1 पतरस 1:12 - बृज भासा

¹² बिनपै जेऊ उजागर करौ गयौए कै बे खुद अपनी सेबा नांय कर रये, पर तुमारी सेबा कर रये हैं। बे बातें सुरग ते भेजे गये पबित्र आतमा के द्वारा तुमें सुभ समाचार की सिछा दैबे बारेन के जरिये बता दयीं गई हतीं। जिन बातन कूं जानबे काजै सुरग दूत तरसते हते।

1 पतरस 1:12 Iomraidhean Croise

मत्‍ती 11:25

बाई समै ईसू नें कही, “सुरग और धरती के पिरभू पिता, मैं तेरौ धन्यबाद करतूं कै, तैने इन बातन कूं ग्‍यानबान और समझदार लोगन ते छिपायके रखौ और बालकन कूं बतायौए।

मत्‍ती 11:27

“मेरे पिता परमेस्‍वर ने मोय सब कछू सौंप दयोए। पिता परमेस्‍वर कूं छोड़कै कोई पुत्र कूं नांय जान्‍त, और जाई तरैह ते बेटा के अलाबा कोई पिताए नांय जान्‍त, बेई लोग पिता कूं जान्‍तै जाकूं बेटे ने बतायौए।

मत्‍ती 16:17

ईसू नें बाते कही, “हे सिमौन योना के बेटा तू धन्य है। चौंकि जि बात मांस और लहू ते नांय पर सुरग में बैठे भये, मेरे पिता ने तोपै पिरगट करीए।

मरकुस 16:15

और ईसू नें बिनते कही, “कै पूरे संसार में जायकै सारी दुनियां के लोगन में सुभ समाचार पिरचार करों।

लूका 15:10

मैं तुमते कैहतूं कै जाई तरैह तै एक मन फिरायबे बारे पापी के काजैऊ परमेस्‍वर के सुरग दूतन की मौजूदगी में मांपै खुसी मनाई जाबेगी।”

लूका 2:26

पबित्र आतमा नें बाय बता रखौ कै, “जब तक तू पिरभू के मसीह के दरसन नांय कर लेगौ, तब तक तू नांय मरैगौ।”

लूका 9:6

फिर बे मांते निकरकै गांमन में सुभ समाचार सुनाबत भये और लोगन नें ठीक करत भये फिरते रहै।

यूहन्‍ना 15:26

“जब बू सहायक (जो सच्‍चाई कौ आतमाऐ) जो पिता की ओर ते आबतुऐ, जाय मैं पिता की ओर ते भेजूंगौ और बू मेरी ओर ते गबाही देबेगौ।

प्रेरितन के काम 10:44

पतरस अबई जि बात कर ही रयो हतौ, तबई उन सब लोगन पै जो वचन सुन रये हते, उनके ऊपर पबित्र आतमा उतरौ।

प्रेरितन के काम 16:10

जा दरसन के बाद पौलुस ने जान लयी कै, “परमेस्‍वर ने हमे इन लोगन के बीच में सुभ समाचार सुनांयबे काजै बुलायौऐ और तबई हमनें मकिदुनियां जायबे की ठान लयी।”

प्रेरितन के काम 2:33

ईसू परमेस्‍वर के दाहिने हात, सबते ऊँचौ पद पायकै बैठौए, बानें परम पिता परमेस्‍वर की प्रतिग्‍या के अनुसार पबित्र आतमा पाई और फिर बानें जा आतमा कूं हम पै उतार दयौ, जैसौ कै अब तुम देख रयेऔ और सुन रये हो।

प्रेरितन के काम 4:31

जब उन्‍नें पिराथना पूरी करी तौ जा जगह पै बे सब इकठ्‌ठे हते, बू हिलबे लगी और उन सबन में पबित्र आतमा समा गयौ, और बे बिना डरके सामर्थ के संग परमेस्‍वर के वचन बोलबे लगे।

प्रेरितन के काम 4:8

फिर पबित्र आतमा में भरकै पतरस ने उनते कही, “हे लोगन के नेताऔ और बुजुर्ग,

प्रेरितन के काम 8:25

तब भेजे भये चेला पतरस और यूहन्‍ना ने गबाही दैके, पिरभू कौ वचन सुनाबे के बाद येरूसलेम लौटे और बिन्‍नें लौटते समै रस्ता में समारिया के भौत ते गांमन में सुभ समाचार सुनांयौ।

रोमियों 1:15

जामारै मैं तुम रोम बासीन कूंअऊं सुभ समाचार सुनाबे काजै बेसबरी ते इन्‍तजार कर रयौऊं।

रोमियों 1:17

चौंकि सुभ समाचार परमेस्‍वर की धारमिकता कूं बनातै। जि धारमिकता सुरुआत ते आखरी तक भरोसे पै टिकी भयी है। जैसौ कै पबित्र सास्त्र में लिखौ भयौ है कै, “भरोसे ते धरमी जन जीबित रैहबेगौ।”

रोमियों 10:15

सुभ समाचार सुनाबे बारौ तब तक सुभ समाचार कैसे सुना पाबेंगे जब तक बिनें भेजौ न गयौ हो? जैसा कै पबित्र सास्त्र में जि लिखौ भयौ है, “सुभ समाचार सुनाबे बारेन के पाँम पड़बौ कितने सुहाबने हैं।”

रोमियों 15:19

आस्चर्य चिन्हों और अदभुत कामन की सक्‍ती और पबित्र आतमा की सामर्थ से, मेरे द्वारा पूरौ करौ। जामारै येरूसलेम ते लेकर इल्‍लुरिकुम के चारों ओर मसीह के सुभ समाचार के पिरचार का काम मैंनें पूरौ करौ।

1 कुरिन्थियों 2:10

पर जि सब परमेस्‍वर ने अपनी आतमा ते हमारे काजै पिरगट करौए। चौंकि परमेस्‍वर का आतमा सब बातन कूं ढूंढ लेतै य्हां तक कै परमेस्‍वर के गुप्‍त भेदऊए जानतै।

2 कुरिन्थियों 1:22

बाई परमेस्‍वर नें हमारे ऊपर जि मौहर लगाईऐ कै, हमारौ बू स्‍वामी है। बाईनें हमें हमारे हिरदय में अपनी पबित्र आतमा दयौ है, जो जा बात कौ सबूत है कै, बू हमें बे सब आसीरबाद दैबेगौ, जिनें दैवे कौ बानें बादा करौ है।

2 कुरिन्थियों 6:6

अपनी पबित्रता ग्‍यान, और धीरज ते, अपने दयालुपन, पबित्र आतमा के वरदान ते और सांचे पिरेम,

गलातियों 1:12

चौंकि बू मोय काऊ आदमी ते नांय मिलौ,न काऊ नें मोय वाकी सिछा दयी है पर बू तौ मोय ईसू मसीह के प्रकासन ते मिलौ है।

गलातियों 1:16

तब परमेस्‍वर की महान किरपा मोपै भई, जाते मैं वाके बेटाये, अपने आप में प्रगट करूं,तब मैं गैर यहुदीयन मेंऊ बाको सुभ समाचार सुनांयवे गयौ, तब मैंनें तुरन्‍त काऊ आदमी ते सलाह नांय लई।

इफिसियों 3:10

और अब परमेस्‍वर की जा योजनाए बिसबासियों की कलिसिया के जरिये आतमिक सक्‍ती और अधिकारिन पै परमेस्‍वर के महान ग्‍यान के हरेक हिस्साए पिरकट करौ जाबै,

1 थिस्सलुनिकियों 2:9

हे भईयाओ, तुमें हमारी बू कड़ी मेहनत और कस्ट तौ याद हुंगे, जो तुम लोगन के बीच में परमेस्‍वर के सुभ समाचार कौ पिरचार करते समै जामारैं हम रात-दिन काम-धन्धों करते रये कै हम काऊ पै बोझ नांय बनें।

1 तिमुथियुस 3:16

और जामें कोई संदेह नांय के भक्‍ती को भेद कैसौ महान है, बू जो आदमी के रूप में पैदा भयौ, आतमा में धरमी ठहरो, सुरग दूतन कूं दिखाई दीयो, देस देस के लोगन में बाको पिरचार करौ गयौ, संसार में बापे भरोसौ करो गयौ, और जो महिमा में सुरग में उठायौ गयौ।

इब्रानियों 11:13

भरोसे कूं अपने मन में लये भये ये लोग मर गए। जिन चीजन की प्रतिग्‍या दी गयी हती, बिनें बे चीजें नांय पायीं। बिन्‍नें बस बिनें दूर तेई देखौ और बिनकौ स्‍वागत करौ और बिन्‍नें जि मान लियौ कै बे जा धरती पै परदेसी और अनजाने हैं।

इब्रानियों 2:4

परमेस्‍वर नें चिन्ह, चमत्‍कार, और तरैह-तरैह के महान कामन और अपनी इच्‍छा के अनुसार पबित्र आतमा के वरदानन द्वारा जा उद्धार कौ सबूत दियौ है।

इब्रानियों 4:2

हमकूं बिनई लोगन की तरैह सुभ समाचार सुनांयौ गयौ है। पर बिन लोगन नें जो सन्देस सुनों, बिनें बाते कोई लाभ नांय भयौ, चौंकि बिन्‍नें जब बाय सुनों तब जाय भरोसे के संग नांय अपनांयौ।

1 पतरस 1:25

पर पिरभू कौ वचन हमेसा हमेसा तक टिकौ रैहबेगौ।” जि वचन बुई सुभ समाचारै जो तुमें सुनांयौ गयौ हतो।

1 पतरस 4:6

जाई मारे मरे भयेन कूं सुभ समाचार सुनांयौ गयौ, कै सरीर में तौ बिनकौ आदमी के अनुसार न्याय होय पर आतमा में बे परमेस्‍वर की इच्‍छा के अनुसार जीबित रहें।

प्रकासित बाक्य 5:11

जब बा राजगद्‍दी और बिन जीबते पिरानी और बुजुर्गन के चारौं और भौत से सुरग दूतन की अबाज सुनाई दयी, बिनकी गिनती लाख और करोड़न मैं हती।