1 पतरस 3:1 - बृज भासा

^1-2 हे पतनिंयो अपने पतिन कौ कहनों मानों। जामारैं अगर कोई पती वचन कूं न मान्‍ते होंय बेऊ तुमारे भय सहित पबित्र चाल-चलन कूं देखकें वचन की ओर खिचे चले आंगे।

1 पतरस 3:1 Iomraidhean Croise

मत्‍ती 18:15

“अगर तुमारौ कोई भरोसौ करबे बारौ भईया पाप करतुए, जायकें बाय अकेले में समझा। यदि बू तुमारी बात मान जाबै,तौ तुमने अपनों बा भईया कूं बचाय लयौ।

रोमियों 10:16

पर सब ने सुभ समाचार कूं अपनांयौ नांय। परमेस्‍वर की ओर ते बात बताबे बारौ यसायाह कैहतै, “हे पिरभू, हमारे उपदेस पै किन्नें भरोसौ करौ है?”

रोमियों 6:17

पर परमेस्‍वर का धन्यबाद है कै, तुम लोग जो पैहले पाप के दास हते, अब अपने सबरे मन ते बिन उपदेसन की रीति पै चलबे लगे, जो तुमें सौंपे गये हते।

रोमियों 7:2

उदाहरन के काजै एक सादी सुदा औरत अपने पती के संग कानून के हिसाब ते तबई तक बंधी है जब तक वाकौ पती जीबित है, पर अगर वाकौ पती मर जातै, तौ बू ब्याह के सब नियमन ते आजाद है जातै।

1 कुरिन्थियों 11:3

पर मैं जि चाहतूं कै, तुम जि जान लेओ कै औरत कौ सिर वाकौ आदमी है बैसेई मसीह हरेक आदमी कौ सिर है और मसीह कौ सिर परमेस्‍वर है।

1 कुरिन्थियों 14:34

कलिसिया में औरतन कूं मौन रहनों चहिऐं, चौंकि उन्‍नें बात करबे की आग्‍या नांय। बे अधीनता ते रैहबे, जैसौ व्‍यबस्था में लिखौ भयौ है।

1 कुरिन्थियों 7:16

पर का पतौए, है सकतै कै, पतनी अपने पती के छुटकारै कौ कारन बन जाबै और पती अपनी पतनी के छुटकारे कौ कारन।

इफिसियों 5:33

और कछू भी होय, तुम लोग अपनी पतनी ते अपने जैसौ पिरेम करौ और हे पतनी अपने पती कौ आदर करै।

कुलुस्सियों 3:18

हे पिरभू कूं मानवे बारी पतनिंयों पिरभू में जो सई है बैसेई अपने अपने पतीन के अधीन रैहकै बिनकी बातन नें माने करौ।

कुलुस्सियों 4:5

हर मौका कौ पूरौ-पूरौ फायदा उठाये करौ और बाहर बारेन के संग बुद्धी के संग व्‍यवहार करौ।

2 थिस्सलुनिकियों 1:8

और जो लोग परमेस्‍वर कूं नांय जानें और हमारे पिरभू ईसू के सुभ समाचार कूं नांय मानें, बिनकूं दन्‍ड दैवेगौ।

इब्रानियों 11:8

भरोसे के कारन ही, जब अब्राहम कूं ऐसी जगैह पै जाबे के काजै बुलायौ गयौ हतो, जाय बू बाद में बिरासत के रूप में लैबे बारौ हतो, भलेई बू जि जानत तक नांओ कै, बू कहाँ जा रयौ है, फिरऊ बानें आग्‍या मानी और बू चलौ गयौ।

इब्रानियों 5:9

और एक बार सम्पूर्न बन जाबै पै बिन सबन काजै जो वाकी आग्‍या का पालन करैं, बू अनन्‍त छुटकारे का स्रोत बन गयौ।

1 पतरस 1:22

अब देखौ तुमनें अपने आप कूं भाई चारे के सच्‍चे पिरेम कूं दिखाबे काजै अपनी आतमा कूं पबित्र कर लियौऐ तौ पबित्र मन ते एक दूसरे ते बिना कपट के पिरेम करबे कौ मन बनांय लेओ।

1 पतरस 3:7

हे पतीयों अगर तुमऊं अपनी पतनीन के संग समझदारी ते एसौई ब्यबहार करौ, और बिनकूं निरबल समझकें आदर देऔ और अपने कबऊ नांय खतम हैबे बारे जीबन के वरदान में दोनों बारिस बनों, जाते तुमारी पिराथनान में कोई रुकाबट नांय आबै।

1 पतरस 4:17

चौंकि अब न्याय कौ समै सुरू है गयौए। और परमेस्‍वर अपने निज घराने तेई न्याय सुरू कर रयौ है, तौ जिनें परमेस्‍वर के सुभ समाचार कूं नांय मानों तौ बिनकौ का हाल होगौ? सास्त्र में लिखौ है,