारौ। पर परमेस्‍वर ने बाय मरे भयेन मेंते जीबित करौऐ। हम जाकी गबाही दै रये हैं।

प्रेरितन के काम 3:21

“मसीह कूं तब तक सुरग में रैहनौ होगौ जब तक सब बात पैहले जैसी नांय है जांय। जाके बारे में परमेस्‍वर नें अपनी ओर ते बात बतायबे बारे पबित्र लोगन के द्वारा पैहले समैं तेई बताय दयी हती।

प्रेरितन के काम 4:10

तौ तुम सब इसरायली लोगन कूं जि मालूम है जानी चहिऐं कै, जि काम ईसू मसीह नासरी के नाम ते भयौऐ। जाकूं तुमने क्रूस पै चढ़ाय दयौ हतो और जाय परमेस्‍वर ने मरे भयेन मेते दुबारा जीबित कर दयौ हतो। जि आदमी बाई के नाम के द्वारा पूरी तरैह ते ठीक भयौए और तुमारे सामने ठाड़ौए।

रोमियों 1:4

बू आदमी के रूप में दाऊद के वंस में पैदा भयौ और पबित्र आतमा के द्वारा मरे भयेन में ते जिलाये जाबे की बजह ते सामर्थ के संग अपने कूं परमेस्‍वर कौ बेटा साबित करौ है। जेई ईसू मसीह हमारौ पिरभू है।

रोमियों 2:7

जो लोग भलाई के काम करते भये महिमा, आदर और अमरता की खोज में रैहतै, परमेस्‍वर बिनें कबऊ नांय खतम हैबे बारौ जीबन दैबेगौ।

रोमियों 4:25

ईसू हमारे पापन के काजै मारे जाबे कूं पकरबायौ गयौ और हमें धरमी बनाबे के काजै मरे भयेन में ते जीबित करौ गयौ।

रोमियों 8:34

ऐसौ कौन है जो बिनें दोसी ठहराबेगौ? का मसीह ईसू ऐसौ करैगौ? बू तौ जो मर गयौ बल्कि मरे भयेन में जीबित करौ गयौ है और परमेस्‍वर के दाहिनी ओर बैठौ है और हमारी ओर ते बिनतीऊ करतै

1 कुरिन्थियों 1:7

जाई बजैह ते तुमारे जौरे वाके काऊ आतमिक वरदानन की कमी नांय। तुम सब हमारे पिरभू ईसू मसीह के पिरगट हैबे कौ इन्‍तजार करते रहो।

गलातियों 3:13

मसीह हमारे काजै दोसी बनो। जाते बानें हमे मोल लैकै नियम के साप ते छुड़ायो चौंकि लिखौ है, “के जो कोई काठ पै लटकाऔ जाबे बू सापित है।”

फिलिप्पियों 3:20

पर हमारौ देस तौ सुरग है और हम सुरग ते आयबे बारे हमारे उद्धारकरता पिरभू ईसू मसीह कौ बेसबरी ते इन्तजार कर रये हैं।

कुलुस्सियों 1:18

बुई सरीर रूपी कलिसिया कौ सर है और बुई जीबन की सुरुआत है और मरे भयेन में ते जीबित हैबे बारेन में पैहलौठौ है, जाते बू सब बातन में परम पिरधान मानों जावे।

1 थिस्सलुनिकियों 1:7

य्हाँ तक कै तुम मकिदुनियां और अखाया देस के सब भरोसौ करबे बारे लोगन के काजै सीख दैवे बारे नमूना बन गएऔ।

1 थिस्सलुनिकियों 2:16

और बे गैर यहुदियन कूं उद्धार कौ सुभ समाचार सुनाबे तेऊ हमें रोकतै और जा तरैह ते बे अपने पापन कौ घड़ा भर रये है और अब परमेस्‍वर कौ प्रकोप बिनपै पूरी तरैह ते आ परौ है।

1 थिस्सलुनिकियों 2:7

हम मसीह के भेजे भये चेला हैबे की वजह ते तुम पै अधिकार जता सकैं, पर अपने बालकन कौ लालन-पालन करबे बारी माँ की तरैह ते हमनें तुम्हारे बीच में रैहके कोमल व्‍यवहार करौ है।

1 थिस्सलुनिकियों 5:9

चौंकि परमेस्‍वर ने हमें अपने गुस्सा काजै नांय, पर जा काजै ठहरायो है कै, हम अपने पिरभू ईसू मसीह के द्वारा उद्धार कूं प्राप्‍त करें।

2 तिमुथियुस 4:1

मसीह ईसू जो अपने राज्‍य में पिरगट होगौ और जीन्देन कौ और मरे भयेन कौ न्याय करैगौ। बाय और परमेस्‍वर कूं गबाह मानकैं, मैं तौकूं जि आग्‍या दै रयौऊं।

तीतुस 2:13

और बा धन्य दिना की बाट जोहते रहमें जब हमारी आसा पूरी होगी, और हमारे महान परमेस्‍वर और उद्धारकरता ईसू मसीह की महिमा पिरगट होगी।

इब्रानियों 10:27

बल्कि फिर तौ न्याय की भयानक प्रतीछा और भीसन आगई बची रह जातै, जो परमेस्‍वर के बिरोधीन कूं चट कर जाबैगी।

इब्रानियों 9:28

बाई तरैह मसीह भौतन के पापन कूं हटाबे काजै एकई बार बलिदान भयौ है। बू दूसरी बार, पापन के काजै नांय, बल्कि जो वाकी बाट जोह रये हैं, बिनके काजै उद्धार लाबे कूं पिरकट होगौ।

1 पतरस 1:21

वाके बजैह तेई तुम परमेस्‍वर पै भरोसौ करतौ, जाने बाकूं मरे भयेन में ते जीबित करौ हतो और महिमा दयी। तुमारौ भरोसौ और आसा परमेस्‍वर पै होय।

1 पतरस 1:3

हमारे पिरभू ईसू मसीह के पिता परमेस्‍वर कौ धन्यबाद होय। बानें हमारे पिरभू ईसू मसीह कूं मरे भयेन में ते जी उठबे के द्वारा अपनी बड़ी दया ते हमें जीबित आसा में नयौ जन्म दियौ है।

1 पतरस 2:21

और तुम जाई काजै बुलाये गयेऔ चौंकि मसीह नेंऊं तुमारे काजै दुख उठायौ और तुमारे काजै एक आदर्स नमूना बन गयौ, कै तुम वाके नमूना पै चलौ। सास्त्र में लिखौ है,

1 पतरस 3:18

चौंकि मसीह ने हमारे पापन के काजै दुख उठायौ, बू तौ धरमी हतो फिरऊ हमारे काजै मर गयौ कै, हमे परमेस्‍वर के जौरें लै जाबै, बू सरीर में तौ मर गयौ पर आतमा में जिलायौ गयौ।

2 पतरस 3:12

और परमेस्‍वर के बा दिन की बाट देखनी चहिऐं, और बा दिनां कूं जल्दी लायबे काजै कोसिस करौ, बा दिना आकास आग की लपट ते जरकें नस्‍ट है जाबैगौ और आकास के गन भौतई गरम हैके गल जांगे।

2 पतरस 3:14

जामारैं हे मेरे प्यारे मित्रों, जब तुम इन बातन की आसा देख रयेऔ तौ तुम जि जतन करौ कै सान्‍ती ते पिरभू की नजर में दोस रहित बेकसूर ठहरौ।

प्रकासित बाक्य 1:18

मैं बुईऊं जाके जौरें जीबन है। मैं पैहले मर गयौ हतो, अब युगानुयुग जीबतौ हूं। देखौ, मौत और पाताल की तारी मेरे जौरें है।

प्रकासित बाक्य 1:7

देखौ, बू बादरन पै आबे बारौ है, हरेक आँख बाय आते भये देखेगी और बेऊ जिन्‍ने बाय मारौ हतो, बेऊ बाय देखिंगे और धरती के सगरे कुल वाके कारन छाती पीटिंगे। ऐसौई हैबै।