1 पतरस 3:4 - बृज भासा

⁴ पर तुमारौ सिंगार तौ तुमारे मन के अन्दर की, नम्रता और बा अबिनासी सान्‍त आतमा ते सजौ भयौ होय तौ परमेस्‍वर की निगाह में वाकौ जादा मोलै।

1 पतरस 3:4 Iomraidhean Croise

मत्‍ती 11:29

मेरौ जूआ अपने ऊपर लै लेओ और मोते सीखौ मेरौ सुभाव नम्र और दयालू है जा तरैह ते तुम अपनी आतमा में सान्‍ती पाऔगे।

मत्‍ती 21:5

“सियोन नगर के लोगन ते कहौ, ‘देख! तेरौ राजा तेरे जौरै आ रयौ है, बू बिनम्र हैं, बू गधी के बच्‍चा पै सबार हैं।’”

मत्‍ती 23:26

हे अन्धे फरीसियों, जैसे पैहले कटोरा और थारीन कूं भीतर ते मांजो जाते तौ बे बाहरऊ साफ है जातै।

मत्‍ती 5:5

धन्य हैं बे जो नम्र हैं, चौंकि बे धरती के अधिकारी बनाए जांगे।

लूका 11:40

हे मूर्ख लोगो जानें बाहर कौ भाग बनांयौ है का बानें भीतर को भाग नांय बनांयौ? बेई भीतर केऊ भाग कूं बनाबतै।

लूका 16:15

जापै ईसू नें बिनते कही, “तुम लोगन कूं जि जतायबौ चाहतौ कै हम भौत धरमी हैं पर परमेस्‍वर तुमारे मन कूं अच्‍छी तरैह ते जानतै। चौंकि जो चीज लोगन की नजरन में भौत कीमती है बू परमेस्‍वर कि नजर में तुच्‍छ है।

रोमियों 1:23

बिन्‍नें अबिनासी परमेस्‍वर की महिमा कूं नांसबान लोगन, चिरईयन, पसुअन, और रेंगबे बारे जन्‍तुअन की मूरत की समानता में बदर डारौ है।

रोमियों 2:29

जो अन्दर ते यहुदी है, बू सच्‍चौ यहुदी है। सच्‍चौ खतना आतमा के द्वारा मन कौ खतना है नां कै लिखी व्‍यबस्था कौ। ऐसे आदमी की बड़ाई लोग नांय पर परमेस्‍वर की ओर ते करी जातै।

रोमियों 6:6

चौंकि हम जि जानते हैं कै हमारौ पुरानौ स्‍वभाब ईसू के संगई क्रूस पै चढ़ा दयौ गयौ हतो ताकि पाप ते भरे हमारे सरीर नांस है जाबें। और हम आगे के काजै पाप के दास न बने रहें।

रोमियों 7:22

अपनी अन्‍तरआतमा में मैं परमेस्‍वर की व्‍यबस्था ते भौत खुस रैहतूं।

2 कुरिन्थियों 10:1

मैं, पौलुस, खुद मसीह की सी दयालुता और दीनता ते तुम लोगन ते निबेदन करतूं। कछू लोग कैहतै, जब मैं तुम लोगन के संग हतो तौ नम्रता रखतूं, पर जब मैं तुमते दूर हूं तौ तुमारे प्रति कठोरता दिखातूं।

2 कुरिन्थियों 4:16

जामारै हम हिम्मत नांय हारत। हमारौ बाहरी मानबीय सरीर कमजोर होतौ जा रयौ है, तौऊं हमारौ भीतरी जीबन दिन प्रतिदिन मजबूत होतौ जा रयौ है।

गलातियों 5:23

नम्रता और संयम है। ऐसे-ऐसे कामन के बिरोध में कोई नियम नांय।

इफिसियों 4:2

मतलब सबरी दीनता और कोमलता के संग धीरज धरकै पिरेम ते एक दूसरे की सह लेऔ,

कुलुस्सियों 3:12

तुम परमेस्‍वर के प्यारे चुने भये पबित्र लोग हैं। जामारैं पिरेम ते भरे भये, बड़ी दया, भलाई, और नम्रता, सहनसीलताऐ अपनां लेऔ।

कुलुस्सियों 3:3

चौंकि तुमारौ पुरानों स्‍वभाव तौ मर गयौ है और तुमारौ जीबन मसीह के संग परमेस्‍वर में छिपौ भयौ है।

1 थिस्सलुनिकियों 4:11

जा बात कौ ध्‍यान रखौ कै तुम एक दूसरे के संग मेल-मिलाप ते रहौ और तुमारौ ध्‍यान तुमारे काम मेंईं लगो रैहबै। तुम दूसरे के कामन में टाँग मत अड़ाऔ पर तुम बैसौई करौ जैसै हमनें तुमते करबे कूं कही हती।

2 थिस्सलुनिकियों 3:12

ऐसे लोगन कूं हम पिरभू ईसू मसीह के नाम में समझामकें आग्या दैमें कै, बे दूसरे के काम धन्धे में दखल नांय दैमें और अपनों कमायकै खानों खामें।

1 तिमुथियुस 2:2

राजा और सब अधिकारिन के काजैऊ पिराथना करे करौ, जाते हम चैन के संग सान्‍ती ते सबरी भक्‍ती और परमेस्‍वर के काजै आदर ते जीबन जी सकैं।

2 तिमुथियुस 2:25

बू बिरोधिन कूं नम्रता ते समझाबे बारौ होनों चहिऐं, ना जाने परमेस्‍वर बिनकूं मन फिराबे को मन दैवे जाते बेऊ सच्‍चाई कूं जानें,

तीतुस 3:2

काऊ की निन्दा नां करें और झगड़ालू नां हों, पर सहनसील हों और लोगन के संग कोमलता कौ व्‍यवहार करें।

याकूब 1:21

सब घिनोंने आचरन और फैले भये बुरे कामन नें छोड़कै नरमाई ते पिरभू के वचन कूं मान लेओ, बाई ते तुमारौ उद्धार होगौ।

1 पतरस 1:23

तुमने दुबारा जनम लियौऐ और अब तुमने बा नासबान बीज ते जनम नांय लियौ, पर बा कबऊ ना नास हैबे बारौ बीज, परमेस्‍वर के जीबित वचन ते भयौऐ जो अटल है।

1 पतरस 3:15

पर मसीह कूं अपनों पिरभू जानकें अपने अपने मन में पबित्र समझकें जो लोग तुमारी आसा कै आधार पै वाके बारे में तुमते जो कोई पूछे तौ बाय बताबे काजै आदर के संग हमेसा तैयार रहौ।