1 पतरस 1:2 - बृज भासा

² पिता परमेस्‍वर तुम्हें पैहले तेई जानैं, और वाके अनुसार तुम बुलाये गयेऔ। वाके आतमा ने तुमें पबित्र बनांयौ है जाते तुम ईसू मसीह की आग्‍या मानौ और वाके खून ते पबित्र है जाऔ। तुमारे ऊपर भौत किरपा और सान्‍ती हैती रैहबै।

1 पतरस 1:2 Iomraidhean Croise

मत्‍ती 24:22

“और अगर बे दिन घटाये ना जाते, तौ एकऊ आदमी नां बचतौ, जि चुने भए लोगन की बजैह ते दिना घटाये गये हैं।

मत्‍ती 24:24

चौंकि झूंठे मसीह और परमेस्‍वर के बारे में झूंठी बात बतायबे बारे खडे होगें,और ऐसे-ऐसे चिन्‍न और चमत्‍कार जामारै दिखायेंगे कै है सकै जो चुने भयेऐं, बे भैहक जांमे।

मत्‍ती 24:31

मैं तुरही की अबाज के संग अपने दूतन कूं भेजुंगा और बे आकास के जा छोर ते बा छोर तक चारों दिसान में ते, परमेस्‍वर के चुने भए लोगन कूं इकठ्‌ठौ करिंगे।

मरकुस 13:20

और अगर पिरभू नें बिन दिनान कूं घटायौ नांय होते, तौ कोई आदमी जीबित नांय बचतो, पर परमेस्‍वर नें अपने चुने भये लोगन के कारन बिन दिनान कूं घटायौ।

मरकुस 13:22

चौंकि बा समै झूंठे मसीह और परमेस्‍वर के बारे में झूंठी बात बतायबे बारे लोग दिखाई दिंगे और बे कछू ऐसे निसान और अद्‍भुत काम दिखायेंगे। सायद बे परमेस्‍वर के चुने भयेन कूं गुमराह करवे की कोसिस करिंगे।

मरकुस 13:27

बा समै मैं अपने सुरग दूतन कूं भेजके धरती के जा छोर ते आकास के बा छोर तक चारौ दिसन ते अपने चुने भये लोगन कूं इकठ्‌ठो करुंगौ।

लूका 18:7

का परमेस्‍वर अपने चुने भये लोगन कौ सच्‍चौ न्याय ना करैगौ, जो बाकूं दिन रात पुकारत रैहतैं, का बू बिनकी सहायता करबे में देर लगाबेगौ?

प्रेरितन के काम 15:18

‘इन बातन्‍नें बुई पिरभू कैहतै, जौ युग-युग ते इन बातन कूं पिरगट करतौ रहौऐ।’

प्रेरितन के काम 2:23

बाई ईसू कूं परमेस्‍वर की ठहराई योजना के अनुसार पकरबायौ गयौ और तुमने बाकूं अधर्मी लोगन की मदद ते क्रूस पै चढ़ाय दयौ और कील ठोककै मार डारौ।

प्रेरितन के काम 20:32

“अब मैं परमेस्‍वर की दया के समाचार कूं तुमें सौंपतूं और जिय तुमें बढ़बे में और सब पबित्र लोगन के संग बिरासत दिबाबे में सामर्थीऐ।

रोमियों 1:5

जाई के द्वारा हमें किरपा और भेजे भये चेला बनवे कौ अधिकार मिलौ है, जाते मैं ईसू मसीह के नाम में सब गैर यहुदियन में पिरचार करूं और बे सब लोग भरोसौ करके वाकी मानें।

रोमियों 1:7

इन सब में तुम लोगऊ परमेस्‍वर के प्यारे और परमेस्‍वर के पबित्र लोग हैबे काजै बुलाए गये हैं। हमारे पिता परमेस्‍वर और पिरभू ईसू मसीह की ओर ते तुमें किरपा और सान्‍ती मिलती रैहबै।

रोमियों 11:2

परमेस्‍वर नें अपने लोगन कूं नांय नकारौ जिनें बानें पहले तेई चुनों हतो। का तुम नांय जानते कै, एलियाह के बारे में पबित्र सास्त्र का कहतै, जब एलियाह परमेस्‍वर ते इसरायल के लोगन के बिरोध में बिनती करतै?

रोमियों 11:28

ज्हाँ तक सुभ समाचार कौ सम्बन्ध है, बे तुमारे हित में परमेस्‍वर के बैरी हैं, पर ज्हाँ तक परमेस्‍वर द्वारा बिनके चुने जाबे का सम्बन्ध है, बे बिनके बाप दादाऔ कूं दिये बाचा के अनुसार परमेस्‍वर के प्यारे हैं।

रोमियों 15:16

मैं गैर यहुदिन के काजै ईसू मसीह कौ सेबक बनकै परमेस्‍वर के सुभ समाचार के काजै एक पुरोहित के रूप में काम करूं ताकि गैर यहुदी परमेस्‍वर के आगे अपनाबे योग्‍य भेंट बन सकें और पबित्र आतमा के द्वारा परमेस्‍वर के काजै पूरी तरैह पबित्र बनें।

रोमियों 16:19

तुमारी आग्‍याकारिता की चर्चा बाहर हर काऊ तक पहुँच चुकी है। जामारै तुमते मैं भौत खुस हूं। पर मैं चाहतूं कै, तुम भलाई के काजै बुद्धिमान बने रहो और बुराई के काजै अबोध रहो।

रोमियों 16:26

पर जाय अनन्‍त परमेस्‍वर के आदेस ते परमेस्‍वर की ओर ते बात बताबे बारेन की किताब के द्वारा अब हमें और देस देस के लोगन पै पिरकट करके बता दयौ गयौ है जाते भरोसा ते आग्‍या मानबे बारे है जाबें।

रोमियों 8:13

चौंकि अगर तुम सांसारिक सरीर के अनुसार जिऔगे तौ मरौगे। पर अगर तुम आतमा के द्वारा सरीर की इच्‍छान कौ अंत कर देओगे तौ तुम जीबन जिऔगे।

रोमियों 8:33

परमेस्‍वर के चुने भये लोगन पै ऐसौ कौन है जो दोस लगाबेगौ? बू परमेस्‍वरई है जो बिनें निरदोस ठहरातै।

1 कुरिन्थियों 1:30

पर परमेस्‍वर की ओर ते तुम मसीह ईसू में बने भये हो, मसीह जो परमेस्‍वर की ओर ते हमारे काजै ग्‍यान मतलब धारमिकता, पबित्रता और छुटकारौ ठहरौ है।

1 कुरिन्थियों 6:11

तुम मेंते भौतसे ऐसेई जीबन जी रये हते। पर तुम अब धोयकै पबित्र करे गयेऔ और तुमकूं परमेस्‍वर की सेबा के काजै, पिरभू ईसू मसीह के नाम ते और परमेस्‍वर की आतमा के द्वारा धरमी ठहराये हो।

2 कुरिन्थियों 10:5

जामारै हम परमेस्‍वर के ग्‍यान के बिरोध में उठबे बारी हर कल्पना और हर एक ऊंची बात कौ खन्‍डन करतै, और हर एक भावना कूं कैद करकै मसीह कौ आग्‍याकारी बना देतै।

2 कुरिन्थियों 13:14

पिरभू ईसू की किरपा और परमेस्‍वर कौ पिरेम और पबित्र आतमा की संगति तुम सबके साथ होती रैहबै।

कुलुस्सियों 3:12

तुम परमेस्‍वर के प्यारे चुने भये पबित्र लोग हैं। जामारैं पिरेम ते भरे भये, बड़ी दया, भलाई, और नम्रता, सहनसीलताऐ अपनां लेऔ।

2 थिस्सलुनिकियों 2:13

पिरभू में प्यारे भईयाओ, तुमारे काजै हमें हमेसा परमेस्‍वर कौ धन्यबाद करते रहनों चहिऐं। चौंकि परमेस्‍वर नें तुमकूं पैहले तेई चुन लियौ है। तुम आतमा के द्वारा पबित्र बनके और सत्‍य पै भरोसौ करके उद्धार पाऔ।

2 तिमुथियुस 2:10

मैं चुने भये लोगन के काजै सब कछू सहन करूं। कै बेऊ बा उद्धार कूं जो मसीह ईसू में है, कबऊ नां खतम हैबे बारी महिमा के संग पायें।

तीतुस 1:1

जि चिठ्‌ठी पौलुस की ओर ते है, जो परमेस्‍वर कौ दास और ईसू मसीह कौ भेजौ भयौ चेला है, ताकि बू परमेस्‍वर के चुने भये लोगन कूं भरोसे बढ़ाबे और सच्‍ची भक्‍ती कौ ग्‍यान दैबे काजै तीतुस कूं भेज रौय,

इब्रानियों 10:22

तौ फिर आओ, हम सच्‍चे हृदय, पूरे भरोसे के संग, और बिबेक कौ दोस दूर करबे काजै हृदय पै मसीह के लहू कौ छिड़काब लेकर, और सुद्ध जल ते धोए भये अपने सरीरन के संग, परमेस्‍वर के जौरें पौंहचतैं।

इब्रानियों 11:28

भरोसे ते ही, बानें फसह कौ त्यौहार और लहू छिड़कबे की बिधि कौ पालन करौ, ताकि नास करबे बारौ दूत, इसरायलीन के पैहलौठे बेटन कूं नास ना कर पाए।

इब्रानियों 12:24

और एक नयी बाचा के बिचौलिया ईसू और वाके छिड़के भये बा लहू ते जौरें आ चुकेओ, जो हाबिल के लहू ते कऊं जादा उत्‍तम बातें बोलतै।

इब्रानियों 5:9

और एक बार सम्पूर्न बन जाबै पै बिन सबन काजै जो वाकी आग्‍या का पालन करैं, बू अनन्‍त छुटकारे का स्रोत बन गयौ।

1 पतरस 1:14

तुम लोग आग्‍या मानबे बारे बालकन की तरैह बनकैं, बा समै की बुरी इच्‍छा के अनुसार काम मत करौ जो तुम पैहले करते हते, पैहले तुम अग्‍यानी हते।

1 पतरस 1:19

पर तुमारौ छुटकारौ निरदोस और बिना कलंक बारे मैमना मतलब मसीह के भौत कीमती खून के बहाबे ते भयौऐ।

1 पतरस 1:20

जा दुनियां कूं बनाबे ते पैहलेई बाय चुन लियौ गयौ हतो, पर आखरी समै में तुमारे काजै पिरगट करौ है।

1 पतरस 1:22

अब देखौ तुमनें अपने आप कूं भाई चारे के सच्‍चे पिरेम कूं दिखाबे काजै अपनी आतमा कूं पबित्र कर लियौऐ तौ पबित्र मन ते एक दूसरे ते बिना कपट के पिरेम करबे कौ मन बनांय लेओ।

1 पतरस 2:9

पर तुम लोग चुने भये वंस, राज पदधारी पुरोहितन के समाज, और पबित्र लोग और परमेस्‍वर की चुनी भई निज पिरजा हैं, जामारैं तुम लोगन कूं अन्धेरे में ते निकारकैं अपनी अदभुत उजीते की रोसनी में बुलायौऐ। तुम वाके गुन उजागर करौ।

2 पतरस 1:2

तुम परमेस्‍वर और हमारे पिरभू ईसू की पैहचान के द्वारा किरपा और सान्‍ती में भौतायत ते बढ़ते जाऔ।

2 यूहन्‍ना 1:1

मैं कलिसिया कौ मुखिया यहुन्‍ना, जि चिठ्‌ठी बा औरत कूं, और वाकी सन्‍तान के काजै लिख रयौऊं, जाये परमेस्‍वर नें चुनों है, और जाये मैं सच्‍चाई की बजैह ते पिरेम करूं, और केबल मैं ही नांय पर बे सब बाय पिरेम करें, जो परमेस्‍वर की सच्‍चाई कूं जान गये हैं।

2 यूहन्‍ना 1:13

तेरी पियारी बहन के बालकन की ओर ते तुमकूं नमस्‍कार। जिन्हें परमेस्‍वर नें चुनों है।

यहूदा 1:2

तुम लोगन कूं किरपा, सान्‍ती और पिरेम बहुतायत ते मिलती रैहबै।