1 पतरस 2:2 - बृज भासा

² एक छोटे नबजात बालक की तरैह ते आतमिक दूध की लालसा में लगे रहौ, जाते बामे उद्धार पाबे काजै बढ़ते जाऔ।

1 पतरस 2:2 Iomraidhean Croise

मत्‍ती 18:3

और बिनते कही, “मैं तुमते सच कैह रयौ हूं, जब तक तुम लोग अपने पापन ते मन ना फिराऔ और एक बालक के समान न बनौंगे, तौ तुम सुरग के राज में पिरबेस नांय कर पाऔगे।

मत्‍ती 19:14

तब ईसू नें चेलान ते कही, “कै बालकन कूं मत रोकौ बिन्‍नें मेरे जोरै आन देओ। चौंकि सुरग कौ राज इनके जैसे लोगन कौई है।”

मरकुस 10:15

मैं तुमते सच कहतूं कै, “जो कोई इन बालकन की नांई परमेस्‍वर के राज्य कूं नांय अपनावे, तौ बू बामें कबऊ नांय जाय पावेगौ।”

लूका 18:17

मैं तुमते सच कैह रयौ हूं जो कोई परमेस्‍वर के राज कूं एक बालक के समान अपनाबैगौ बुई सुरग में जाबेगौ।”

रोमियों 6:4

जामारै वाकी मौत में बपतिस्मा लैबे ते हम सबऊ वाके संगई गाड़ दिये गये हते ताकि जैसे परम पिता की महिमामय सामर्थ के द्वारा ईसू मसीह कूं मरे भयेन में ते जीबित करौ गयौ हतो, बैसेई हमऊ एक नयौ जीबन पाबें।

1 कुरिन्थियों 14:20

हे भईया बहनों, तुम समझ में बालक नांय बनो, तुम बुराई के बारे में तौ बालक की तरैह रहौ। पर अपने सोच बिचार में समझदार बन जाऔ।

इफिसियों 2:21

मसीह में सब बिसबासी एक संग मिलकै पिरभू के काजै एक पबित्र बड़े पिराथना घर बन जातै।

इफिसियों 4:15

पर पिरेम ते सच्‍चाई में चलत भये मसीह के सरीर रूपी कलिसिया में बढ़ते जाऔ, मसीह ही कलिसिया कौ सिर है।

2 थिस्सलुनिकियों 1:3

हे भईयाओ, तुमारे बारे में हमें हर समै परमेस्‍वर कौ धन्यबाद करनों चहिऐं, और जि ठीकउ है। चौंकि तुम सब भरोसे में भौतई बढ़ते जा रयेऔ और तुम में आपसी पिरेमऊ भौत बढ़तौ जा रयौ है।

1 पतरस 1:23

तुमने दुबारा जनम लियौऐ और अब तुमने बा नासबान बीज ते जनम नांय लियौ, पर बा कबऊ ना नास हैबे बारौ बीज, परमेस्‍वर के जीबित वचन ते भयौऐ जो अटल है।

2 पतरस 3:18

हमारे उद्धार करबे बारे हमारे पिरभू ईसू मसीह की किरपा और ग्‍यान में बड़ते जाऔ। अब हमेसा हमेसा वाकी महिमा होती रहै। ऐसौई होबे।